Asier Nieblaren kasuan genero astungarria aplikatzea eskatu du Auzitegi Goreneko Fiskaltzak
Asier Nieblaren kasuan genero astungarria aplika dezala eskatu dio Auzitegi Goreneko Fiskaltzak Auzitegi Gorenari. Ministerio Publikoaren arabera, Gipuzkoako Lurralde Auzitegian auzia epaitu zuen herri epaimahaiak "zuzen" aplikatu zuen genero astungarria, nahiz eta gerora Euskal Autonomia Erkidegoko Auzitegi Nagusiak baztertu eta Urnietako gaztea hiltzeagatik akusatutako gizonari zigorra 11 urte eta erdira jaitsi.
Defentsak, akusazio partikularrak (Asier Nieblaren familia) eta herri akusazioak (Urnietako Udala) aurkeztutako helegiteen gainean erabaki behar du Auzitegi Gorenak, eta larrigarri hori aintzat hartzeko eskatu dio Ministerio Publikoak.
Asier Niebla 2018an hil zen Donostian, emakume batekin hitz egiten ari zela emakume haren bikotekide ohiak kolpatu ostean. Kolpeek eragindako zauri larrien ondorioz zendu zen, kolpeak hartu eta bi hilabetera, Donostia Ospitalean.
EFE albiste agentziaren arabera, Auzitegi Goreneko Fiskaltzak baztertu egin du akusazioek eskatzen zuten maltzurkeria astungarria.
Ministerio Publikoak argudiatu duenez, Asier Niebla harreman afektibo bat abiatzen ari zen emakumearekin, eta akusatuak ez zuen onartu bikote harremana hautsi izana. Fiskaltzaren esanetan, harremanaren hausturak eragin zuen gertakaria.
Hasiera batean, Gipuzkoako Lurralde Auzitegiak 12 urte eta 11 hilabeteko kartzela zigorra ezarri zion akusatuari, baina EAEko Justizia Auzitegi Nagusiak genero astungarria erretiratu eta zigorra 11 urte eta erdira jaitsi zion.
Zure interesekoa izan daiteke
Eutanasia legezko izango da Ipar Euskal Herrian ere, Frantziako parlamentuak heriotza lagundua izateko eskubidea onartu ondoren
Orain arte, 2016an onartutako Claeys-Leonetti legeak gaixotasun terminala eta bizi-pronostiko laburra zuten pertsonentzako sedazio sakon eta jarraitua ahalbidetzen zuen. Aurrez ere Asanblea Nazionalak hiru aldiz onartu zuen lege-proiektua, baina atzera bota izan du hori gehiengo kontserbadorea duen Senatuak. Hainbat aldaketa eta erreforma eginda, oraingo bozketa behin betikoa izan da.
Sute batek ardo-upelak egiten dituen enpresa bateko nabe bat suntsitu du Monteagudon
Asteazken arratsaldean piztutako suteak ez du zauriturik eragin; bai, ordea, kalte material handiak. Suhiltzaileek lanean jarraitzen dute sute inguruko landaredira ez hedatzeko; bitartean, Foruzaingoak sutea zerk eragin duen argitzeko ikerketa abiatu du.
Emakume bat eta haren bi seme adingabe itota hil dira Ezka ibaian, Erronkarin
Gaur arratsaldean izan da ezbeharra, presa baten alboan bainurako egokituta dagoen leku batean. Guardia Zibilak ikerketa zabaldu du, gertatutakoa argitzeko.
Lehertu da festa Baionan: Leon Erregeak piztu du bost eguneko jaia!
Jaia ofizialki lehertu da Baionan gaur arratsaldeko 17:00etan, Udaletxeko plazan bildutako milaka pertsonen oihuekin batera. Gakoen jaurtitzea Marie Darrieussecq idazleak, Maya Lauqué telebista-aurkezleak eta Jean-Claude Tellechea sukaldariak egin dute, Pantxoa eta Peio abeslarien musika lagun dutela.
Bilboko udalak 10 euroko zerga ezarriko die metro karratuko, hutsik dauden etxebizitzei
Udalak 2027tik aurrera ezarriko du neurria, eta ordenantza bat izapidetuko du erabili gabe dauden 1.565 etxebizitza alokairu-merkatura bideratzeko.
Euskadiko ikerketak urte “bikaina” bizi izan du eta I+G+Bko 725 proiektu lagundu ditu, Osasun Sailaren arabera
Euskal osasun-sistemak 32 milioiko finantzaketa lehiakorra lortu zuen eta 725 ikerketa-proiektu bultzatu zituen. Profesionalen % 61 emakumeak dira.
"Elkarkidetza nagusitu da" aurtengo sanferminetan, "guztientzako festa berriro bihurtuta"
Amaitu berri diren 2026ko sanferminetako balantzean, Joseba Asiron Iruñeko alkateak azpimarratu du jaietan "giro ona, errespetua eta Udalak antolatutako ekitaldietan parte-hartze bikaina" izan direla nagusi.
Pertsona baten bila ari dira Bidasoa ibaian, Behobia parean
Herritar batek eman dio abisua Ertzaintzari, 07:30ak aldera pertsona bat uretara erortzen ikusi duela esanez. Abisua jaso ondotik, bilaketa lanak hasi dituzte Faisaien uhartearen inguruan.
Kongresuak Mendekotasunaren Lege berria onartu du, eta Estatuaren finantzaketa areagotu egingo da
Alderdi guztiek, Voxek izan ezik, lege berria onartu dute. Eskubideak, zerbitzuak eta prestazioak zabaltzea aurreikusten du arau berriak.
Bagera Elkarteak botako du Piraten txupinazoa abuztuaren 8an, euskara aldarri hartuta
Donostiako Piratek aurtengo jaietako egitaraua aurkeztu dute; abuztuaren 8an lehertuko da jaia Flamenkan, eta, besteak beste, Mirua, Anari, Neomak, Tapia eta Leturia eta Skabidean taldeen musikaz gozatu ahal izango da. Abuztuaren 10ean, astelehena, egingo da Piraten Abordatzea.