Arretaz jokatzeko eskatu dute Nafarroan, baso-suteak izateko arrisku handia dela eta
Nafarroako Gobernuak "arreta handiz" jokatzeko eta "kanpoan sua ez erabiltzeko" eskatu du, aste honetan Nafarroan 30 ºC-tik gorako tenperatura altuak espero dira eta % 30eko hezetasun erlatiboa egongo da eta zelaiak oso lehor daude. Horren guztiaren ondorioz, suteak sortzeko arriskua oso handia da.
Foru Gobernuak ohar batean adierazi duenez, suteak gertatzeko aukera handiagoa izango da Nafarroako erdialdean eta hegoaldean, batez ere asteazkenean. Aemet Meteorologiako Estatu Agentziak egindako aurreikuspenen arabera, 40 ºC inguruko tenperaturara iritsiko dira hegoaldean, 36 ºC-ra Nafarroako erdialdean eta 34 ºC-ra Pirinioetan.
Hori guztia dela eta, Nafarroako Gobernuak "sua ezertarako ez erabiltzeko" aholkatu die herritarrei, eta prebentzio neurriak zorroztu behar direla su-iturriak sor ditzaketen lan guztietan, hala nola nekazaritzako lanetan.
Ildo berean, uztondoak erretzea debekatuta dagoela gogorarazi du, eta nabarmendu du ezin dela surik egin aisialdirako, ezta horretarako bereziki prestatutako lekuetan ere. Halaber, ezin da erretzeko ibilgailu motordunekin ibili baso-pistetan.
Gainera, azpimarratu du ez dela zigarrokinik, pospolorik edo goritasunik kalean bota behar, eta gogorarazi du indarrean jarraitzen dutela udan nekazaritza- eta baso-lurretan sua erabiltzeko aurreikusitako mugek.
Bestalde, Javier Remirez Presidentetza, Berdintasun, Funtzio Publiko eta Barne sailburuak "herritarrei zuhurtzia handieneko deia" egin die, "sute-arriskua sor dezaketen jokabideak saihesteko".
Zure interesekoa izan daiteke
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.
Hiru pertsona hil dira, ustez hantabirusak jota, gurutzaontzi batean
Osasunaren Mundu Erakundeak (OME) adierazi duenez, "kutsatze-arriskuak txikia izaten jarraitzen du" eta "ez dago izutzeko arrazoirik". MV Hondius gurutzaontzia lehorreratzeko portu bila ari da, Cabo Verdek baimena ukatu baitio. Ontzian doazen 149 lagunetatik 14k Espainiako nazionalitatea dute.
Eric Courdyren heriotzagatik auzipetutako boxeolari ohiak barkamena eskatu eta bere gain hartu du hilketa
"Egindakoa onartzen dut eta barkamena eskatzen diot biktimaren familiari", esan du lehen saioan. 09:00etan hasi dira Verin epaitzen, hilketa gertatu zenetik ia bi urtera.
Bikotekideak 13 labankada eman zizkion Maialen Mazoni, "hiltzeko asmoarekin", fiskalaren arabera
Fiskaltzak hiltzaileak 45 urteko espetxe zigorra bete dezala eskatu du, Zigor Kodeak baimentzen duen handiena. Zehazki, 25 urte azpikeriaz eta ankerkeriaz egindako hilketagatik (emakumea labankadaz hil zuen), 16 urte bi abortu delituengatik eta 4 urte adingabea (onik atera zen 2 urteko alaba) abandonatzeagatik.
34 urteko gizon bat atxilotu dute Iruñean, sexu-erasoa egotzita
Atxiloketa Nafarroako hiriburuko Udaltzaingoak egin zuen, igandeko lehen orduan.
Datorren ikasturtean Lanbide Heziketako 74.963 plaza eskainiko dira EAEn, inoiz baino gehiago
Berrikuntza gisa, Lanbide Heziketako plazen % 50 emakumeentzat gordeko dira 2026-2027 ikasturtetik aurrera.
Lehiaren Euskal Agintaritzak isunak jarri dizkie eskola garraioko 31 enpresari, Hezkuntza Sailari boikota egiteagatik
2023-2024 ikasturterako lehiaketan, Gipuzkoako ibilbideak baino ez ziren esleitu. Horregatik, Eusko Jaurlaritzak agindu bat argitaratu zuen, aurretik Bizkaian eta Araban esleipendun izan ziren enpresak zerbitzua betetzera behartzeko.
Aldentze aginduen inguruan zeukan protokoloa aldarazi zion Ertzaintzari Maialen Mazonen hilketak
Maialen "arrisku handiko" biktima zen indarkeria matxistarekin lotutako kasuak aztertzen dituen Estatuko VioGen sistemaren arabera. Ertzaintzak, ordea, "arrisku txikiko" biktimatzat jo zuen. Antza denez, Polizia Nazionalaren VioGen sistemako eta Ertzaintzaren EVA sistemako artxiboak ez zetozen bat. Bestalde, Ertzaintzak berak kasuaren inguruan egindako balorazioak ere huts egin zuen.
2025ean 13.297 haur jaio ziren EAEn, 2024an baino %2,8 gehiago
2025eko azken hiruhilekoan, 3.438 jaiotza izan ziren Euskal Autonomia Erkidegoan, hau da, iazko aldi berean baino % 6,1 gehiago, Eustaten datuen arabera.
Bi pertsona atxilotu dituzte Donostiako Herrera auzoko pabiloi batean izandako suteagatik
Sua goizaldean piztu da, Zardoya fabrika zaharreko gela batean. Ondorioz, lau pertsona zauritu dira eta horietako bat Donostia Ospitalera eraman dute. Hiru lagun tokian bertan artatu dituzte, kea arnasteagatik. Lehen ikerketen arabera, sutea nahita piztu dute.