Felix Zubia: "Osasun Sistemaren lan karga handi bat txertatu gabeek eragin dute"
Covid-19aren pandemia gorenean den honetan, mezu baikorra eman du gaur Felix Zubia Donostia Ospitaleko Zainketa Intentsiboetako Unitateko zerbitzuburuak Euskadi Irratian: "Goia jotzeko ez gabiltza oso urruti, aste honetan joko dugu edo hurrengoan". Kutsatzeek goia jo arren, baina, jaitsiera kostatu egingo dela iragarri du. "Britaina Handia eta Danimarkako adibideak ikusita, behin kutsatze maila gorenera iritsita, egonkortze bat etorriko da, eta gero, jaitsiera, poliki-poliki izango da" adierazi du.
Gaur egungo kutsatze tasa altuek osasungintza estutzen jarraitzen dutela ohartarazi du Zubiak, eta oraindik ere zerbitzua areagotzeko aukera duten arren, %150-%200ean ari direla lanean gogorarazi du eta horrek beste zerbitzu batzuk bertan behera uztea dakarrela ohartarazi du: "urgenteak ez diren ebakuntzek atzeratu egin behar izan dira: protesiak, erniak.... eta egoera okertzen doa tantaka-tantaka".
"Europako kutsatu kopuru altuena Hego Euskal Herrian izan dugu" hausnartu du Donostia Ospitaleko ZIU arduradunak, eta horrek, ezinbesteak isla du ospitaleetan. EAEn, une honetan, 631 lagun daude ospitaleratuta, horietatik 122 ZIUn eta eta Nafarroan 221, 27 ZIUn. "Asko igotzen ari da plantan ospitaleratuta daudenen kopurua, baina mantsoagoa doa ZIUetakoa. Eztakit omikron arinagoa delako edo txertoak emandako babesagatik izan den, baina datu argi bat dago: Gurean, Frantzian, Italian edota Erresuma Batuan bezalaxe, ZIUetako gaixoen bi herenak txertatu gabeak dira. Beste herena, txertatuta daudenak, immunitate arazoak dituzten pertsonak dira, minbizia dutenak, transplantatuak edota gaixotasun autoimmune bategatik tratamendu biologikoa jasotzen ari direnak. Horregatik, esan beharra dago Osasun Sistemaren lan karga handi bat txertatu gabeek eragin dutela".
Gauzak horrela, zainketa intentsiboetako medikuak txertaketaren aldeko aldarria egin du berriz ere eta ohartarazi du gazteek ere amai dezaketela covid-19agatik ZIUn, "baita aurrez osasun arazorik ez dutenek ere".
Immunitate arazoak dituzten herritarrei ere tentuz ibiltzeko gomendioa egin die: "FFP2 maskara erabili beti toki itxietan eta katarro, eztul edo mukiekin dabiltzanengandik urrun ibili, baita etxekoak badira ere".
Azkenik, aste honetako "albisterik onenetakoa" izan omen dena aipatu du: AEBetan interes komertzialik gabeko lehen txertoa garatu dute, patenterik gabekoa, corbevax.
Zure interesekoa izan daiteke
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendu-unitatea Estatuko zazpietako bat da, eta arrisku handiko infekzioei aurre egiteko etengabe entrenatzen dira bertako profesionalak.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Igorreko errugbi taldeak iruzurra egin duen argitzeko ikerketa martxan da.
52 apaizek Juan Carlos Elizalde gotzainaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzainak. Elizalderen esanetan, apaiz batzuek “denbora gehiegi dute inkordiatzeko”.
Albiste izango dira: Duranako ikasturte amaierako bidaia, hantabirus agerraldia gurutzaontzian eta Igorren loteriaren saria kobratu ez dutenak
Gaurkoan Orain-en albiste izango direnen laburpena, bi hitzetan.