Sagardui: "Agian ZIUetan 50 gaixo eduki baino lehen ezarri beharko dugu osasun larrialdia"
Gotzone Sagardui Osasun sailburuak ohartarazi duenez, baliteke Eusko Jaurlaritzak osasun larrialdia aurreikusitakoa baino lehenago ezarri behar izatea, hots, ZIUetan 50 gaixo eduki baino lehen —gaur-gaurkoz 40 inguru daude—, gainerako adierazleek okerrera egiten jarraitzen dutelako. Zehaztu duenez, igande honetan 648 kutsatze berri hauteman dituzte, eta ospitaleetan 200 eri baino gehiago dituzte covid-19ak jota.
Radio Euskadiko "Boulevard" saioari eskainitako elkarrizketa batean jakinarazi duenez, azken egunetan koronabirusa zuten hiru adingabe erietxeratu behar izan dituzte, baina zorionez, "bilakaera ona izan dute".
Horren ildoan, txertaketa izurriaren kontrako borrokan "oinarrizko tresna" izan dela azpimarratu du. 12 urtetik beherakoak noiz eta non txertatuko dituzten galdetuta, Osasun sailburuak nabarmendu du oraindik ez dakitela zenbat dosi helduko diren. "Zenbat dosi ditugun jakin arte itxaron beharko dugu, eta ondoren zehaztuko dugu nola eta non jarriko ditugun. Plan ezberdinak ditugu dosi kopuruaren arabera (...) Txertoak umeak Gabonetako oporretan daudenean heltzen bazaizkigu, ez dugu itxarongo eta lehenbailehen jarriko dizkiegu", iragarri du. Zehaztu duenez, "jasotako dosien arabera erabakiko dugu non txertatu".
60 urtetik gorakoek, bestalde, errefortzuzko dosia jasotzeko hitzordua har dezakete gaurtik aurrera. Dosiok noiz eman ahal dituzten galdetuta, Sagarduik erantzun du "gaur bertan edo bihar" izan daiteke eskura dituzten prestakinen arabera. "Espero dezagun adin tarte honen erantzuna lehen eta bigarren dosiekin izandakoa bezain ona izatea", erantsi du.
Gripearen kontrako txertaketa kanpainarekin ere "oso pozik" agertu da sailburua. Emandako datuen arabera, 2019an baino % 30 gehiago ziztatu dituzte, eta dagoeneko 430.000 dosi eman dituzte.
Azkenik, espero du Auzitegi Gorenak osasun ziurtagiria ezartzeko baimena ematea. Sagarduiren hitzetan, "ziurtagiria covid-19ari aurre egiteko beste neurri bat da". Osasun pasea derrigortzeak txertaketa bultzatuko ote duen itaunduta, Osasun sailburuak aitortu du oraindik goiz dela hori esateko. "20 eta 39 urte bitartekoak geldoago ari dira txertatzen. Bi aste-edo itxaron beharko dugu balorazio bat egiteko", esan du.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.