Euskadik covid-19aren transmisio "altuko" agertokia utzi du, intzidentzia metatua 298 kasuraino jaitsi baita
Euskadik covid-19aren transmisio "altuko" agertokia utzi du, 300 kasuetatik behera egin baitu 100.000 biztanleko 14 egunetan intzidentzia-tasa metatuak 298,95ean geratu baita, uztailaren 10etik gertatzen ez zena.
Horrela, Eusko Jaurlaritzaren Bizi Berri IV Planaren arabera, intzidentzia-tasa horrekin Euskadi eremu laranja izenekotik horira igaro da, hau da, transmisio-maila altutik maila tenkatura igaro da. Maila horretan, 100.000 biztanleko 14 eguneko intzidentzia-tasa 300 eta 150 kasu artekoa da.
Pandemiak Euskadin izan duen bilakaerari buruz ostegun honetan jakitera eman dituzten datuen arabera, iraileko lehen egunean 5.930 proba egin zituzten EAEn, eta 397 positibo berri atzeman zituzten, aurreko egunean baino 35 gutxiago; beraz, positibotasun tasa % 6,7koa izan zen, bezperan baino sei hamarren gehiago.
Positibo berrietatik 50 Araban detektatu dituzte, 199 Bizkaian, 136 Gipuzkoan eta 12 Euskaditik kanpo bizi diren pertsonen artean. Bizkaiko eta Arabako intzidentzia metatuek 300 kasutik behera egin dute, eta Gipuzkoa maila horian kokatu da, transmisio-egoera "altua" atzean utzita.
Bizkaiak 298,86 kasu izan ditu, eta Arabak 289,82; Gipuzkoak, berriz, 283,29 kasu. EAEko hiru hiriburuetatik, Arabakoak bakarrik jarraitzen du 300 (317,23) gainetik, eta lurraldeko udalerrien artean intzidentzia metatuak ere hobera egin du; izan ere, 11 dira (bezperan baino hiru gutxiago) gorriz daudenak, horietatik sei Bizkaian eta bost Gipuzkoan.
Ospitaleetan 37 pertsona ospitaleratu dituzte asteazken honetan, asteartean baino hamaika gutxiago, eta ZIUek 73 gaixo dituzte, aurreko egunean baino bi gehiago. Guztira 198 pertsona daude gela arruntetan ospitaleratuta EAEn, abuztuaren 31n baino 14 gutxiago. Guztira, 271 gaixo daude EAEko ospitaleetan.
Birusaren birsorkuntza-tasa, kasu positibo bakoitzak zenbat pertsona kutsatzen dituen neurtzen du, 0,82an mantentzen da. Lurraldez lurralde, Araban (0,76) eta Gipuzkoan (0,83) ez da aldaketarik izan, eta bi ehunen jaitsi da (0,82) Bizkaian.
Bestalde, Gipuzkoako erresidentziatan beste bi positibo antzeman dituzte eta, beraz, zazpi dira kutsatuta dauden adinekoak.
Gipuzkoako Foru Aldundiak jakinarazi duenez, positibo berriak Donostiako Aldakoenea egoitzan detektatu dituzte. Legazpiko Santa Cruz zahar-etxean, berriz, bost pertsona daude kutsatuta.
2020ko abuztutik, 770 egoiliar sendatu dira eta 166 hil dira Gipuzkoako egoitzetan.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.