EAEk bukatutzat eman du AstraZenecaren txertaketa
Eusko Jaurlaritzako Osasun Sailak bukatutzat eman du AstraZenecaren txertaketa, 60-69 urteko pertsonei emateko falta ziren bigarren dosi guztiak jarri dituztelako.
Marka horrekin hornidura arazo ugari egon dira, eta lehen dositik bigarrenera utzi ahal zen tartea 12 astekoa zen (21 eta 28 egunekoa da, hurrenez hurren, Pfizer eta Moderna farmazia etxeen kasuan). Hala, 60 urtetik gorako herritar askok eta askok gazteagoak direnak baino beranduago osatu dute immunizazio osoa.
Guztira, AstraZenecako 474.788 dosi jarri ditu Osakidetzak, jasotakoen % 86,4. Horri esker, 217.693 pertsona babestea lortu da. Horietatik 211.127 lagunek bi dosiak jaso dituzte, eta 5.566k, bakarra (aurretik birusa harrapatu dutenei dosi bakarra ipini zaie).
Soberan geratu diren 74.812 bialak beste erkidegoei eskainiko dizkie Jaurlaritzak, eta erabiltzen ez direnak beste herrialde batzuei emango dizkiete.
Jaurlaritzak ostiral honetako txertaketa buletinean bildu ditu aipatutako datuok. Horren arabera, asteazkenetik 30.300 txerto jarri dituzte. Horrela, orotara, EAEko 12 urtetik gorako 1.403.984 herritarrek osatu dute txertaketa pauta orain arte, hau da, talde horretako biztanleriaren %71k.
Txertaketa adinez adin
12-15 urteko pertsonen % 11,5ek lehen ziztada dute, eta % 1,4k, biak; 16 eta 19 urte bitartekoei dagokienez, % 32,2 eta % 7,1 dira, hurrenez hurren, eta 20-29 urtekoenen artean, % 42,6 eta % 19,3. 30 urtetik gorakoen % 69,3k lehen dosia dute emanda, eta % 52,9k biak.
Ehuneko horiek gora doaz adinean aurrera eginez gero. Hala, 40-49 adin tartean dauden pertsonen % 86,1ek dosi bakarra dute, eta % 84,5ek babes osoa dute jada. 50-59 urtekoen artean, % 91,3k aurreneko txertoa dute, eta % 89,5ek, biak.
70 urte baino gehiagoko adin tarteetan % 90eko langa gainditu da.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan erregistratutako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.