Los Llanos de Aridaneko 800 bizilagun ebakuatuko dituzte laba koladaren norabidea dela eta
La Lagunako (Los Llanos de Aridane udalerria) zenbait gune husteko agindua eman du Pevolcako zuzendaritzak, ipar-mendebaldeko laba koladaren norabidea dela eta.
Miguel Angel Morcuende Pevolcako zuzendari teknikoak azaldu duenez, ipar-mendebaldean dagoen laba koladak Callejo de la Gata industrialdea diagonaletik gurutzatu du, eta abiadura motelean aurrera doa, orain arte ebakuatu ez dituzten herrigunetara bidean. Hala ere, bizilagun batzuek badaezpada aldez aurretik etxeak utzi zituzten jadanik.
Irailaren 19az geroztik Cumbre Viejako sumendia (La Palma) bizi-bizi dago. Azken orduetan, hala ere, 3.000 pertsonari etxetik irtetea debekatzen zien konfinamendua amaitzea erabaki dute Kanarietako agintariek goizean, airearen kalitateak hobera egin ostean.
Konfinamendua atzo, astelehena, sartu zen indarrean eta El Paso eta Los Llanos de Aridane udalerriei eragin die. Hain zuzen ere, laba ibaia industria-nabe batzuetara heldu zenean gas toxikoak askatu ziren eta horregatik erabaki zuten konfinamendua ezartzea.
Larunbatean kono nagusia partzialki erori zenetik, sumendiaren aktibitatea hazi egin da. Azken neurketen arabera, labak dagoeneko 595 hektareako azalera hartu du. Gaur gaurkoz, kolada aktiboena iparralderago dagoena da eta haren adar bat itsasora bidean da (300 metro). Dena dela, agintariek ez dute espero laba isurketa berriek lurrazalean egiten ari diren ibilbidea aldatzea.
Involcan Kanarietako Bolkanologia Institutuak, bere aldetik, Tajogaite izena proposatu du Cumbre Viejako sumendiarentzat. Dena dela, Involcanek bere sare sozialetan azaldu duenez, du azken hitza Palmako herritarrei dagokie.
IGN Espainiako Geografia Institutu Nazionalak 20 lurrikara baino gehiago erregistratu ditu azken orduetan Cumbre Viejako sumendiaren inguruan. Astindu handiena 4,1ekoa izan da eta 37 kilometroko sakoneran gertatu da.
Bestalde, La Palmako aireportua zabalik dago gaur, baina zenbait hegaldi bertan behera utzi eta beste hainbat atzeratu egin dituzte.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.