Trafiko arazoak nonahi Euskal Herrian, uholdeen, luizien eta ur putzuen ondorioz
Denboraleak arazo ugari eragin ditu errepideetan, eta ibilgailuen joan-etorria ez da erraza izaten ari, goizean goizetik, Euskal Herrian, batez ere, bigarren mailako bideetan. Ibaiek gainezka egin dute toki askotan, eta uholdeez gain, lur-jausiak eta ur putzuak daude errepideetan.
EAE: errepideen egoerari buruzko azken ordukoa, Eusko Jaurlaritzaren TRAFIKOA webgunean.
- Mendaro: herriko sarrera-irteerak itxita, N-634 errepidetik, eta ondorioz, Mendaroko Ospitalera ezin da joan. Aurretiazko hitzordua izan arren, ospitalera ez joateko eskatu die herritarrei Eusko Jaurlaritzako Segurtasun Sailak.
- Eibar-Elgoibar: AP-8 autobidearen errei bat, Irungo noranzkoan, itxita, luizi batengatik.
- Leintz Gatzaga: GI-627 errepidea moztuta, lur-jausi baten ondorioz.
- Erandio: BI-735 errepidea itxita, Makro merkataritza zentroaren parean, ur-putzu baten ondorioz.
- Mungia: BI-631 errepidea itxita , Bermeorako bidean.
- Mallabia: BI-633 errepidea itxita, Arrangizganean.
- Orozko: AP-68 autobidea itxita, Gasteizerako noranzkoan. BI-625 errepidetik ari dira trafikoa bideratzen.
- Gasteiz: N-622 errepidea moztuta dago, A-1 bidearekin bat egiten duen tokian.
NAFARROA: errepideen egoerari buruzko azken ordukoa, Foru Gobernuaren webgunean.
- Almandozeko eta Belateko tunelak itxita: Iruñea eta Behobia lotzen dituen N-121-A errepidea, 28. kilometroan, uholdeengatik.
- A-1 autobiaren 395. kilometroan, errepidea moztuta, uholdeengatik. Olatzagutirako bidetik ari dira trafikoa bideratzen.
- Bigarren mailako errepide ugari, itxita, uholdeengatik eta luiziengatik: NA-30 errepidea (Landabenerako sarrerak), 1. kilometroan itxita; NA-1300 errepidea itxita (Irurtzun eta Gipuzkoa artean), 0, 10 eta 26 kilometroen parean; NA-2410 errepidea itxita, 13. kilometroan, Uharte Arakil parean; eta N-170 errepidea itxita, 28. kilometroan.
- NA-1210 errepidea moztuta, Arraizko benten eta Endarlatsa artean, hainbat puntutan.
- NA-4404 errepidea, Iruritarako sarreran, moztuta; NA-4150 errepidea, Leitza-Goizueta-Hernani arteko bidea, moztuta 15 eta 27 kilometroen parean; NA-8304 errepidea itxita, Berarako sarreran.
- NA-1720 errepidea moztuta, Agoitz eta Auritz artean, 26. kilometroan, luizi batengatik.
- NA-137 errepidea moztuta, Izaba eta Ipar Euskal Herria lotzen dituena, 47. kilometroan, elurragatik.
IPAR EUSKAL HERRIA
- Ahetze eta Bidarte artean, D-855 errepidea moztuta.
- Senperen, D-918 errepidea moztuta.
- Azkaine eta Larrun artean, D-855 errepidea moztuta.
- Sara eta Etxalar artean, D-306 errepidea moztuta.
- Kanbo eta Donibane Garazi arteko tren zerbitzua, etenda.
Zure interesekoa izan daiteke
Sabino Ormazabal ekintzaile eta bakezale nekaezina zendu da, 72 urte zituela
Kazetaritza, antimilitarismoa, ekologismoa, giza-eskubideak eta desobedientzia zibila izan ditu ardatz donostiarrak bere bizitza osoan zehar. Gizarte-mugimenduetan murgilduta beti, Eusko Legebiltzarrak izendatutako polizia-gehiegikeriaren eta giza eskubideen urraketen biktimen aldeko batzordean parte hartu zuen 2013tik.
Pertsona bat hil eta beste bat larri zauritu da Zallan, auto batek eta kamioi batek talka eginda
Hildakoa turismoaren gidaria da, 51 urteko gizona; haren bidaiaria, berriz, 48 urteko emakumea, ospitalera eraman dute.
Espainiako Gobernuak aldi baterako 1.500 harrera-plaza gaitu ditu Ceutan, migrazio-presioaren aurrean
Elma Saizek iragarri du harrera-sistema arintzeko lau gune berehala zabalduko direla, eta erakundeen arteko lankidetza nabarmendu du.
Bilboko konpartsek kuotak ezarri dituzte euskarazko musikarentzat txosnetan, % 27 baino ez dela egiaztatu ondoren
Konpartsek kanpaina bat aurkeztu dute jaietan euskararen erabilera indartzeko, eta txosnetan euskarazko musikaren proportzioa handitzeaz gain, beste aldaketa batzuk ere egin dituzte erabilera areagotzeko.
Zuia egoera larrian dago ur faltagatik, eta zisterna-kamioiak eskatu dizkio Aldundiari
Udalak igerilekuak betetzea, baratzeak eta lorategiak ureztatzea eta ibilgailuak garbitzea debekatu du, Baias ibaiaren ur-emaria jaisten ari delako.
Tessy Ebosele euskal atleta biral egin da sareetan "iruzkin krudelak" salatu ostean
Tessy Ebosele atleta arabarra, birala egin da Europako Atletismo Txapelketan parte hartu ondoren egindako adierazpenengatik. Gasteizen bizi den luzera-jauzilariak gogor kritikatu du atletek sare sozialetan jasotzen dituzten iruzkin negatiboak, eta esan du halako mezuek sekulako eragina dutela lehiatzerako orduan. Malkoak begietan, argi baino argiago hitz egin du.
Llantenoko sutea itzaltzeko lanean jarraitzen dute, garrak kontrolpean hartu ondoren
Laudioko, Langraizko eta Espejoko parkeetako suhiltzaileak, Nekazaritza Brigadako kideak, basozainek gidatutako bulldozerrak eta Larrialdietako helikopteroa lanean ari dira.
Laia eta Oihan, jaioberrien izen ohikoenak Euskadin
2025ean jaiotakoen artean izen arruntenak Laia, Ane eta June, eta Oihan, Markel eta Martin izan dira.
Basurtuko Ospitaleko Psikiatria pabiloian 31,9 gradu arteko tenperaturak daudela salatu dute
Basurtuko Ospitaleko Escuza pabilioiak (psikiatria-eremua hartzen duena) ez du klimatizaziorik hotzean, eta 31,9 gradura arteko tenperaturak izan ditu eraikin barruan. Lan Ikuskaritzaren ustez, eraikinaren egituran arazoak daude, eta baldintza termiko egokiak bermatzeko neurriak eskatu dizkio Osakidetzari.
Arabatik Urbasara lekualdatu dute Rapunzel filmaren filmaketa
Disneyren Enredados filmaren zuzeneko bertsioaren filmaketa Gaubean amaitu dute, eta orain Nafarroako mendilerroan ari dira lanean; hainbat bidezidor eta aparkaleku itxita egongo dira abuztuaren amaierara arte.