Hizkuntza-eskubideen aldeko aldarria ozen entzun da Iruñean
PAIko irakasleak egonkortu eta ingelesezko irakaskuntza-ereduan aurrera egiteko asmoz, PSNk eta Navarra Sumak hitzartutako akordioa salatu eta herritar ororen hizkuntza-eskubideak defendatzeko manifestazioa egin du Iruñean gaur Euskalgintzaren Kontseiluak, "Herritarrak ez gutxietsi, eskubideak guztiontzat!", goiburupean.
Martxa hasi aurretik, Kontseiluko idazkari nagusi Paul Bilbaok adierazi du gaurkoa ez dela euskararen aldeko mobilizazioa, baizik eta "eskubideen eta berdintasunaren" aldekoa.
2.000 pertsona baino gehiago batu dituen manifestazioak Iruñeako erdiguneko kale nagusiak zeharkatu ditu, Gazteluko plazara heldu arte. Bertan, Baztango, Iruñerriko eta Erriberako auzokide banak hartu du hitza, eta foru-lege proposamen berriak euren bizitzan zelan eragingo dien azaldu dute.
Ondoren, Bilbaok azpimarratu du jokoan dagoela herritarren arteko berdintasuna, justizia soziala eta kohesioa, "Nafarroako Gobernuak egindako proposamena horren kontra doalako".
Era berean, PAI programa bera gaitzetsi du, euskarazko irakaskuntzan "gero eta traba gehiago" jartzen ari direlako eta, ondorioz, milaka ikaslek euskarazko jakintza minimoa izatea galarazten ari direlako: "ingeleseko ereduak euskarazkoen aurretik jartzen ari dira". Ildo horretan, euskaldunen "diskriminazioa" gainditzeko asmoz, D ereduzko gelak Nafarroa osoan zabal daitezela eskatu du.
Alderdi politikoei zuzenduta, gutxieneko eskubide linguistiko batzuk defini ditzatela eskatu du Bilbaok, "eta ez dadila ezer erabaki gutxieneko horien azpitik". Halakorik izan ezean, Kontseiluko idazkari nagusiak azpimarratu du kalera irtengo direla beharrezkoa den guztietan, eta, gainera, euskal hiztun gehiago sortzeko lanean jarraituko dutela iragarri du, "herri honetan euskaraz bizitzeko erreminta eta eremuak sortuz".
Azkenik, zonifikazio "bidegabearen" kontrako eta euskara Nafarroa osoan ofiziala izateko lege baten alde lanean jarraitu dutela azpimarratu du Kontseiluko idazkari nagusiak. Halaber, dei egin du Gazte Euskaltzaleen Sareak maiatzaren 21ean deitutako Euskara Aurrera manifestazioan parte hartzeko.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.