Simon ez dago txertoa nahitaez jartzearen alde, ezta aisialdirako covid ziurtagiria ezartzearen alde ere
Asko hitz egin da azken egunotan adinekoen egoitzetako langileak txertatzera behartzeaz edo covid ziurtagiria aisialdirako lekuetara hedatzeaz ere. Agintariek, politikariek eta herritarrek hizpide izan dituzte aukera horiek, eta gaur bere iritzia eman du Fernando Simon Espainiako Gobernuaren Koordinazio eta Alerta eta Larrialdietarako Zentroko zuzendariak. Simonek argi du ez dela beharrezkoa inongo kolektibotan derrigorrezko txertaketa ezartzea, eta, era berean, ez du egokitzat jotzen covid ziurtagiria eskatzea mugikortasuna ahalbidetu edo leku jakin batzuetara sartzeko.
Simonek sari bat jaso du larunbat honetan Zaragozan, eta aurrez komunikabideen aurrean egindako agerraldian esan du gaur egun adinekoen egoitzetan bizi direnen % 97 txertatuta daudela, eta datu hori ikusita, ez dela "inolako lege-ekintzarik edo lege-araurik behar".
Pertsona helduenak "oso oso babestuta" daudela gaineratu du, eta txertatuta egonagatik batzuk gaixotu egin daitezkeen arren, gaixotasunaren eragina txertoa jaso ez dutenen artean baino 10-15 aldiz txikiagoa dela gogorarazi du.
Europako herrialde batzuetan edota Andaluzian planteatzen den covid ziurtagiriari dagokionez (Andaluziako Justizia Auzitegi Nagusiak ukatu berri du, larunbat honetan, hango Gobernuak ezarri nahi duen covid ziurtagiriaren derrigotasuna), "beharrezkoak ez diren betebeharrak ezartzea" ez dela erabaki ona esan du.
Simonek iragarri du uda amaieran Espainiako herritarren % 70 baino gehiago egongo direla txertatuta eta gazteenen txertaketak orain arte bezala jarraitzen badu, bosgarren olatua "amaieran" egon daitekeela iragarri du.
Alerta eta Larrialdi Zerbitzuetako zuzendariak azaldu duenez, olatu honek "aurrekoek baino eragin txikiagoa izan du" txertaketari esker, eta ZIUetara kasuak iritsi diren arren, hilkortasuna "askoz txikiagoa" izan da.
Zentzu horretan, gazteei txertoa jarri ahala kurbak jaisten jarraituko duela esan du, eta 12 urtetik beherakoen txertaketa "laster" egin ahal izango dela ere gehitu du.
Zure interesekoa izan daiteke
Baiona eta Frantziako Tolosa lotzen dituen A-64 autobidea partzialki ireki dute
Biarnoko zatia da zabaldu dutena. Hala ere, laborariek oraindik blokeatuta daukate Ipar Euskal Herriko zatia dermatosi nodularraren neurriak salatzeko protesta gisa.
Fitnessaren arrakasta: gimnasioak zabalik, baita Eguberri egunean ere
Hutsik egin gabe, egunero kirola egiteko ohitura daukatenek ez dute barkatzen, ezta Eguberri egunean ere. Hori dela eta, gero eta gimnasio gehiagok zabaltzen dituzte ateak horrelako egun berezietan. Ariketa saio bat eginda, lasaiago eta gose handiagoz jartzen omen da bat mahaian.
Donostiako Kontxapuzoia 200 parte-hartzailerekin itzuli da, bularreko minbizia duten emakumeei laguntzeko
Kontxako hondartzan izan da espero zen Kontxapuzoia: 200 ausart uretara oldartu dira hotzari aurre egiteko eta Katxalin elkartearen mesedetan dirua biltzeko. Marmoken presentzia dela-eta iazko etenaldiaren ondoren, CD Fortunak antolatutako elkartasun ekitaldiak komunitatea bildu du Eguberrietako ohiko hitzordu honetan, babes eta elkartasun erakustaldi batean.
Donostian atxilotu dute, 17 ibilgailutan kalteak eragiteagatik
Ertzaintzak 30 urteko gizon bat atxilotu du bart, aparkatuta zeuden 17 ibilgailutan kalteak eragiteagatik, Eusko Jaurlaritzako Segurtasun Sailak jakitera eman duenez.
Gizon bat atxilotu dute Azkoitian, emakume bati sexu-erasoa egiten saiatzeagatik
Gertatutakoa salatzeko, Itaiak elkarretaratzea deitu du gaur "Eraso matxistei aurre egin!" lemapean, 19:30ean, Azkoitiko plazan.
Olentzero eta Mari Domingiren magia Euskal Herriko etxeetara iritsi da
Ilusioa, urduritasuna eta irribarreak errepikatzen dira abenduaren 25ean Euskal Herriko etxeetan. Haurrek Olentzerok eta Mari Domingik gauean utzitako opariak ezagutu dituzte, emozioz beteriko goiz batean.
Bi gizonezko atxilotu dituzte Bilbon, jatetxe batean eta ileapandegi batean lapurtzen saiatzeagatik
Bi atxilotuek aurrekari polizialak dituzte horrelako gertakariengatik, eta ertzain-etxean daude epailearen esku utzi arte.
Arrain freskorik gabeko bost egun izango ditu Bizkaiak Gabonetan
Jaiegunen konbinazioak eta Mercabilbaoren urteko itxierak hornidurarik gabe utziko ditu arrandegiak abenduaren 26tik 30era bitartean.
Azken erosketak Gabonak baino lehen: saltzaileen eguna
Gaur Gabon gaua da, eta dendek unerik frenetikoena bizi dute. Presak, urduritasunak eta azken orduko eskaerek markatzen dute jardunaldia, saltzaileek bezero guztiei arreta emateko malabareak egiten dituzten bitartean. Gabonetako kanpainako egunik gogorrenean, mostradoreen beste aldera begiratu bat eman diogu.
Euskal Herriko hiri eta herrietan ibili dira Olentzero eta Mari Domingi, Eguberria iragarriz
Urteko gaurik magikoenetako bat da Gabon Gaua, neguko solstizioa eta argi berria ospatzeko unea. Eta Olentzero eta Mari Domingi gure herri eta hirietara jaisten dira une hauek guztiokin igarotzeko. Gauean opariak banatu aurretik herri eta hirietako kaleetan ikusi ahal izan ditugu.