Otxarkoagako krimenagatik zigortutako bi adin txikikoetatik baten bila ari dira
Zumarragako Ibaiondo adin txikikoentzako itxialdi zentroko gazte bat baimen bati esker irten eta ez da itzuli. Hain zuzen ere, duela ia lau urte, 14 urte zituela, Bilbon, Otxarkoagako etxebizitza batean, Rafael eta Luzia, 80 urtetik gorako bikote baten hilketan inplikatuta egon zen gazteetako bat da falta dena, Eusko Jaurlaritzako Justizia Sailetik EITB Mediari baieztatu diotenez.
2018ko urtarrilean gertatu zen hilketa, eta hilabete batzuk beranduago, urrian, 6 urteko itxialdira kondenatu zituzten hilketagatik atxilotutako hiru adin txikikoetatik bi.
Dagoeneko bete beharreko denboraren erdia betea du Ibaiondo zentrotik falta den gazteak. Urtarrilean lau urte beteko zituen internamendu egoeran eta duela hilabete batzuetatik kanpora irteteko baimenak zituen. Justizia iturriek jakitera eman dutenez, irteera horietan ez da orain arte "arazorik egon", baina azken baimenetik ez zen itzuli.
Ibaiondo zentrotik gertaera jakinarazi zaio adin txikikoen Fiskaltzari eta Ertzaintzari eta bilaketa hasi du honek. Bere kabuz itzuliko balitz edota Ertzaintzak aurkitu eta eramango balu ondorioak ez lirateke horren larriak izango. Delituren bat egingo balu, ordea, ohiko justizia sistemaren aurrean erantzun beharko luke, adinez nagusia baita gaur egun.
Bere garaian Bilboko gizartea erabat hunkitu zuen hilketak. Senar-emazteekin harremanetan jarri ezin zela eta, biktimen senide bat haien etxera joan zen eta hilda aurkitu zituen, indarkeria zantzu handiekin: kolpeak zituzten buruan eta hainbat labankada ere bai. Etxe guztia nahasita eta odolez blai aurkitu zuten.
Falta den gaztea eta beste bat homizidioagatik eta indarkeriarekin egindako lapurretagatik zigortu zituzten (14 urte zituzten biek) eta aske utzi zuten, berriz, 16 urteko beste bat.
Zure interesekoa izan daiteke
Iruñeko Iturrama auzoko obra batzuen bilakaera jarraitzeko behatoki bereziak jarri dituzte
Misericordia egoitzan bizi diren herritarren artean obrek piztu duten interesaren ondorioz, eraikuntza-enpresak sei leiho ireki ditu lanak estaltzen dituen oihalean. Batek baino gehiagok irmo kritikatu ditu leihoen ondoan idatzitako esloganak.
Llantenoko sutea kontrolpean dute, 100 hektarea inguru kiskali ondoren
Suteak itzaltzeko zerbitzuek lanean jarraitzen dute erabat itzali arte, haizeak eta tenperatura altuek ez baitute laguntzen. Familia batek etxera itzuli ahal izan du igande honetan.
"Nolabaiteko baikortasuna" Rigloseko sutean, suak Jaca ondoko Oroel mendira jotzea oztopatu ondoren
16.600 hektarea baino gehiago kaltetu ditu suteak, eta mila bat lagun eta 35-40 aire-baliabide ari dira lanean; 19 herrigunetako 1.046 bizilagunek etxetik kanpo jarraitzen dute. UMEko militar bat hil da gaur arratsaldean, Jakatik 10 kilometrora.
Autoak zeramatzan kamioi batek errepidetik irten eta su hartu du Sunbillan
Autoak zeramatzan kamioi bat errepidetik atera eta su hartu du Sunbilla parean. Kamioia erabat kiskalita geratu da baina gidaria, 49 urteko gizonezkoa, arin zauritu da. 07:00ak aldera gertatu da ezbeharra N-121 errepidean.
10 urteko haur bizkaitar bat egoera kritikoan, Espinosa de los Monterosen (Burgos) traktore batek harrapatu ostean
Istripua larunbateko 22:30ak baino minutu batzuk lehenago gertatu zen, Sancho Garcia plazan, oraindik argitzeke dauden arrazoiengatik.
Jorge Carvalhok euskara bere bizimodu bihurtzea lortu du
Ia 30 urte daramatza jada Euskal Herrian bizitzen. Igeltseroa da lanbidez, baina pandemian lana galdu zuen, eta 62 urte zituela betidanik maite izan duen zaletasuna bizimodu bihurtzea erabaki zuen: kalean euskaraz kantatzea. Ordutik, Bilboko Plaza Eliptikoan giroa alaitzen du, euskarazko errepertorio zabalarekin.
Bi lagun zauritu dira hegazkin txiki batek Vianan izan duen istripuan
300 oin inguruko altueratik erori dira Ulagosa izeneko eremura. Batek pronostiko larriko traumatismo kraneoentzefalikoa du, eta besteak traumatismo kraneoentzefalikoa eta orkatilla hautsita.
Abian da mahats-bilketa, historiako goiztiarrena
Mahatsondoak ohi baino lehenago hasi dira fruitua ematen, eta Nafarroako Erriberan ekin diote jada mahatsa biltzeari. Inurrieta bodegan iaz baino astebete lehenago jarri dituzte martxan uzta biltzeko makinak.
Donostiak amaiera eman dio Aste Nagusi borobilari, gorabehera garrantzitsurik gabe
Insaustik nabarmendu du delituen kopurua % 45 jaitsi dela iazkoarekin alderatuta, eta pandemiaren ostean izan den kopururik txikiena izan dela.
Osakidetzak 211 pertsona artatu ditu eklipsearen ondorioz azken hiru egunetan
Ostegunean 59, ostiralean 70, eta azken orduetan 82 pertsona joan dira Euskadiko osasun-zerbitzuetara begietako sintoma arin edo oso arinekin.