LABIk neurriak mantenduko ditu, pandemiaren beheranzko joerak ez duelako "isla argirik" ospitaleetan
Gotzone Sagarduik, Eusko Jaurlaritzaren Osasun sailburuak, iragarri du indarrean dauden covid-19aren kontrako neurriak mantenduko direla, Euskadiko Babes Zibileko Planaren (LABI) batzorde teknikoak hala ebatzita. Prentsaurrekoan azaldu duenez, pandemiaren beheranzko joerak ez du "isla argirik" ospitaleetako okupazioan. Bestalde, iragarri du Osakidetzak SMS bat bidaliko diela txertoa hartu ez duten 12 eta 24 urte bitarteko gazteei.
Sailburuak aditzera eman duenaren arabera, izurritearen azken olatuak goia jo zuenetik (uztailak 14), covid-19aren intzidentziaren joera beheranzkoa da eta aldaketa "esanguratsuak" eman dira pandemiaren "jarraipen adierazle gehienetan". Hala ere, azpimarratu du gazteen portzentaje batek ez duela txertorik hartu eta Osasun Sailak "ahalegin berezia" egingo duela gazteria txertatu dadin. Horregatik, dosirik hartu ez duten gazteek Osakidetzaren SMS bat jasoko dute gaurtik aurrera.
Pandemiaren adierazle nagusien errepasoa egin du Sagarduik, honakoa azpimarratuz: Euskal Autonomia Erkidegoa gune gorritik atera da gaur, estreinakoz, uztailaren 14tik. Alabaina, azpimarratu du oraindik "ziurgabetasun" egoera batean gaudela eta herritarrek ezarritako protokoloarekin aurrera jarraitu beharko dutela.
Ildo beretik, Eusko Jaurlaritzaren ordezkariak Osasun Sailak jarritako hiru helburu nagusiak aipatu ditu: pandemiaren datuen hobekuntza bermatzea, txertaketa erritmoa mantentzea eta birusaren aldaeren zirkulazioa kontrolatzea.
Orain arteko neurriak mantenduko diren arren, Sagarduik aurreratu du irailean (ikasturtearen hasierarekin batera) egoera aldatu daitekeela. Azkenik, iragarri du Iñigo Urkullu lehendakariak abuztuaren 30erako deitu duela LABI instituzionala.
Zure interesekoa izan daiteke
Migratzaileek helmuga berri baterainoko bidea azaldu dute
Azaldu dutenez, askok saiakera bat baino gehiago egin behar izan zituzten aurreikusitako helmugara iritsi aurretik. Migratzaile batzuek egoera berean dauden beste pertsona batzuekin egiten dute ibilbidea.
Martxoaren 3ko biktimak gogoan, zapi beltzak jantzi dituzte blusek eta neskek
Jaiak eta memoria ekimenaren barruan, Martxoaren 3ko sarraskian hildako bost langileak eta ehunka zaurituak gogoratu dituzte gaur Gasteizko Andre Maria Zuriaren festetan. Jendetza batu da Katedral Berriaren atarian egin duten oroimen ekitaldian.
Abuztuaren 12an eguzki eklipseaz segurtasunez gozatzeko aholkuak
Ahal den guztietan bidaia luzeak saihestea da gomendio nagusia. Eklipsea bizilekutik edo ikuspen-baldintza onak dituen gertuko udalerri batetik ikus badaiteke, hobe da horren alde egitea, gehiegizko joan-etorriak murrizteko.
Itsuek eklipsea "entzun" ahal izango dute, ONCEk jarriko dituen gailue batzuei esker
LightSound dispositiboa soinu bihurtzen du argiaren intentsitatea, eta abuztuaren 12ko fenomeno astronomikoa behatzeko gune batzuetan egongo da eskuragarri.
Gizon batek bikotekide ohia, 44 urteko emakume bat, hil du Murtziako merkataritza-gune batean
Halaber, 45 urteko emakume bat hiltzeagatik Benahavisen (Malaga) atxilotutako gizonak aitortu du hiltzailea dela, ihesaldian idatzi eta lagun baten etxeko atarian utzi zuen ohar batean. Horrek idatzia aurkitu eta Guardia Zibilari eman dio.
Gaztelugatxerako sarbideak itxita egongo dira eklipsearen egunean, arratsaldetik aurrera
Natur gunearen inguruan jendetza biltzea espero da, fenomeno astronomikoa ikusteko. Hori dela eta, segurtasun operatibo berezia aktibatuko dute Bizkaiko Aldundiak eta Bakioko eta Bermeoko udalek.
Onintza Enbeita eta Ainhoa Urrejola, Aste Nagusiari hasiera emateko prest
Enbeitak pregoia idatzita dauka. Bertsoak egongo direla aurreratu du, baina dena ez dela bertsotan izango. Pregoilariak errespetuan eta bizikidetzan oinarritutako jaien alde egin du, albiste txarrik gabe.
Abuztuaren 15ean Maroko eta Ceuta arteko muga berriro zeharkatzeko deia egiten ari dira sare sozialetan
Ceutako Gobernuaren bozeramaileak ziurtatu duenez, Espainiako Gobernuak deialdi horren berri du, eta iragan asteko krisia ez errepikatzeko baliabide nahikoak jartzea espero du.
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.
Nola ikusiko da eguzki-eklipsea zure herritik? Kontsultatu hemen fenomeno historikoari behatzeko mapak
Ilargiak erabat ezkutatuko du Eguzkia 2026ko abuztuaren 12an: Euskal Herrian 2183. urtera arte ez da berriro ikusiko horrelako fenomenorik. Eguzki-eklipse osoa ilunabarrean hasiko da, eta egunak "bi ilunabar" izango ditu. Eklipsea Orain.eus-en bidez zuzenean jarraitu ahal izango da.