Txertoa har dezaketen Euskadiko biztanleen ia % 80k txertaketa-jarraibide osoa dute
Euskadiko xede-populazioaren ia % 80k osatu du dagoeneko covid-19aren aurkako txertaketa-jarraibidea, eta, hiruzpalau asteren buruan, guztiek gutxienez dosi bat inokulatuta izatea lortuko da, Gotzone Sagardui Eusko Jaurlaritzako Osasun sailburuak astelehen honetan iragarri duenez.
Egoera epidemiologikoa azaltzeko eta Euskadiko murrizketen malgutasuna jakinarazteko komunikabideen aurrean egindako agerraldian, Sagarduik azaldu du gaur egun EAEko biztanleen % 78,9k dutela covid-19aren aurkako txertoen jarraibide osoa. Zenbakiei erreparatuz gero, gutxienez dosi bat eman zaie 1.712.000 herritarri, eta 1.562.000k txertaketa-pauta osoa dute.
Osasun sailburuaren hitzetan, uda honetan xede-herritarrei txertoa hartzera joateko egindako deiak "eragina izaten ari dira". Adibide gisa esan du koronabirusak jo dituen herritarren artean, 47.230 pertsonak bi hilabete bete dituztela positibo eman zutenetik, eta horietatik 17.257k jaso dutela txertoa; 5.283k, berriz, hitzordua eskatu dute datozen egunetarako.
Hala ere, gogoratu du "ziurgabetasun" testuinguru batean jarraitzen dugula, nahiz eta txertaketak "hesi efektua" eragin dezakeen, oporraldiaren amaierak "interakzio sozial edo mugikortasun txikiagoa" ekar dezakeen edo ikasturtearen hasierak, "aurreko urteko esperientzia ikusita, erregulazio eta prebentzio handiagoko esparru bat eskaini dezakeen".
"Badakigu birusaren jokabidea ezin dela aurreikusi. Mutatzeko duen gaitasuna arrisku ziurra da, eta segurtasun uste faltsuak ahuldu egiten gaitu ", gaineratu du.
Zure interesekoa izan daiteke
GOIDIaren biktimek Mazonen espetxeratzea eskatu dute
Carlos Mazonek dimisioa eman zuenetik aste bete dela, GOIDIaren biktimek herritarren garaipentzat jo dute gertatutakoa, baina nahikotzat ez dutela nabarmendu dute. Valentziako Gorteen aurrean egindako protestan, eskatu dute Mazonek espetxean amaitu behar duela eta bere gobernu osoak dimisioa eman behar duela, Feijóo eta Abascalen arteko negoziazioak gaitzetsiz eta Valentziaren etorkizuna valentziarrek hauteskundeetan erabaki behar dutela aldarrikatuz.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
3,5 kilometroko auto-ilarak AP-8an, Orioko zubian izandako istripu baten ondorioz
Kamioi baten eta auto baten arteko talkak ilarak eragin ditu AP-8an, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.