Arriskuen prebentzioko arduradunek erabakiko dute lanpostuetan maskara erabili ala ez
Carolina Darias Osasun ministroak adierazi duenez, maskara ez da derrigorrezkoa izango lanpostuetan, baina azken hitza enpresetako prebentzio-arduradunek izango dutela jakinarazi du.
Bihartik aurrera jada ez da nahitaezkoa izango barrualdean musukoa jartzea, Espainiako Gobernuak bertan behera utzi baitu toki itxietan maskara erabiltzeko derrigortasuna, hainbat lekutan salbu: osasun zentro eta zerbitzuetan (ospitaleetan, anbulatorioetan, odola emateko zentroetan edota farmazietan), adinekoen egoitzetan eta garraio publikoan (hegazkinetan, trenetan —nasetan ez da derrigorrezko izango—, autobusetan, tranbietan eta itsasontzietan 1,5 metroko distantzia ez badago).
Ikastetxeetan ere musukorik gabe ibili ahal izango da aurrerantzean, eta, lan eremuan ere, oro har, ez da behartuko horren erabilera. Hala ere, ministroak zehaztu du enpresetako lan-arriskuen prebentzioko arduradunek "lanpostuaren arriskuaren azterketaren arabera" adostu ahal izango dutela musukoa jantzi edo ez.
Hego Euskal Herriko enpresa haundietan oro har, momentuz, eutsi egingo diote musukoaren barneko erabilerari. Zuhurtziaz jokatu nahi dute gehientsuenetan, eta beraz, dekretua ondo irakurri arte ez diete langileei argibiderik emango.
Hori da Iruñeko Volkswagenen kasua, Gasteizko Michelinena baita Fagor Arrasaterena ere, besteak beste. Enpresa txikietan, berriz, nahasmena da nagusi. Langile askok oraindik ez dakite bihar lanera musukoa jarrita sartu beharko duten edo ez.
Rafael Bengoa Osasun Publikoko adituak gaur goizean Euskadi Irratiko "Boulevard" saioan egindako elkarrizketa batean azpimarratu duenez, lantokian "aireztapen txikia badago, hobe da maskara eramaten jarraitzea", eta pertsona ahulei, tratamenduan daudenei, immunodeprimituei eta adinekoei maskara erabiltzen jarraitzea gomendatu die.
Zure interesekoa izan daiteke
Eneko Arrastua Panticosan hildako mendizalearen hileta egin dute Irunen
Astelehenean hil zen 48 urteko irundarra, Panticosan, elur-jausi batek harrapatuta. Familia, lagun eta herritar andana bildu da Irungo elizan, Arrastuari azken agurra emateko.
Erriberrin desagertutako gizonaren bila jarraitzen dute, hirugarren egunez
Asteazken arratsaldean paseatzera irten zen 68 urteko gizona eta ez zen bere bizitokira itzuli. Oliteko San Silvestre lasterketan ikusi zuten azken aldiz.
Gaur egingo da Irunen Eneko Arrastuaren aldeko hileta-elizkizuna
48 urteko mendizalea joan den astelehenean hil zen Panticosan, elur-jausi batek harrapatuta.
Donostiako alkateak uste du Topoaren erdiguneko zatia uda bukaeran egongo dela prest
Jon Insausti Gipuzkoako hiriburuko alkateak esan duenez, Donostiako Topoaren obrarik handienak bukatuta daude, eta 2026ko uda bukaeran martxan jarri ahal izatea aurreikusten du.
Altsasuko alkateak salatu du pertsona talde bat udal eraikin batean indarrez sartzen saiatu zela
Gertakariak urtarrilaren 1eko goizaldean jazo ziren. Udaltzaingoak erasoa saihestu zuen, baina agenteak "larderia eta irain larrien" biktima izan ziren, alkatearen arabera.
Gaueko guardiako zerbitzua eskaintzen duen bigarren farmazia ireki dute Gasteizen
Eusko Jaurlaritzak hartu du erabakia, Gasteizko iazko errolda kontuan hartuta; izan ere, 250.000 biztanleko kopurua gainditu du hiriak. Larrialdiren bat izanez gero, beraz, aurrerantzean errazagoa izango da botikak eskuratzea.
Derrigorrezkoa al da eta funtzionatzen al du V16 balizak atzerrian?
Espainian matrikulatutako ibilgailuek V16 baliza erabil dezakete beste herrialde batzuetan, 1968ko Bide Zirkulazioari buruzko Vienako Konbentzioak ezartzen baitu nazioarteko zirkulazioan dauden ibilgailuek matrikulatuta dauden herrialdeko araudia bete behar dutela. Hala ere, kontuan izan behar da konektibitateak Estatu espainiarrean bakarrik funtzionazen duela eta matxura edo istripuren bat izanez gero, tokiko larrialdi-zerbitzuei deitu beharko zaiela.
225 eskaera baino gehiago jaso dituzte lehen egunean, guraso bakarreko familien ziurtagiri ofiziala lortzeko
Guraso bakarreko 21.000 familia inguru bizi dira Euskadin, horietatik % 80 emakumeak.
Gizon bat atxilotu dute Gasteizen, emakume bat jotzea leporatuta
Agenteek ostegun goizean jaso zuten abisua. Etxean emakumea aurkitu zuten, kolpatu izanaren zantzuekin, eta 48 urteko gizona, eskuak odoletan zituela. Atxilotu egin zuten, lesio-delitu bat egotzita.
Burguera anaiak Legazpiko elizako mantentze-lanez arduratzen dira eta herriko ondare historikoa babesten dute
Paco, Ricardo eta Juan Mari, Legazpiko parrokiaren mantentze-lanetaz arduratzen dira, borondatez. Duela 7 urte hasi ziren jarduera honekin eta ez dute erlijioagatik egiten, herriaren ondarea babesteko eta berreskuratzeko baizik. Egindako lanen artean kuttunena, organoaren funtzionamendua agerian uzten duen erakusleihoa.