20 eta 18 urteko espetxe-zigorrak ezarri dizkiete San Frantzisko auzoko hilketagatik akusatutako aita-semeei
Epaileak 20 urteko espetxe-zigorra ezarri dio aitari bi hilketengatik, horietako bat hilketa saiakera, eta 18 urte eta sei hilabeteko kartzelaldia semeari, EiTB Mediak jasotako epaiaren arabera. Zinpeko epaimahaiak errudun jo zituen Bilboko San Frantzisko auzoan gizon bat hiltzeagatik akusatutako bi aita-semeak. Aitari hilketa egotzi zioten eta semeari hilketa-saiakera. Gertakariak 2019an jazo ziren. Zabala kalean gizon bat hil zuten tiroz.
Gainera, zigortuek biktimen senideengana hurbiltzeko debekua izango dute 26 urtez, 300 metro baino gutxiagora.
Bi zigortuek hildakoaren alargunari 100.00 euroko kalte-ordaina eman beharko diote, 70.000 eurokoa seme-alaba bakoitzari eta 15.000 eurokoa biktimaren anaiari. Era berean, azken horri 210 euro pagatu beharko dizkiote eragindako zauriengatik.
Bestalde, zigortuek Estatuari 25.816 euro itzuli beharko dizkiote.
Aringarritzat onartu zituzten bi auzipetuek alterazio psikiko arina dutela, baita Poliziarekin kolaboratu zutela eta atxilotzerakoan agenteei aurre egin ez izana ere.
Epaiketa bi astez luzatu zen Bizkaiko Lurralde Auzitegian. Bi akusatu nagusiez gain, familia bereko beste hiru pertsona egon dira auzipetuta, mehatxu delituak eta konplize izatea egotzita.
Horietako bat mehatxuak egiteagatik errudun jo zuten, baina beste bien kasuan ez zuten frogatu akusatuaren konplize izan zirenik. Aurrenekoari egunean zortzi euroko isuna jarri diote hiru hilabetez, eta azken biak absolbitu dituzte.
Aldeek hamar eguneko epea dute helegitea aurkezteko Euskal Autonomia Erkidegoko Auzitegi Nagusiaren aurrean.
Albiste gehiago gizartea
1936an Valcalderan fusilatu zituztenei omenaldia Iruñean eta Cadreitan
Frankistek hildako 51 errepublikano horien senideak eta ordezkari politikoak berriro elkartu dira sarraskiaren 89. urteurrenean omenaldia egiteko. Iruñeko errepublikanismoaren eta sindikalismoaren intelektualak eta buruzagi nabarmenak ziren.
Salamancako boluntario bat hil da eta bost dira jada baso-suteen ondorioz Espainian hildakoak
Antza denez, boluntario gisa parte hartu zuen Ciperez (Salamanca) herrian piztutako sutea itzaltzeko lanetan, eta kea arnasteagatik ospitaleratu eta egun batzuetara hil da. Gaztela eta Leongo Juntak, berriz, oharra kaleratu du heriotza horrek suteekin inolako loturarik ez duela esanez.
Itzulera operazioak auto-ilara luzeak eragin ditu ostiralean mugan
AP-8 autobidean, 11 kilometrorainoko auto-ilarak izan dira ostiral arratsaldean Irunen, Biriatuko mugatik aurrera. Irungo Udaltzaingoak AP-8aren Oinaurreko irteera itxi du, hirigunean kolapsoa saihesteko; izan ere, Frantziarantz doazen ibilgailuek bide alternatibo hori erabiltzen dute askotan ilarak ez harrapatzeko.
PACMAk elkarretaratzea egin du Bilbon tauromakiaren aurka
Dozenaka pertsona bildu dira gaur arratsaldean Bilboko Vista Alegre zezen-plazaren aurrean, Aste Nagusian antolatutako zezenketen aurka. PACMAk "tratu txarrik eta heriotzarik gabeko jai herrikoiak" egitearen aldeko apustua egin du, "kultura eta tradizioa animalien sufrimendurik gabe ospa daitezen".
Erasoen aurkako protokoloaren bigarren fasea aktibatu dute Bilboko Konpartsek
Lapiko jotzea egingo dute txosnetan ostiraletik larunbaterako gauean, eta larunbatean, abuztuak 23, giza kate batean parte hartzeko deia egin dute.
Irungo haztegi batek zaintza zerbitzua eskaintzen du bonsaientzat
Lana, oporrak edo osasun arrazoiak direla eta, gero eta gehiago dira zerbitzu hau erabiltzen dutenak. "Goi-denboraldian, abuztuan batez ere, haztegia ia beteta dugu", adierazi du Javier Lumbreras Irun Bonsaiko arduradunetako batek.
Arrantza-ontzi bat identifikatu dute Donostian legez kanpoko bazterkinak uretara botatzegatik
Guardia Zibilak Laredoko itsasontzi bati egotzi dio Monpaseko uretan 700 kilo boga isurtzea, Eguzki talde ekologistak salaketa jarri ostean.
Pedro Sanchezek Presidenteen Konferentziara eramango du suteen gaia, eta ministerio arteko batzorde bat sortuko du
Eusko Jaurlaritzak dituen egoitzetara bidean dira Gasteizko kaleetan bizi ziren maliarrak
Gasteizko kaleetan bizi ziren 50 maliarretako dozena bat inguru Eusko Jaurlaritzaren egoitzetara eramaten ari dira gaur goizetik. Horrela, aldi baterako irtenbidea eman nahi diete asilo-eskaerak izapidetzeko zain dauden pertsona horiei.
Suteek 600 milioi eurotik gorako kalteak eragin dituzte, Nekazari eta Abeltzain Erakundeen Koordinakundearen arabera
Javier Fatas COAG Nekazari eta Abeltzain Erakundeen Koordinakundeko ordezkariaren arabera, "hondamendi egoera" da Estatuko hainbat tokitan, 350.000 hektarea baino gehiago erre baitira, bereziki mendebaldean. Kaltetutako eremuen artean, laborantza, abeltzaintza edo baso aprobetxamendurako lurrak daudela azpimarratu du.