Araba, Bizkaia eta Gipuzkoa normaltasunera bueltatu dira, barran kontsumituz eta edukiera mugarik gabe
Iñigo Urkullu lehendakariak osasun larrialdia indargabetzeko sinatutako dekretua ostegun honetan argitaratu dute Euskadiko Aldizkari Ofizialean, eta, horrela, baliorik gabe geratu dira pandemiari aurre egiteko ezarrita egon diren murrizketa gehienak.
Neurri batzuk indarrean segituko badute ere –musukoaren erabilera, adibidez–, aurrerantzean ez da ordutegi eta edukiera mugarik izango, eta taldean nahi adina pertsona bildu ahalko dira. Tabernetako barran kontsumitu ahalko da, eta kontzertuetan ikusleak zutik egon ahalko dira.
Erakundeak fase berrira egokitzeko lanean ari dira, eta dagoeneko hartu dituzte lehendabiziko erabakiak eremu ezberdinetan normaltasuna pixkanaka berreskuratzeko.
Horrela, bada, Eusko Jaurlaritzaren Osasun Saila eta Hezkuntza Saila ikastetxeetarako osasun protokolo berria lantzen ari dira. Dokumentua aste honetan aurkeztuko dutela eta datorren astelehenetik aurrera aplikatuko dutela ziurtatu dute.
Arabako, Bizkaiko eta Gipuzkoako foru aldundiek, berriz, egoitzetako protokoloa eguneratuko dutela iragarri dute. Berrikuntza nagusia bisitetan nabarituko da; izan ere, ostegun honetatik aurrera, egoiliarraren logelan eta aire librean ez ezik, zentroetako gune edo areto komunetan ere egin ahalko dira.
Agenda kulturala ere lehengora bueltatzen hasiko da. Durangoko Azoka abenduaren 4tik 8ra bitartean egingo dute, eta aurrez aurrekoa izango da berriro ere, publikoa eta sortzailea espazio berean batuz.
Bilboko Kafe Antzokiak ostegun honetan irekiko ditu bere ateak, 19 hilabetez itxita egon ostean, eta Bilbao BBK Live Udazkena izango da zutik gozatu ahalko den lehen musika jaialdia.
Horrez gain, Bilboko Udalak ezustean iragarri du asteburu honetan antolatuko duela Gau Zuria.
Osasun larrialdia amaituta, udalerrietako festak ere egin ahalko dira, bi urtez jarraian bertan behera utzi behar izan eta gero.
Hala, Donostiako Udalak baieztatu du San Tomas azoka (abenduak 21) eta Danborrada (urtarrilak 19) antolatuko dituela.
Ildo berean, Olatz Peon Tolosako alkateak jakinarazi du datorren urtean inauteriak ospatuko dituztela.
Iragarpen horiek guztiek normaltasuna berreskuratzeko nahia erakusten dute, baina, hala ere, agintariek "zuhurtziaz" eta "arduraz" jokatzeko enegarren deia egin dute, pandemia amaitu ez dela ohartarazita.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.