Felix Zubia: "Txinako egoerak adierazten digu munduan zehar hor dagoela gaitza"
Aste honetan jakin dugunez, apirilaren 20tik aurrera ez da derrigorrezkoa izango eremu itxietan musukoa erabiltzea, Hego Euskal Herrian. Pandemiaren amaierak hurbilago dirudien garai honetan, badira zantzuak, Txinako egoera eta aldaera berriak tartean, bestela pentsarazten digutenak. Felix Zubia Donostia Ospitaleko zerbitzuburuak koronabirusaren inguruko azken albisteen interpretazioa egin du Euskadi Irratiko Osasun Etxea saioan.
Zubiak gogora ekarri du Txinatik abiatu zela pandemiaren hedapena, bertan sekuentziatu zutela eta 'covid 0' estrategia hartu zutela lehen unetik. Orain, agerraldi berri honen aurrean, neurri zorrotzak ezarri dituzte eta hori, medikuaren hitzetan, txertaketa tasa baxuaren adierazle izan daiteke. Txinako egoerak "adierazten digu munduan zehar hor dagoela gaitza, eta milioika pertsona daudela txertatu gabe". Gaineratu du herrialde pobreenetan gertatzen dela hori batez ere; Asia Hegoaldean edo Afrikan (% 10 inguruko txertaketa tasarekin), batik bat.
Txinaren kasuan, "hasieratik ezagutu zuen pandemia eta erabaki zuen halakorik ez zela izango". Hasieratik aplikatutako neurri zorrotzak, beraz, ostera iritsi dira. Zeelanda Berrian ere antzeko neurriak hartu dituzte, baina txertaketa datuak bestelakoak direla nabaritu da. "Gurean, berriz, txertaketa handia da, askok pasatu dute gaitza eta immunitate handia dago".
Olatu berriak bareago datoz
Erresuma batuan antzemandako XE aldaera berria ere izan du hizpide. Zubiak azaldu duenez, Omikronen azpi aldaera da, inkubazio tarte laburragoa dauka eta hori litzateke orain arteko kutsakorrena, MOEren arabera. Hotzeriaren antzeko sintomak eragiten ditu, "bestelako arriskurik gabe, eta forma larrienetik txertoek babesten dute".
Aldaera berriek txertoen babesa gal dezaketela aitortu arren, Donostia Ospitaleko ZIUko buruak nabarmendu du "baikorra" dela olatu berrien aurrean, eta datozenak ez direla larriagoak izango. Izan ere, "orain arte ez da horrelakorik gertatu medikuntzaren historian ezagutzen diren izurriteetan".
Musukoa, txertoak eta prebentzioa
Koronabirusaren aurkako txertoaren laugarren dosiari dagokionez, immunitate arazoak dituzten pertsonak eta adinekoak ekarri ditu, beste behin, mahaigainera. Dioenez, "hirugarren dosiaz ere aipatu genuen" talde zaurgarri horientzat zela gomendagarria. Laugarrenaren kasuan, berriz, ñabartu du immunitate arazoak dituztenen kasuetan gomendatzen dela, baina betiere "antigorputz maila neurtu ostean". Adinekoekin zer egin da gakoa, immunitateak gutxiago irauten baitu horien kasuan. "Ikusi beharko da musukoa kenduta benetako arriskua zein den".
Musukoaren ildotik, Espainiako Gobernuak eta autonomia erkidegoek adostutako neurriaz aritu da Zubia. Aurreko mintzaldietan ere aipatu izan duenez, "pixkanaka joango nintzateke, haurrekin egiten joan eta, ondoren, neurtu".
Edonola ere, "erabakia hartuta dago" eta orain "neurriak mantentzea komeni da", adinekoengatik eta immunitate arazoak dituztenengatik bereziki. Gogorarazi du aurreko astean 22 hildako izan zirela; talde zaurgarrietako pertsonak. Horien onerako, "musukoa eramatea, aireztapena zaintzea eta, sintomarik badugu, ez hurbiltzea" gomendatu du.
"Lantokietan ikusi beharko da" nola jokatu, esan du Zubiak, pandemia ez baita "osasun kontua bakarrik". Nolanahi ere, gomendioari eutsi dio, zaurgarrienen alde: "babestu ditzagun".
Zure interesekoa izan daiteke
Aguazila, desagertzear den lanbidea, ezinbestekoa da oraindik ere herri txikietan
Udal langileak dira aguazilak, orotariko eginkizunak dituzte, eta kalean ordu asko ematen dituztenez, herritar guztiek ezagutzen dituzte. Herri batzuetan, ordea, lan zaila ere egin behar izaten dute, isunak jartzeko eskumena ere baitute.
Emakume bat atxilotu dute Zierbenan, errentariari 24.000 euro baino gehiagoko iruzurra egitea egotzita
Maizterraren txartelarekin dirua ateratzea eta erosketak egitea leporatu diote atxilotuari. Biktimak ez zion horretarako baimenik eman, eta konturatu ere ez zen egin.
Venezuelan preso egon den Andres Martinezen aitak azken hilabeteetan gertatutakoa azaldu du
Andres Martinez bilbotar gaztea ondo eta pozik dago, lehen gaua etxean igaro ondoren. Jose Maria Basoa lagunarekin batera atxilotu zuten Venezuelan, Orinoko ibaia zeharkatu ostean, eta elkarrekin egon dira askatu arte.
Zazpi lagun zauritu dira Bilboko Atxuri auzoko eraikin batean, patinete elektriko bati bateria lehertu ondoren piztutako sutean
George Steer kaleko 6. zenbakian hasi dira garrak, beheko solairuan. Suhiltzaileak eta Ertzaintza bertaratu dira, eta hiru bloke jendez hustu behar izan dituzte. Zaurituetako lau ospitalera eraman behar izan dituzte, eta beste hiru lekuan bertan artatu dituzte.
Logroñon hilda agertu diren 13 eta 20 urteko bi gazteren kasua ikertzen ari da Polizia
Gorpuak Errioxako hiriburuko kale batean aurkitu dituzte, baina gorpuetan ez dute indarkeria zantzurik atzeman.
Etxean daude jada Venezuelan preso egon diren bi euskal herritarrak
Eguerdian heldu dira Barajas aireportura, eta errepidez egin dute Madril eta Bilbo arteko bidea. Iluntzean iritsi dira etxera, 18:00ak jota zirenean.
Erriberrin desagertutako gizonaren gorpua topatu dute
Adinekoaren bila ibili dira sei egunez, eta ostiral honetan aurkitu dute haren gorpua, Erriberri eta Beire arteko landa-bide batean.
Euskal Sagardoa izendapeneko sagardotegiek 3,1 milioi litro ekoitzi dituzte aurtengo kanpainan
Euskal Sagardoa jatorri-deiturari atxikitako 46 sagardotegiek 3,1 milioi litro edari ekoitzi dituzte kanpaina berrirako. Horretarako, bertako fruta-arboletako 4,4 milioi kilo sagar erabili dituzte.
Gidari bat hil da N-121-B errepidean, Arizkun parean, istripu batean
53. kilometroan jazo da istripua, Baztan parean, eta medikuak, suhiltzaileak, anbulantziak eta Foruzaingoaren patruilak bertaratu dira.
Dermatosi nodularraren aurkako 42.500 abelburu txertatzea aurreikusi du Gipuzkoak
Gipuzkoak 42.500 behi-abelburu txertatuko ditu dermatosi nodularraren aurka, ostiral honetan lurraldean hasi den nahitaezko txertaketa-kanpainan. Kanpaina hori gutxi gorabehera bi hilabeteko epean osatuko da, 1.900 abeltzaintza-ustiategitan.