LABI bilduta dago Euskadiko egoera epidemiologikoa eta indarrean dauden neurriak aztertzeko
Iñigo Urkullu lehendakaria buru duen Euskadiko Babes Zibileko Planaren aholku-batzordea (LABI) bilduta dago berriro, Euskadiko egoera epidemiologikoa eta asistentziala aztertzeko, eta koronabirusak eragindako pandemiari aurre egiteko gaur egun indarrean dauden neurriak moldatuko dituen ala ez erabakitzeko, 2021/2022 ikasturtearen hasiera dela eta.
Euskal Autonomia Erkidegoan (EAE), 281 koronabirus kasu berri atzeman dituzte azken orduetan, hau da, bezperan baino 212 gutxiago. Beraz, azken bi hilabeteetako kopururik txikiena da.
Halaber, ospitaleko presioak hobera egin du azken egunotan Euskal Herrian, baina Felix Zubia Donostia Ospitaleko zainketa intentsiboetako unitateko arduradunak oraindik egoera larria dela nabarmendu du.
Aurreko bileran, LABI instituzionalak covid-19aren aurkako neurriei eustea erabaki zuen, pandemiaren beheranzko joerak ez baitu "isla argirik" ospitaleen okupazioan.
Testuinguru horretan, Gotzone Sagardui Eusko Jaurlaritzako Osasun sailburuak prentsaurrekoan iragarri zuenez, egun horretan bertan, 12 eta 24 urte arteko gazteei zuzendutako kanpaina bat abiatu zuen Osakidetzak, koronabirusaren aurkako txertoa jartzeko hitzordua eska dezaten.
Sailburuak adierazi zuenez, izurritearen azken olatuak goia jo zuenetik (uztailak 14), covid-19aren intzidentziaren joera beheranzkoa da eta aldaketa "esanguratsuak" izan dira pandemiaren "jarraipen adierazle gehienetan". Hala ere, gaineratu zuen gazteen ehuneko batek ez duela txertorik hartu eta Osasun Sailak "ahalegin berezia" egingo duela gazteria txerta dadin.
Prentsaurrekoan, pandemiaren jarraipenaren adierazle nagusiak errepasatu zituen Sagarduik, eta honakoa nabarmendu zuen: "Euskal Autonomia Erkidegoa gune gorritik atera da gaur, estreinakoz, uztailaren 14tik, baina oraindik ziurgabetasun egoera batean gaude eta herritarrek ezarritako protokoloarekin jarraitu beharko dute".
Ildo beretik, Eusko Jaurlaritzaren ordezkariak Osasun Sailak jarritako hiru helburu nagusiak aipatu zituen: pandemiaren datuen hobekuntza bermatzea, txertaketa erritmoari eustea eta birusaren aldaeren zirkulazioa kontrolatzea.
Zure interesekoa izan daiteke
Azkenekoz Fustiñanan ikusi zuten 17 urteko neska baten bila ari dira
Zabaldutako datuen arabera, 1,60 metro luze da, gorpuzkera mehea du, eta begi marroiak eta ile beltz luzea ditu.
Hiztunen Berdintasunaren Alde: "Gure plataforma ez dago inongo trama, konplot edo konspiraziorekin nahastuta"
Elkarteak defendatu du bere jarduera bakarra Osakidetzako langileen "lan-eskubideen defendatzea" dela, eta ziurtatu du "erkidegoko bigarren hizkuntza" den euskara "beti errespetatzen" dutela.
Ertzaintzak gizon bat atxilotu du Bilbon, emakume bati sexu-erasoa egiten saiatzeagatik
Biktimak jarritako salaketaren arabera, San Frantzisko kaleko atari batean sexu-erasoa egiten saiatu zen atxilotua, 42 urteko gizona. Sexu-askatasunaren aurkako delitua leporatuta atxilotu dute.
Epaiaren zain gelditu da Ekain Perrinoren aurkako eraso homofoboaren auzia, akusatuek deklaratu ostean
Asteazken honetan deklaratu dute hamaika akusatuek. Guztiek ukatu dute biktimaren aurkako irain homofoboak egin izana eta haren orientazio sexualagatik eraso egin izana. Batek onartu du biktimarekin borroka izan zuela, baina esan du ez zuela beste inork parte hartu.
Euskara Denontzat elkarteak onartu egin du Errenteriako lan-eskaintzaren kontrako helegitea jartzera animatu izana, baina ukatu egin du talde antolaturik dagoela
“Bizpahiru kasutan” laguntza eta defentsa juridikoa eskaini zutela dio Sabin Zubiri Euskara Denontzat elkartearen kideak, eta ikerketarekin “seinalamendu kanpaina” bat bultzatzea leporatu dio Argiari.
Miranda Ebroko sutea krimen matxista dela baieztatu du Marlaskak
Barne ministroak adierazi duenez, sutearen ustezko egilea eta horren bikotekide ohia, Dolores, 58 urtekoa, VioGen sisteman zeuden, baina ez bien arteko harremanagatik. Gizonezkoaren kasuan, 2007an egon zen erregistratua, eta emakumezkoaren kasuan, 2008an. Une honetan, ez zeuden aktibo VioGen sisteman.
Hiru emakume hil dira eta lau lagun zauritu, Miranda Ebron "nahita" eragindako sute batean
Agintariek baiztatu dutenez, bart 22:45 inguruan piztutako sutea "nahita" eragindakoa izan da; egileak poliza-etxean bere burua entregatu du eta atxilotu egin dute. Hildakoak 78, 58 eta 23 urteko hiru emakume dira.
Hizkuntza politikari buruzko "konspirazio teoriak" sortu nahi izatea eta lan eskubideak defendatzen dituztenak "seinalatzea" salatu du Euskadiko CCOOk
Sindikatuak zabaldutako ohar baten arabera, zenbaitek "existitzen ez den oldarraldi judizial" gisa aurkeztu nahi izan dituzte lan eskaintza publikoetako hizkuntza eskakizunen aurka jarritako helegiteak.
Nafarroan sexu eraso bat egitea egotzita atxilotze agindua zuen gizon bat atxilotu dute Kolonbian
Atxilotua Kolonbiako Fiskaltza Nagusiaren esku utzi dute, estraditatu zain.
Atzo arratsaldetik agertu ez den 82 urteko arrantzale baten bila ari dira Mendexa inguruan, lurrean eta itsasoan
Lekeitioko bizilaguna lapak hartzera joan zen atzo arratsaldean eta ez zen etxera itzuli. Gauean bezala, goizetik ere bertan daude erreskate eta larrialdi taldeak.