Euskadik murrizketak mantenduko ditu eta covid ziurtagiriaren erabilera luzatzeko eskatuko du
Pandemiari aurre egiteko neurri murriztaileek, tartean covid ziurtagiriak, indarrean jarraituko dute Araban, Bizkaian eta Gipuzkoan. LABIren batzorde zientifikoa murrizketak mantentzearen alde agertu da osasun egoera aztertu ostean, eta Iñigo Urkullu lehendakariak proposamen hori defendatuko du LABI instituzionalak ostiral honetan (16:30) egingo duen bileran.
Gauzak horrela, Eusko Jaurlaritzak jakinarazi du espazio jakin batzuetara sartzeko covid ziurtagiria erakusteko beharra otsailaren 13ra arte luzatu nahi duela eta horretarako baimena eskatuko diola Euskal Autonomia Erkidegoko Auzitegi Nagusiari.
Gainera, Iñigo Urkulluren gobernuak osasun ziurtagiria espazio gehiagotara zabaldu nahi du, hotel, ostatu turistiko eta joko-aretoetan ere beharrezkoa izan dadin.
Covid pasaportearen indarraldia urtarrilaren 31n amaituko da, astelehenean. Epe hori amaitzeko hiru egun falta direnean, Eusko Jaurlaritzak epea bi astez luzatzea eskatzeko erabakia hartu du.
Pasaportea abenduaren 4an sartu zen indarrean aisialdiko eta dantzaldiko jardueretan, hala nola diskoteketan, dantzalekuetan, ikuskizuna duten dantzalekuetan, musika-tabernetan, karaokeetan eta 50 lagunetik gora har ditzaketen jantokietan.
Ondoren, abenduaren 15etik aurrera, eta Euskal Autonomia Erkidegoko Justizia Auzitegi Nagusiaren baimena jaso ondoren, ostalaritza osora zabaldu zen, baita beste eremu batzuetara ere, hala nola ospitaleetara, egoitzetara, gimnasioetara, kiroldegietara eta kultura-ikuskizunetara.
Lehenengo aginduak, abenduaren 4koak, amaiera-datarik ez bazuen ere, bigarrenak urtarrilaren 31 ezarri zuen indarraldi-muga gisa. Horregatik, Eusko Jaurlaritzak bi aukera zituen: pasaportearen eskakizuna bertan behera uztea edo EAEko Auzitegi Nagusiari luzatzeko eskatzea.
Horren aurrean, EAEko Justizia Auzitegi Nagusiak erabaki beharko du horren indarraldia luzatu eta Eusko Jaurlaritzak eskatzen dituen erabilera berriak onartu ala ez.
Urkullu, neurri murriztaileei eustearen alde
Bilbon gaur goizean egindako ekitaldi batean lehendakariak adierazi duenez, pandemiaren bilakaera "positiboa" da, baina egoera epidemiologikoak "zaila izaten jarraitzen du".
Lehendakariaren hitzetan, gaur egungo adierazleak abenduaren 28an LABIren Aholku Batzordea elkartu zenean baino "okerragoak" dira.
"Arrazoi hori dela eta, batzorde zientifiko-teknikoak neurriak indarrean mantentzeko gomendatzen digu. Zuhurtzia eta zorroztasuna gomendatzen digute. Hori da nik ere aholkatzen dudana", gehitu du.
Zure interesekoa izan daiteke
Hiru etxebizitza hustu behar izan dituzte Gazolazen, Oltza zendean piztutako sute batengatik
Sutea piztu da arratsaldean Oltza zendean, Nafarroan. Zereal soro batean piztu da sua, eta Gazolazko hiru etxebizitza hustu behar izan dituzte, badaezpada. Pinudi bat ere harrapatu dute sugarrek. 20:30 aldera lortu dute sutea kontrolpean hartzea. Gauean, sua erabat itzaltzen eta ingurua freskatzen arituko da suhiltzaile talde handi bat.
USaPeko euskarazko azterketan zerokoa duten ikasleek protesta egin dute Bilbon
Dozenaka ikasle ez daude konforme USaPeko euskarazko azterketan lortutako emaitzarekin, eta, irakasleekin batera, egoera argitu dadin eskatzeko elkarretatzea egin dute Bilboko Ingenieritza Fakultate kanpoan.
Zortzi urte eta erdiko kartzela-zigorra ezarri diote Rafa Mir futbolariari, sexu-erasoagatik eta lesioengatik
Bigarren akusatu bati 2 urteko kartzela-zigorra ezarri diote, sexu-eraso delituengatik.
Aurrera doa Tolosako ospitale berriaren esleipena, nahiz eta EH Bilduk murrizketak kritikatu dituen
Alberto Martinez Osasun sailburuak adierazi du prozesua bide onetik doala eta aste honetan bertan espero duela ospitale berria eraikitzeko proiektua esleitzea, lanak 2028an hasi eta 2031n amaitzeko asmoz. Bien bitartean, Rebeka Ubera EH Bilduren legebiltzarkideak gogor kritikatu du dokumentua, eta alternatiba guztiak ondo aztertu diren zalantzan jarri du.
Zubietako espetxearen inaugurazio ofizialak gizarteratzearekiko konpromisoa finkatu du, Martuteneko ereduaren aurrean
Pertsona erdigunean jartzen duen espetxe sistema propioa aldarrikatu du bertan Imanol Pradales lehendakariak, eta ETAk hil zituen espetxe funtzionarioei aitortza egiteko baliatu dute ekitaldia Pradalesek eta Fernando Grande-Marlaska ministroak.
EHUk gogorarazi du gauerdian amaituko dela USaPeko azterketak berrikusteko eskaria egiteko epea
Iritsi da EHUren oharra, Euskarari dagokion azterketan dozenaka ikasleri "0" jarri zien akats informatikoaren ondotik. Unibertsitateak akatsa konpondu zuela adierazi arren, egoerak egonezina sortu du kaltetutako ikasle eta familien artean, eta gaur goizean San Mamesko Ingeniaritza Fakultatearen aurrean elkarretaratzea egin dute.
Etxebizitzaren arazoak handitzen jarraitzen du, eta EAEko herritarren % 60 kezkatzen ditu dagoeneko
Politikaren arloan, herritarren % 25ek nahiago dute Pradales (EAJ) lehendakari izatea; % 11k, berriz, Otxandianoren (EH Bildu) alde egin dute. Hala jasotzen da Eusko Jaurlaritzak egindako azken soziometroaren datuetan.
Pedrosak iragarri du beroari aurre egiteko hainbat neurri ezarriko dituztela lau ikastetxetan, pilotu gisa
Begoña Pedrosa Hezkuntza sailburuak iragarri du ikastetxeak muturreko bero-boladetara egokitzeko plan bat jarriko dutela martxan. Proiektua uda honetan abian jartzea aurreikusten da, Euskal Autonomia Erkidegoko lau ikastetxetan, proba pilotu gisa, familien protestei erantzunez. Izan ere, Bilboko hainbat ikasgelatan 35 graduko tenperaturak erregistratu dira eta ikasle batzuek bero-kolpeak izan dituzte.
Milaka pertsona elkartu dira Amurrion, Araba Euskaraz jaiaz gozatzeko
"Taupadak berpiztu!" lelopean, Aresketa Ikastolak antolatu du musikaz, kulturaz eta adin guztientzako jarduerez beteriko jai jendetsua. Eguzkia eta beroa ere protagonista izan dira Arabako ikastolen festan.
Euskal Herriko lehenengo “Gazta Rolling” lehiaketa antolatu dute Urnietan
Azkorteko ermita alboko maldaren goialdean partehartzaileak kokatu ostean, hasi da ikuskizuna. 30 bat lehiakide abiatu dira gaztaren atzetik, eta Xabik ireki du lehiaketa honetako garaileen zerrenda.