Gazte bat atxilotu dute Basaurin, Ertzaintzari oldartzea leporatuta
27 urteko gizon bat atxilotu dute bart Basaurin (Bizkaia) desordena publikoak eta autoritatearen kontrako atentatua leporatuta, San Faustoko 'ez-festetan' izandako istiluetan, covid-19aren zabalkundea eragozteko jarritako murrizketak kendu dituzten lehen asteburuan.
05:30 aldera izan dira istiluak, Mojaparte plazaren inguruetan. Segurtasun Sailak jakitera eman duenez, 200 bat lagun bilduta zeuden kale-edanean, eta liskarrak sortzen ari ziren, 'ez-festak' zaintzen ari ziren patruilak irainduz eta objektuak jaurtiz.
Pertsona horiek banatzera joan direnean, 100 bat lagunek botilak jaurti dizkiete agenteei, su-itzalgailuak hustu dituzte eta kalteak eragin dituzte hiri-altzarietan.
Poliziak kargatu egin du, eta, 06:30 aldera, egoera kontrolatu ondoren, agenteek gazteetako bat identifikatu dute, liskarretan parte hartu duelakoan, eta atxilotu egin dute, desordena publikoak eta agintaritzaren agentearen aurkako atentatua egotzita.
Liskar ugari, Nafarroan
Foru Poliziak jakinarazi duenez, asteburu honetan herritarren 187 errekerimendutan esku hartu du (93 izan ziren ostiralean eta 94 igandean). Horietako asko taberna, etxabe eta etxebizitzetan eragozpenak eta zaratak izan zirelako egin zituzten.
Era berean, herritarren segurtasunarekin zerikusia zuten 169 errekerimenduz arduratu dira, besteak beste, Artaxoa, Castejon, Getze eta Cascanteko tabernetan izandako arazoak zirela eta, baita Martzilla eta Santakarako etxabeetan ere.
Foru Poliziaren patruilak Altsasun, Elizondon eta Lekunberrin ere izan dira, zenbait liskarretan esku hartzen.
Erasoa Bilboko Metroan gazte bati, Getxon
Gainera, Ertzaintzak ikerketa abiatu du larunbat goizaldean Bilboko Metroan, Getxon, gertatu zen erasoa argitzeko.
Gazte batek salatu zuenez, bost lagunek eraso egin zioten bagoi barruan oso modu bortitzean.
Erasoa 06:30 aldera gertatu zen, eta Ertzaintza erasotzaileak identifikatu nahian ari da.
10 edukiontzi kiskalita eta 9 auto kaltetuta Donostian
Bestalde, 10 edukiontzi kiskali eta 9 auto kaltetu dira Donostiako Altza auzoan, igande goizaldean. Ordu batzuk geroago Ertzaintzak sutearen ustezko egilea atxilotu du, 43 urteko gizonezkoa.
01:00a aldera hainbat edukiontzik su hartu dute Txirrita Bertsolaria kaleko hainbat tokitan.
Ertzaintza eta suhiltzaileak bertaratu direnean, sugarrek kale horretan aparkatuta zeuden 9 ibilgailu harrapatu dituztela ikusi dute. Segurtasun Sailak emandako datuen arabera, kalteak handiak dira.
Zure interesekoa izan daiteke
Basauriko hilketa matxista salatzeko elkarretaratzea egin dute ostiral arratsaldean, talde feministek deituta
2026an bi dira jada Euskal Herrian hildako emakumeak, eta horrek agerian uzten du, euren ustez, indarkeria matxistak jarraitzen duela gizarteko gaitz nagusietakoa izaten. Basauriko Asanblada Feminista eta Emakumeok Bat Koordinadora (Basauriko Emakume Elkarte eta Elkarte Feministen Federazioa) talde feministek deitu dute elkarretaratzea.
Itzurun hondartza, mikroplastikoz beteta
Azken egunotako denboraleen ondorioz, mikroplastikoz beteta agertu zen atzo Zumaiako Itzurun hondartza. Naiara Malave Euskal Kostaldeko Geoparkean lan egiten duten Begi Bistan-eko kideak azpimarratu du arazoa mundu mailakoa dela, eta azken hamarkadetako plastikoaren gehiegizko erabileraren ondorioetako bat.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. EITBk galdetutako ikerketaren iturrien arabera, atxilotuak askotan urratzen zuen urruntze agindu bat zegoen.
Asier Iragorri, Basauriko alkatea: "Gaur egun ere entzuten dira indarkeria matxista existitzen ez dela dioten diskurtsoak"
Basauriko alkateak "irmo" gaitzetsi du udalerrian gertatutako hilketa matxista, eta deitoratu du oraindik ere herritarren artean diskurtsoak entzuten ari direla indarkeria matxista "ez dela existitzen" edo arazoari garrantzia kentzen diotela esanez. Horregatik, uste du arlo guztietatik lan egin behar dela gaiari heldu ahal izateko.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.