Agintariek "zuhurtzia" eskatu diete La Palmako herritarrei, egoera "aurreikusi ezin" daitekeelako
Espainiako Gobernuak, Kanarietakoak eta La Palmako Kabildoak "zuhurtzia" eskatu diete La Palmako herritarrei. Hala, sumendiaren gertuko errepideetan ez ibiltzeko eta laba koladetara ez hurbiltzeko galdegin diete. Agintarien ahotan, Cumbre Vieja sumendiarekin "ezin da aurreikusi zer gertatuko den" eta horren erakusle da, adibidez, bart sortutako erupzio ahoa.
"Zuon segurtasunagatik eskatzen dizuegu, baita larrialdi zerbitzuek euren lana egin dezaten", adierazi du Mariano Hernandez Zapata La Palmako Kabildoaren presidenteak, Pedro Sanchez Espainiako gobernuburua eta Angel Victor Torres Kanarietako presidentea ondoan zituela.
Bestalde, Sanchezek erantsi duenez, "herritarrak lasai egon daitezke, segurtasuna bermatuta dagoelako".
Espainiako presidenteak azaldu du krisia ez dela amaituko laba itsasora heltzen denean, baizik eta La Palmako uharteak "normaltasuna" berreskuratzen duenean eta labak suntsitutako "guztia" berriro eraikitzen denean.
Horren ildoan, iragarri du ministroen kontseiluak lehen pausoak eman dituela gaur uhartea larrialdi batek eragindako hondamendi eremu izendatuta. "Aste luzeak ditugu aurretik, erakunde guztiok elkarrekin aritzekoak eta kalteak zenbatzekoak", aitortu du.
Espainiako presidenteak bi egun daramatza La Palman, baina iluntzean New Yorkera joango da, asteazkenean NBEn bileran egoteko. Nolanahi ere, bihar gauean Espainiara itzuliko da La Palmako sumendiaren jarraipena egitera.
Hain justu, Espainiako Gobernuak aparteko bilera monografikoa deitu du ostiralerako, krisiari aurre egiteko neurri ezberdinak aztertu eta adosteko.
Zure interesekoa izan daiteke
"Naruto" anime japoniar arrakastatsua, estreinakoz euskaraz, EITBren PRIMERAN plataforman
Ostegun honetan, ekainak 25, estreinatuko ditu PRIMERANek lehen bost atalak. Guztira 52 kapitulu eskainiko ditu, ostiralero bost berri, lehen aldiz euskaraz bikoiztuta. Estreinaldiaren bezperan, EITBk aurrestreinaldi esklusiboa antolatu du Bilboko egoitzan. Gaur izango da, 18:00etan, Multibox aretoan, eta lehen lau atalak izango dira ikusgai.
"Ihesi, norbera izateko": Trumpen Amerikatik ihes egin eta Euskal Herrian bizi diren transen familien testigantzak jaso ditu EITBk
Seme-alaba transak dituzten zenbait familiak Estatu Batuak utzi eta Euskal Herrira etorri dira. EITBk haien lekukotasunak bildu ditu Ihesi, norbera izateko dokumentalean.
Osakidetzak eTXERTOA ezarri du txertoen kontrola eta segurtasuna hobetzeko
Sistema Bilbo-Basurtu ESIko zenbait zentrotan probatzen ari dira, eta txerto bakoitzaren funtsezko datuak automatikoki erregistratu ahal izango dira eman aurretik.
Bi pertsona zauritu dira Leioako ostalaritzako lokal batean izandako gas-leherketa baten ondorioz
Gertakariaren ondorioz, kaltetutako eraikineko bizilagunak etxetik atera behar izan dituzte, eta udal-teknikariak kalteak ebaluatzen ari dira, Iparragirre kalean.
Zalduondoko (Araba) baso-sutea kontrolatzen saiatzeko lanean jarraitzen dute
Gaur goizaldean Galarreta mendiaren goialdean, Zalduondon (Araba), piztutako baso-suteak aktibo jarraitzen zuen 21:00etan, eta suhiltzaileek sua itzaltzeko lanean jarraitzen dute, Foru Aldundiko iturriek jakitera eman dutenez.
Gizon baten gorpua aurkitu dute Bilboko itsasadarrean, Sestao parean
Hilotza asteazken honetako lehen orduan aurkitu dute, Galindo ibaiaren bokalean. Ertzaintzak ikerketa abiatu du, biktima identifikatu eta heriotzaren arrazoiak argitzeko.
Ertzaintzak baztertu egin du Oiz mendian sute bat piztu izana, keagatik hainbat abisu jaso arren
Oiz mendian baso-suteengatik alerta aktibatu dute, Muxikan (Bizkaia), tenperatura altuen testuinguruan. Helikoptero bat bertatik ibili da sua zegoen aztertzeko, baina azkenean baztertu egin dute.
San Joan suek gaua argitu dute Euskal Herriko zenbait herritan
Muturreko tenperaturek eta sute-arriskuagatiko alarma gorriak eraginda, Euskal Herriko su gehienak bertan behera geratu dira. Hala ere, Euskal Herriko hainbat herritan suak piztu dira San Joan bezperan. Hala ospatu dute Durangon eta Eibarren.
Zalduondo eta Galarreta arteko sutea bizitu egin da atzera, eta sua itzaltzeko operatiboa indartu behar izan dute
Galarreta eta Zalduondo artean piztuta dagoen sutea itzaltzeko lanetan ari dira une honetan Kanpezu, Agurain, Espejo eta Langraiz Okako suhiltzaile-parkeetako langileak. Bingen Zupiria Eusko Jaurlaritzako Segurtasun sailburuak uste du gaur egunean zehar sutea behin betiko kontrolatuko dutela.
Albiste izango dira: Bero handiko azken eguna, Sanchezen azalpenak Kongresuan eta Gasteizko eta Bilboko Aste Nagusiko eta Gasteizko jaietako kartelen aurkezpena
Gaurkoan Orain-en albiste izango direnen laburpena, bi hitzetan.