Giroak hobetzera egingo du, arratsaldean berriro kaskartuko bada ere
Aroak atsedenaldi txiki bat emango digu astearte arratsaldera arte. Euskalmet Euskal Meteorologia Agentziaren arabera, euria egiten jarraituko du gaur, baina gutxiago eta noizbehinka egingo du. Tregoak ez du, dena den, askorik iraungo, astearte arratsaldetik aurrera zaparradak espero direlako, eta mardulagoak izango dira asteazkenean.
Hobekuntza horren lekuko, atzora arte zeuden abisuak bertan behera geratu dira, eta bi baino ez dira geratzen aktibo: itsasaldeko arriskuagatik, kostaldean, eta elur-jausiengatik, Nafarroako Pirinioetan.
Astearteko aipagarriena tenperatura igoera izango da, haizeak hegotik joko baitu, zakar. Giro benetan epela (18 graduko maximoak) izango da Bilbon edo Donostian, eta barnealdean 15 ºC inguruan egongo dira termometroak. Goizean apenas egingo duen euririk, baina euritara joko du egunaren bigarren partean, bereziki isurialde atlantikoan. Arratsaldean, haizeak mendebal eta ipar-mendebaldera egingo du, bolada gogorrekin, gogotik egingo du euria, eta elur-kota jaitsiz joango da, egunaren amaieran 1.000 metro inguruan kokatu arte.
Asteazkenean, giro makurra. Iparrak gogor joko du eta euria barra-barra egingo du. Zaparrada mardulenak isurialde atlantikoan botako ditu, eta euri ugari egingo du bertan; zaparrada trumoitsuak izan daitezke eta txingorra bota dezake. Goizaldean, elur-kota 900-1.000 metro inguruan egongo da, eta behera egingo da gero, ekaitz-guneetan bereziki. Ipar-mendebaldeko haizea zakar ibiliko da, bereziki kostaldean eta mendi inguruetan, eta Ebro ibarrean ziertzoa bizi ibiliko da. Tenperaturak behera egingo du, eta balio altuenak kostaldean ez dira 11 ºC-tik gorakoak izango eta barnealdean 7-8 ºC-ren azpitik geratuko dira. Gainera, izotza egingo du mendi inguruetan.
Zure interesekoa izan daiteke
Gorpu bat agertu da Zaratamoko Arkotxa auzoan, errepide ondoan
Igande arratsaldean aurkitu dute gorpua, abandonatutako hainbat industria-pabiloiren ondoan. Ertzaintzak ikerketa abiatu du gertatutakoa argitzeko.
Israelek "nazioarteko zuzenbidea urratu" duela salatu dute Iruñean
Elkarretaratzean, atxilotutako bi ekintzaileak askatzeko eta ontziei Gazara iristen eta laguntza humanitarioa ematen uzteko eskatu dute, besteak beste.
Putzu handiak egin dira Jundizko industrialdean euriteen ondorioz eta urak trenbidea zein errepideak hartu ditu
Iluntzean Gasteizen bota duen erauntsiak putzu ikaragarriak sortu ditu Jundizko industrialdean. Irun eta Madril lotzen dituen trenbideko zati bat urak hartu du. Industrialdeko errepideak ere hartu ditu urak, eta ibilgailuak kontu handiz igaro behar izan dute bertatik.
1.500 emakumek erasoak jasan dituzte Euskadin martxora arte, % 69,4k bikotekideek edo bikotekide ohiek eragindakoak
Delitu motaren arabera sailkatuta, ugaritu egin da familia barruko indarkeria —ez ditu bikotekideak edo bikotekide ohiak kontuan hartzen—. Guztira, 298 biktima izan dira martxora arte, hau da, aurreko urtean baino % 11,6 gehiago, Emakumearen Euskal Erakundeak (Emakunde) bildutako datuen arabera.
Astelehenean epaituko dute Baionako bestetan Eric Courdyren hilketagatik auzipetutako Jerome Verin boxeolari ohia
2024ko uztailaren 11n, Baionako bestetan, Eric Courdyri eraso egin zion Jerome Verin boxeolari ohiak, eztabaida baten ostean, autobus geraleku batean. Sei egun koman eman ondoren hil zen Courdy.
Foruzaingoak aisiarako bederatzi lokal erregistratu ditu Iruñerriko bost udalerritan
Operazioan, 20 akta ireki dituzte, drogak konfiskatzeagatik, eta hiru pertsona salatu dituzte, erresistentzia eta desobedientzia egotzita, eta beste bi, debekatutako armak eramateagatik.
Muskizen piztutako sutearen ondorioz 40 familia urik eta gasik gabe daude
Udalak behin-behineko komun batzuk jarri dizkie kalean, eta kiroldegira joan behar dute garbitasunetarako. Oinarrizko zerbitzu horiek lehenbailehen berreskuratzeko, buru-belarri ari dira lanean. Sua garajean hasi zen, eta Ertzaintzak gertatukoa ikertzen jarraitzen du.
Astelehen honetan hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.