Elurragatik abisu horia ezarri dute EAEn eta alerta laranja Nafarroan ostiralerako: 400 metrora egingo du
Udaberria hasi berritan, negu giroko eguraldia izango dugu jaun eta jabe datozen egunetan. Elurra egingo du kota baxuetan: ostegunean 600 metro inguruan kokatuko da maila, eta ostiralean 400 metrora, une jakin batzuetan 200era jaitsi daitekeela ohartarazi badute ere. Hala, Euskamet Euskal Meteorologia Agentziak ostiralera arte luzatu du elurragatik ezarritako abisu horia. Bestalde, Aemet Espainiako Meteorologia Agentziak alerta laranja aktibatuko du Nafarroako erdialdean eta isurialde atlantikoan.
Abisua ostegunean, 20:00etan, aktibatuko dute Arabako, Bizkaiko eta Gipuzkoako barnealdean eta Pirinioetan. Elur kota 600-800 metrora egongo da gauean. Ostiralean are gehiago jaitsiko da, eta 200-400 metrora kokatuko da, eta egunaren erdiko orduetan 400-600 metro inguruan.
Euskalmeten iragarpenaren arabera, ostegunean, elur maila 1000-1200 metro inguruan egongo da; gauean jaitsi egingo da azken orduetan 600-800 metrora kokatu arte. Zaparrada txiki-ertainak botako ditu, sarriago isurialde atlantikoan, non zenbait lekutan prezipitazioa ugaria izango den. Ipar partean baliteke trumoi ekaitzak jotzea eta txingorra egitea, bereziki egunaren bigarren partean.
Arabako erdialdea, Gipuzkoako barnealdea, Ebro ondoko eskualdea, Bizkaiko barnealdea egongo dira abisupean, eta 0-5 zentimetroko elur geruza pila daiteke 1.000 metrora, baina hortik behera ez da metatuko.
Ostiralerako, zaparrada txiki-ertainak espero ditu Euskalmetek, sarriago botako ditu eta prezipitazioa ugariagoa izango da isurialde atlantikoan. Trumoi ekaitzak jo eta txingorra egin dezake, bereziki isurialde atlantikoan. Aurreikusitako lodierak honakoak dira: 10-30 cm 1.000 metrora; 5-15 cm, 600 metrora, eta 0-3 cm, 200 metrora. Hala, Gasteiz (525 metrora dago), zurituta ikus genezake.
Aemetek alerta laranja ezarriko du ostiralean Nafarroako Kantauri isurialdean eta erdialdean; Pirinioetan abisu horia izango da indarrean (10 zentimetroko lodierak pilatuko dira 900 metrora). Nafarroa erdialdean bi zentimetroko elur geruza meta daiteke 500 metrora; horrenbestez, baliteke Iruñea (450 metro) elurtuta egotea. Nafarroako Kantauri isurialdean lau zentimetroko lodierak aurreikusi dituzte 400-600 metrora.
Zure interesekoa izan daiteke
Mafiek Ceutako migratzaileekin trafikatzen dutela ohartarazi du Polizia Nazionalak
Angel Victor Torres Lurralde Politikako eta Memoria Demokratikoko ministroak koordinatuko du Espainiako Gobernuaren barruan Ceutako krisiak eragindako egoera.
Palestinarekin Elkartasuna elkarteak gogorarazi du Palestinako erasoek "ez dutela etenik" eta beste mobilizazio bat deitu du urrirako
Palestinarekin Elkartasuna plataformak deituta, manifestazioa egin dute ostiral honetan Bilbon, Palestinari elkartasuna adierazteko. Manifestariek salatu dutenez, su-etena hasi zenetik palestinarren aurkako sarraskia ez eteteaz gain, Israelgo Gobernuak Libanora eta Iranera zabaldu ditu erasoak. Urriaren 3an beste manifestazio bat egingo dute, Bilbon.
Lezoarrak kezkatuta daude Pasaiako portuko isuriekin eta neurriak eskatu dituzte
Azken sutearen ondorioz, leihoak ixteko deia egin diete agintariek. Horrelakoak eguneroko kontua direla salatzen dute eta elkarretaratzea egin dute udaletxe aurrean. Portuan lan egiten duten enpresek euren osasunaren kontura ateratzen dituztela etekinak diote eta agintariei neurriak hartzeko eskatu diete.
Riglosko sute handia kontrolpean dute, eta ebakuatuak etxera itzuli dira
Aragoiko Gobernuak babes zibileko gutxieneko mailara jaitsi du alerta azken ebakuatuak beren etxeetara itzuli ondoren, nahiz eta operatiboak lanean jarraitzen duen 14.500 hektareako perimetroa finkatzeko.
Sagardogileek sagar-bilketa aurreratu dute lehortearen ondorioz, eta aurtengo uzta % 30-35 txikiagoa izango dela aurreikusi dute
Uda lehorraren ondorioz, ekoizle batzuek uzta aurreratu dute, eta beste batzuek datozen egunetan ekingo diote bilketari. Kanpainaren emaitza irailean aurkeztuko dute Villabonako sagasti esperimentalean.
Aurtengo Aste Nagusia azkena izango da Juan Mari Aburtorentzat Bilboko alkate bezala
12 urtez alkate izateak ematen duen perspektibarekin, Aste Nagusiak izan duen bilakaeran herritarren parte-hartzea nabarmendu du. Oraindik bada zer hobetu eta kontuan hartzeko moduko kezkak eta erronkak. Horren harian, konpartsekin gorabeherak izan arren, gaur egun harremana errespetuzkoa dela esan du. Jaia lehertzeko egun bakarra falta denean, alkateak ere urduri eta emozio handiz bizi ditu ordu hauek.
Txosnak "gune seguruak" izango dira Aste Nagusian erasoak jasaten dituztenentzat
Bilboko Konpartsek egunero txandak antolatuko dituzte erasoa jasan duten pertsonei arreta emateko, leku seguru batera laguntzeko eta, hala eskatuz gero, beste eragile batzuekin harremanetan jartzeko.
Ertzaintzak kontrolak egingo ditu Aste Nagusian, armak eta objektu arriskutsuak dituzten pertsonak sar ez daitezen
Operatibo berezi horren barruan, bideozaintza ezarriko da eraso sexistak prebenitzeko, patinete elektrikoen erabilera kontrolatuko da eta garbiketa-dispositibo bat zabalduko da.
Herritarrak konfinatu dituzte hainbat orduz Pasaiako portuan piztutako sute baten ondorioz sortutako keagatik
Sua gaur goizean piztu da Pasaiako portuko desegite-gune batean, eta, batez ere, autoak eta bateriak erre dira. Ke-laino handiaren ondorioz, larrialdi zerbitzuek ES-Alert bat aktibatu eta konfinamendua eskatu dute, batez ere Lezoko herritarrei. Airearen kalitatea normala zela egiaztatu ondoren kendu dute abisua.
Euria Urzainkiko sutea itzaltzen laguntzen ari da, baina ibilgailuen sarbidea zailtzen du
Baso-pistak ezin dira ibili, lurraren ezegonkortasuna areagotu eta elementuak erortzeko aukera baitago. Horrek arriskua areagotu du, eta bigarren mailako sute-guneak sortzeko probabilitatea handitu du.