Ugo Mayor: "Covid-19aren olatu berri baten atarian gaude"
Ugo Mayor Ikerbasqueko ikerlari eta EHUko irakaslearen esanetan, agerian da olatu berri baten atarian gaudela. "Agerian da datuak abiadura handian ari direla biderkatzen eta momentuz kasuen zenbakiak ikusten ditugu gora, baina, dakigunez, horren ondorioz, gero ospitaleratzeak eta, normalean, aste bat edo gehiago tardatzen da sentitzen zenbaki horiek, eta baldin badaude hildakoak, bi aste beranduago. Orduan, progresioa ikusi behar dugu, zer gertatzen den ospitaleetan eta, baina bai, badirudi olatu baten atarian gaudela", esan du. Azken datuen arabera, 2.500 kasutik gora daude Euskadin, eta intzidentzia metatua 181 kasukoa da.
Ikerlariak astearte honetan "Egun On Euskadi" saioan azpimarratu duenez, herritarrak, oro har, nahiko ondo betetzen ari dira neurriak, eta "musukoa kalean ikusten da, derrigorrezkoa izan ez arren; distantziarekin, ziur batzuetan zailagoa dela". Hala ere, adituaren ustez, gauza batzuk ez daude gure esku: "aireztapena leku itxietan, eta holako elkar arnasa hartzeko egoerak sortzen diren horietan igual ez dago gure esku horiek mugatzea". Mayorren hitzetan, covid-19a arnasketa gaixotasun bat da; "beraz, argi dago elkar arnasa konpartitzen badugu, horrek arrisku bat daukala. Distantzia mantentzen badugu, txikitzen da horren arriskua, baina badakigu aerosolen bitartez kutsatzeak gertatzen direla, eta horiek airean mantentzen dira, eta kea bezala mugitzen dira, neurri batean. Orduan, gela bat konpartitzen badugu kutsatuta dagoen pertsona batekin, denbora luzez, azkenean airean pilatzen diren birus partikula horiek, nahiz eta distantzian egon, eta nahiz eta musukoa egon, aireztapena ez badago, elkar arnasa arnasten jarraitzen badugu, hor kutsatzeak egongo dira".
Txertoaren inguruan galdetuta, txertoa da neurririk eraginkorrena, erantzun du, baina "kutsatze kateak eteten ez diren bitartean txertoak ez du ehuneko ehunean funtzionatzen" nabarmendu du.
Horrenbestez, ezin da neurri bakarra ezarri: "kutsatze kateak eteten baditugu, aireztapena hobetzen badugu eta txertaketarekin jarraitzen badugu, lortuko dugu pandemiari aurre egitea".
Covid-19 ziurtagiria
EHUko irakaslearen hitzetan, "PCR edo antigeno proba egiteko aukera emanda konponduko genuke" covid-19aren pasaportearen arazoa. Izan ere, "ez da txertatu gabekoen arazoa bakarrik, guztion arazoa da".
"Udan gazteak kutsatu zirela ikusi genuen, eta ez bereziki ezberdin egiten zituztelako gauzak, baizik eta txertatu gabe zeudelako. Orain umeak dira oraindik txertatu gabe daudenak, baina badira kutsatuak, gaixotuak eta hildakoak txertatuta daudenen artean ere", azaldu du.
Ildo horretan, Mayorrek esan du aukera eman behar zaiela txertatu gabekoei PCR edo antigeno proba bat egiteko, eta "ez badute txertatu nahi, haientzat txarrago, baina behintzat ziurtatzeko eremu amankomun batean sartzean kutsatzeko gaitasunik ez dutela", adierazi du.
Zure interesekoa izan daiteke
Oiartzungo AP-8ko saihesbidea obrengatik itxiko dute igande eta astelehen gauetan
Mantentze-lanak Bilborako noranzkoan izango dira, 22:00etatik 06:00etara.
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
Amaitu dira AP8ko auto-ilarak Orioko zubian, baina errei batek itxita jarraitzen du Bilboko noranzkoan
Kamioi baten eta auto baten arteko talkak 3,5 kilometrora arteko ilarak eragin ditu Orioko zubian, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.