Abisu horiak ezarri dituzte astebururako, olatuengatik eta euriagatik
Asteburura begira, hainbat abisu hori aktibatuko dituzte Euskal Autonomia Erkidegoan (EAE), Nafarroan eta Ipar Euskal Herrian.
Euskal Autonomia Erkidegoari dagokionez, Euskalmetek abisu horia aktibatuko du gaur eta bihar, kostaldeko inpaktuagatik eta nabigaziorako arriskuagatik. Olatuek 4-5 metroko altuera har dezakete. Igandean, itsasoan nabigatzeko arriskuagatik ezarritako abisuari euriagatik ezarriko dutena gehituko zaio.
Hain zuzen ere, gaur nabigazio arriskuagatik aktibatu dute abisua, 12:00etatik 24:00ak arte. Olatuen altuera adierazgarria 3,5 metroren bueltan ibiliko da eguerdi aldera, eta 4-5 metrora iritsiko da arratsalde-gau partean. Bestalde, ipar-mendebaldeko haizeak gogor joko du 4-5eko indarrarekin, eta 6koarekin tarteka. Itsaskia edo itsaski handia eragingo du, eta itsaso zakarra tarteka.
Halaber, 19:00ak eta 21:00ak bitartean, abisu horia egongo da indarrean kostaldeko inpaktuagatik. Olatuen altuera adierazgarria 4-5 metro ingurukoa izango da. Itsasgora 20:20an izango da, eta mareak 3,96 metroko altuera hartuko du.
Larunbatean ere, indarrean egongo da abisu horia nabigaziorako arriskua dela eta, 00:00etatik 24:00ak arte. Olatuen altuera adierazgarria 4-5 metro ingurukoa izango da egunaren lehen zatian, eta 3,5 metrora jaitsiko da arratsalde-gauean. Mendebal ukituko haizea ibiliko da, 3-4ko indarrarekin, eta 5eko indarra izango du tarteka goizaldean eta azken orduetan. Itsaskirria edo itsaskia eragingo du.
Abisu horia egongo da indarrean larunbatean ere, 07:00etatik 10:00etara, kostaldeko inpaktuagatik 07:00etatik 10:00etara. Olatuen altuera adierazgarria 4-5 metroren inguruan ibiliko da, beste behin. Itsasgora 08:40an izango da, eta mareak 4,21 metroko altuera hartuko du.
Igandean, Euskalmetek abisu horia ezarriko du nabigaziorako arriskuagatik asteleheneko 00:00ak arte; izan ere, 5 metroko olatuak espero dira egun osoan zehar.
Gainera, egunean zehar euria erruz egingo du. Litekeena da isurialde atlantikoko zenbait tokitan metro koadroko 60 litro pilatzea 24 orduko epean.
Nafarroan, AEMETek abisu horia ezarriko du ostiralean eta igandean elurragatik. Ostiralean, Nafarroako Pirinioetan 1.300 metrotik gora egitea espero da. Igandeari begira, beste abisu hori bat aktibatuko du isurialde atlantikoan, euriagatik. Abisua igandeko 03:00etatik asteleheneko 00:00ak arte egongo da indarrean. Litekeena da 12 orduko epean metro koadroko 40 litro pilatzea zenbait tokitan.
Ipar Euskal Herrian, bi abisu hori aktibatuko dituzte, elur-jausi arriskuagatik eta olatuengatik. Lehena larunbat goizera arte egongo da indarrean. Olatuengatik ezarritako abisu horia, ostera, larunbateko 06:00ak arte.
Albiste gehiago gizartea
Aita Marik 13 pertsona erreskatatu ditu Mediterraneoan
Pertsona migratzaileak zeramatzan ontzia prekarioa zen eta noraezean zebilen duela zenbait egunetatik. Italiako agintariek Bariko portua izendatu dute lehorreratze puntu, eta, aurreikuspenen arabera, larunbatean iristea espero da.
Adin txikiko bat hil eta lau pertsona zauritu dira AP-1 autobidean, Soraluze parean izandako istripu batean
Ezbeharraren arrazoiak oraindik ikertzen ari dira, eta zirkulazioa erabat itxi behar izan dute Eibarko noranzkoan. Bien bitartean, trafikoa GI-627 errepidetik bideratzen ari dira.
Barakaldoko txirrindulari bat hil da Asturiasen, auto batek harrapatuta
AS115 errepidean izan da istripua, Llanesen.
Haserrea Gaztela eta Leongo suteek kaltetutakoen artean
Ponferrada, Astorga, Leon eta gaur La Bañezan. Azken egunetan Gaztela eta Leongo agintarien aurkako protestak ugaritu egin dira suteen kudeaketagatik. Suteek kaltetutakoek 3. mailako larrialdia dekretatzea eta Estatuak suteen aurkako borrokaren agintea hartzea eskatzen dute.
Bilboko Konpartsek babesa adierazi diete Gas plazatik bota dituzten manteroei: "Kale gorrian dauden pertsonek ez al daukate lo egiteko eskubiderik?"
Bilboko Konpartsek ehunka lagun bildu dituzte gaur arratsaldean Bilboko Areatzan, "lo egitea ez da delitua" lelopean, Gas plazan lo egiten ari ziren manteroei babesa emateko. Horretaz gain, Bilboko Udalari manteroentzako eta kale egoeran daudenentzako bizitoki irtenbide bat eskatu diote.
Su hartu duten eremuetan larrialdia onartuko dutela iragarri du Sanchezek, eta berreraikuntzarako laguntzak agindu ditu
Datorren abuztuaren 26an egingo dute iragarpena, Ministroen Kontseiluan, eta babes zibileko larrialdi batengatik egingo dute.
Palestinaren aldeko ibilaldi bat antolatu dute Tuteratik Hendaiara, "Ibaitik itsasora" lelopean
Ibilbidea 11 etapaz osatuta egongo da, irailaren 10etik 20ra. Hendaian, manifestazio bat egingo dute itsasora iritsi arte. Helburua: kausa palestinarraren aldeko Euskal Herri osoko sarea ikusaraztea eta aktibatzea.
66 urteko gizon bat atxilotu dute Gasteizen, pisukideari labanaz erasotzeagatik
Gizon bat Gasteizko ospitale batean agertu zen, arma zuri batekin ustez egindako eraso baten biktima izan ostean. Gasteizko Adurtza auzoko etxebizitza batean gertatu zen erasoa.
Kaleko saltzaileen kanpaleku bat desegin dute Bilboko Gas plazan
Eraso arrazisten kontrako protokoloa aktibatu dute Bilboko Konpartsek, eta elkarretaratzea deitu dute gaur arratsalderako, 19:00etan, Bilboko Arriaga Antzokiaren aurrean. Protesta horretan, manteroen aurkako “polizia indarkeria” salatzeko.
Palestinako banderaren koloreekin osatutako mosaiko erraldoia egin dute herritarrek Bilboko Arriaga plazan
Bilboko Konpartsek antolatuta, “Israel egiten ari den genozidioa” salatu dute dozenaka lagunek. Sirena hotsarekin batera osatu dute mosaikoa, eta Bizkaiko hiriburuak “Palestinarekin bat” egiten duela adierazi diete erakunde, alderdi eta enpresei.