Bildarratzek adingabeen gurasoei eskatu die eskolan bezain arduratsu izateko eskolaz kanpo ere
Gaur egun 109 gela daude itxia Euskal Autonomia Erkidegoan; bestela esanda, "17.300 gela baino gehiago daude zabalik", Jokin Bildarratzen hitzetan, "gelen % 99,4, beraz". Eusko Jaurlaritzako Hezkuntza Sailburua "kezkatuta" dago, baina, gaineratu duenez, "kualitatiboki nahiz kuantitatiboki, duela urtebete baino hobeto gaude". Esan duenez, "lan ona egiten ari dira ikastetxeetan".
Hezkuntza Sailak ez du astero-astero ebaluatzen diren protokoloak aldatzerik aurreikusten. Hori bai, gurasoei eskatu diete ikastetxeetatik kanpo ere "eskoletan garen bezain arduratsuak" izatea, eta ez erlaxatzeko gomendatu die, bilkurarik edo urtebetetze-festarik ez egiteko. Adierazi duenez, gaur edo bihar ohar bat bidaliko dute ikastetxe guztietara, eskolako orduez kanpo egiten diren ekintza horietan gurasoek neurriak har ditzaten gomendatuz.
Bildarratzek adierazi duenez, "itxita dauden gela ia guztiak 12 urtez azpiko ikasleenak dira", eta, horregatik, espero du 12 urte baino gutxiagokoen txertaketari esker buelta emango zaiola egoera horri. Europako Sendagaien Agentziak adin txikikoen txertaketarako baimena aste honetan ematea espero du Jaurlaritzak, hilaren 26an, zehazki; hortik aurrera, "lehenbailehen eta ahalik eta azkarren" txertatzea nahiko luke sailak. Bildarratzen ustez, "zentzudunena txertatzea da", txertatzen ez diren pertsonek "ospitalera joateko lau aldiz arrisku gehiago" baitute.
Txertu gabeko 12 urtetik gorakoen kasuan, sailburuak uste du 20-29 urte bitartekoen txertatze-tasa oraindik ere hobetu daitekeela; horregatik ari dira hezkuntza zentroetara banan bana joaten, "txertatze portzentajeak ikusten eta irakasleen bidez ikasleak txertatzera animatzen". Lan horri esker, txertatze-maila % 1,5 igo dela ziurtatu du. Edonola ere, EAEko txertatze-tasa orokorra % 90ekoa dela nabarmendu du.
Bestetik azaldu du, covid pasaportea "lagungarri izango zela, zalantzarik gabe", baina, hala ere, Eusko Jaurlaritzak ez du Gorenera joko, ez dutelako gisa honetako aferak judizializatzerik nahi, "azken finean, Gorena ez da ildo horretatik berme gehien emango dizkigun epaitegia ere". Hori bai, Sanchezen Gobernuari eskatu dio "irtenbideak emateko neurri argiak hartzeko", erkidego bakoitzeko epaitegiak erabaki desberdinak hartzen baitira gai beraren gainean.
Etorkizuneko Hezkuntza Lege berriari dagokionez, esan du "aurrerapen handiak" daudela, "batez ere jarreretan eta lanean". Hezkuntza sailburuak esan du hogei bileratan izan dela dagoeneko, talde oso txikitan, ikastetxeetako zuzendariekin eta sindikatuekin, eta abendurako "400 zuzendari ingururekin" elkartuko dela.
Zure interesekoa izan daiteke
'Euskaltzaleon Martxak' euskaltzale guztiak batu nahi ditu ekainaren 13an Iruñean
Aldarrikapena eta ospakizuna uztartuko ditu jardunaldiak, "euskaraz bizitzeko baldintzak eskatzeko eta euskaltzale izatearen harrotasuna balioan jartzeko".
Gurutzaontzian hantabirusak kutsatutako hiru pertsonak Herbehereetara ebakuatuko dituzte
Espainiako Osasun Ministerioak adierazi duenez, pertsona horiek ebakuatu ondoren, "ez litzateke egongo arrazoi klinikorik" Kanariar Uharteetan eskala egiteko, Cabo Verde eta Uharteen arteko bidean "kasu sintomatiko berririk agertu ezean".
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.
Hiru pertsona hil dira, ustez hantabirusak jota, gurutzaontzi batean
Osasunaren Mundu Erakundeak (OME) adierazi duenez, "kutsatze-arriskuak txikia izaten jarraitzen du" eta "ez dago izutzeko arrazoirik". MV Hondius gurutzaontzia lehorreratzeko portu bila ari da, Cabo Verdek baimena ukatu baitio. Ontzian doazen 149 lagunetatik 14k Espainiako nazionalitatea dute.