Covid-19aren aurkako hirugarren dosia eskuragarri dute jada Iparraldeko herritar heldu guztiek
18 urtez gorako herritar guztiek koronabirusaren aurkako hirugarren dosia jasotzeko aukera izango dute Ipar Euskal Herrian gaurtik aurrera.
"Aurrerantzean hirugarren dosia 18 urtez gorako guztiek jaso ahal izango dute, azken txertoa hartu zutenetik bost hilabete pasa badira", adierazi zuen Olivier Veran Frantziako Osasun ministroak.
Frantziako Gobernuak ziurtatu zuen txerto nahikoa izango direla. Familia medikuei ala erizainei eskatu edo 1.200 bat txertaketa zentro masiboetan hartzeko aukera izango dute herritarrek. Txertaketa zentroak berriro zabaldu edo martxan jarriko dira Estatu osoan.
Osasun ziurtagiria
Bestalde, toki publiko gehienetan sartu ahal izateko osasun ziurtagiriaren baldintzak zorroztuko dituztela iragarri zuen ministroak.
Orain arte, probak 72 orduko iraupena zuen, baina 24 ordura murriztu dute. Era berean, txertoa jaso ez dutenek ordaindu egin beharko dute.
Toki publiko itxi guztietan musukoa berriro derrigorrezkoa izango dela ziurtatu zuen Veranek. Babes neurriak mantentzea ere eskatu zuen, hala nola, eskuak garbitzea edo distantzia soziala. Ministroaren ahotan, dispositibo horrekin "Frantziak bosgarren olatua gainditu dezake, neurri gogorragorik hartu gabe".
Konfinamendua, saltokien itxiera aurreratzea edo joan-etorriak mugatzea baztertu egin zuten, aurreko olatuetan ez bezala, Frantzian hamar heldutatik ia bederatzik txertoa jasoa duelako.
Bi tratamendu
Covidari aurre egiteko tresna horiez gain, laster "emaitza esperantzagarriak" izaten ari diren bi tratamendu eskura izango dituztela jakinarazi zuen ministroak.
Bat, injekzio bidez, ospitalean larri dauden pazienteentzako izango da, bestea, pilula bat, botiketan eskuragarri egongo da abendutik aurrera, baina errezeta beharrezkoa izango da. Kutsatu ondorengo bost egunetan hartuz gero, ospitaleratzeko arriskua erdira murrizten du pilulak.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.