10 pertsona atxilotu dituzte Donostian ertzainei objektuak jaurtitzeagatik
Hirugarren egunez jarraian, Ertzaintzak atxiloketak egin ditu Donostiako Parte Zaharrean covid-19ari aurre egiteko ezarritako osasun legedia betearazteko dispositiboaren barruan. 10 pertsona atxilotu dituzte bart, horietako bi adingabeak, Eusko Jaurlaritzako Segurtasun Sailak ohar baten bidez jakinarazi duenez.
Desordena publikoen ustezko delitua egotzi diete denei, agenteei beirazko botilak eta bestelako objektuak botatzeagatik. Adingabeak (17 urtekoak) aske utzi dituzte goizean, gurasoen zaintzapean eta aginte judizialak noiz deituko zain. Gainerako zortziak, adin nagusikoak (18-32 urtekoak), arratsaldean utzi dituzte libre Donostiako Guardiako Epaitegian deklaratu ostean.
Iturrion arabera, gertakariak 03:00ak aldera jazo dira. Patruilak Juan de Bilbao kalean barrena zebiltzala, hainbat gaztek objektuak jaurti dizkiete. "Istilu horren ostetik, gazteak inguruko kaleetatik barreiatu dira, eta Boulevard inguruan paper-ontziren bat erre eta objektuak botatzen jarraitu dute". Une horretan, Ertzaintzak aurre egin die erasotzaileei, istiluen kontrako materiala erabilita. Lau agentek kontusioak dituzte.
Josu Erkoreka Segurtasun sailburuak, "gizalegearen aurkako portaerak" gaitzetsi ditu eta Ertzaintza eta udaltzaingoak zoriondu ditu "ezohikoak eta zailak diren une hauetan segurtasun publikoaren erronkari ematen ari diren erantzun eredugarriagatik".
Eneko Goia Donostiako alkateak adierazi duenez, osasun arrazoiengatik "mugak mespretxatzeaz haratago", Alde Zaharreko bizilagunekin "elkarbizitzarekiko mespretxu sakona" erakusten dute.
Foruzaingoak jendetza sakabanatu du Iruñean
Iruñean, Foruzaingoak eta Iruñeko Udaltzaingoak ere Alde Zaharrean jardun behar izan dute gaur goizaldean jendetza bildu baita, eta pilaketak sakabanatu behar izan dituzte. Twitterren zabaldu dutenez, hainbat pertsonak objektuak jaurti dituzte Foru Parlamentuaren inguruan. Ez dute inor atxilotu.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.