Arriskuko pertsonekin lan egin duten profesionalak txertatzera behartzea eztabaidagai bihurtu da
Adinekoekin harreman zuzena duten egoitzetako profesionalak covid-19aren aurkako txertoa hartzera behartzeko eztabaida areagotu egin da, azken orduetan euskal zentroetan positibo kopuruak gora egin eta hiru heriotza baieztatu ondoren.
"Nahita txertorik ez hartzea erabaki duten profesionalek arrisku egoeran dauden pertsonekin harreman zuzenik ez luketela izan behar uste dut", esan zuen Ramiro Gonzalez Arabako ahaldun nagusiak prentsaurrekoan.
"Pertsona horiek kutsatzea saihestea legalki posible izan beharko litzatekeela uste dut", erantsi zuen.
"Ahaldun nagusiaren proposamenarekin bat nator". Horrela laburbildu du Gorka Urtaran Gasteizko alkateak adinekoen egoitzetako langileak behartzearen inguruko auzia.
Urtaranek 'Faktoria'n azaldu duenez, ulergarria iruditzen zaio "txertoa hartu ez duten langileak nagusiengandik gertu ez ibiltzea". "Kontuan izan behar duzu zein den adinekoen osasun egoera, ez baduzu txertoa jasotzen, eta komenigarria dela txertoa jasotzea arriskurik ez izateko", gaineratu du Gasteizko alkate eta Eudeleko presidenteak.
Halaber, "ez dut argi" neurria herritarrekin harreman zuzena duten langile publiko guztietara zabaldu behar ote den erantsi du.
David Cabrero Lizarrako (Nafarroa) San Jeronimo egoitzako zuzendaria, aldiz, ez behartzearen aldekoa da, "behartzearekin, azkenean, batzuetan kontrako erantzuna lortzen dugulako". "Pertsonak babestu behar ditugula ikusi behar du beharginak, eta kolektibo oso zaurgarri batekin ari garela lanean", azpimarratu du Cabrerok Radio Euskadin.
"Espainian oraingoz ez da derrigorrezko txertaketarik ezarri", esan du Denis Itxaso Espainiako Gobernuak EAEn duen ordezkariak. "Duela gutxi Galiziako Exekutiboa saiatu zen, eta horrek Espainiako Gobernuaren helegitea ekarri zuen", azaldu du.
"Arabako ahaldun nagusiak esan beharko digu zein motatako legedia pentsatzen ari den", adierazi du Itxasok. Espainiako Gobernuak Euskadin duen ordezkariaren ahotan, "txertaketa behartzeaz gain, eta hori oraingoz ez dago aurreikusita Espainian, beste hainbat neurri har daitezke, besteak beste, PCRak, ahal den neurrian zaharren egoitza horiek babesteko".
Zure interesekoa izan daiteke
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Urtero, Harresirik gabeko eguna ospatzen da azaroaren 9an, pertsonengan eragiten duten indarkeria salatzeko eta harresirik gabeko mundua aldarrikatzeko. 1989ko azaroaren 9an eraitsi zuten Berlingo harresia eta hortik dator data. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta antzeko eragileek deituta. Aurten, Palestinako herria izan dute bereziki gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.
"Irabazi arte", "Generación Click" eta "Los Williams" saioek Telebista Akademiaren Iris sarietako izendapena jaso dute
Sariak banatzeko ekitaldia 2026ko otsailaren 16an egingo dute, Madrilen, Teatro Real antzokian.
"Palestinarekin bat, konpromiso bat" ekimena aurkeztu dute, Gernika-Palestina sareak deituta
Gernika-Palestina herri ekimenak euskal gizartearen konpromisoa eskatu du larunbat honetan, "Palestina babesteko eta elkartasun aktiboan urratsak emateko", bai arlo ekonomikoan, bai arlo humanitarioan. Hainbat "eragile politiko eta sozialen" babesarekin eman du konpromisoaren berri, Donostian egindako prentsaurreko batean, eta Israelekin harremanak haustea eta "nazioarteko zuzenbidea errespetatzea eta aplikatzea" eskatu du.
Xabier Agote (Albaola): "Euskaldunek mundu mailan puntako itsas teknologia garatu zuten duela 500 urte"
EITBk Albaolako presidentearekin hitz egiteko aukera izan du San Juan baleontzia uretaratu eta biharamunean. Pozik eta hunkituta agertu da, baina aurretik lan handia dutela esan du; izan ere, belak eta mastak egin behar dituzte oraindik. Astelehenetik aurrera, lanean jarraituko dute, ontzia ekipatu eta udaberrian berriz ikusgai jartzeko.