Azken orduko ika-mikak Espainiako Gobernuan, abortuaren erreforma onartzeko
Berdintasun Ministerioak abortuaren legea datorren asteartean Ministroen Kontseilura eramateko asmoa du, baina erreforman zeresana duten ministerio batzuei ezustean harrapatu die, eta oraindik arauaren alde garrantzitsuak negoziatzen ari dira.
Besteak beste, hileko mingarri batengatik baja hartzeko aukera aurreikusten du Berdintasun eta Osasun ministerioek adostutako aurreproiektuak, baina Jose Luis Escriva Inklusio eta Gizarte Segurantza ministroak koalizio Gobernu barruan "eztabaidan" dagoen neurria dela uste du.
"Legeak bi osagai bateratu behar dituela da gure jarrera: emakumeen babesa hobetu, eta era berean, lan-merkatuan baldintza hobeagoetan parte-hartzea bultzatu", adierazi du kazetarien aurrean.
Yolanda Diaz bigarren presidenteorde eta Lan ministroa neurriarekin "guztiz ados" agertu da, "genero lan politika" egin behar delako. Era berean, Unai Sordo eta Pepe Alvarez CCOO eta UGT sindikatuetako idazkari nagusiek, hurrenez hurren, positiboa dela uste dute, baina gaia elkarrizketa sozialeko mahaian eztabaidatzea eskatu dute.
Espainiako Exekutiboak "emakumeak estigmatizatuko dituen neurririk hartuko" ez duela argi utzi nahi izan du Nadia Calviño lehen presidenteorde eta Ekonomia ministroak.
Diazek Calviñori erantzun dionez, hileko mingarriengatik laneko baja bat onartzeak ez ditu emakumeak "estigmatizatzen", gizonak eta emakumeak "desberdinak" direla ulertzeko "sentsibilitate nahikoa ez izateak" baizik.
Bestalde, emakumeek 36. astetik erditzera baimena izateko aukera eta abortu kasuetan bajak, mahai gainean ditu Escrivaren Ministerioak.
Konpresa, tanpoi eta pixoihalei BEZa kentzeko ideia ere zalantzan dago. PSOEren eta Podemosen arteko koalizio akordioak zerga % 4an uztea aurreikusten zuen. Ogasun Ministerioak ez du orain arte txintik esan. Kalkuluen arabera, BEZa kentzeko proposamenak 30 milioi euroko kostua izango luke Estatuarentzat.
Azkenik, Justizia Ministerioak beste proposamen batzuk aztertu ditu, haurdunaldi subrogatuaren aurka borroka egiteko neurriak, esaterako. Espainian debekaturik dago, baina beste herrialde batzuetan legezkoa da.
Atzerrian alokairuko sabelak erabiltzen dituzten pertsonak judizialki jazartzea planteatu zuen Berdintasun Ministerioak zirriborroan, baita bitarteko moduan ari diren agentzien iragarkiak debekatzea ere.
Zure interesekoa izan daiteke
Emakume bat hil da Tuteran, auto istripu batean
Ezbeharra NA-134 errepidean gertatu da, gaur arratsaldean. Hildako emakumeak gidatzen zuen autoak kamioi bat jo du aurrez aurre.
Osakidetzak gezurtatu egin du igandeko erizaintzako proba beroagatik bertan behera geratu dela
Osasun Sailak zehaztu du proba aurreikusita zegoen bezala egingo dutela, eta gogorarazi du Osakidetzak bere kanal ofizialen bidez ematen duela balizko aldaketen berri.
Iganderako aurreikusitako hainbat ekitaldi bertan behera utzi dituzte, bero handia dela eta
Bilbon, hiribilduaren sorreraren 726. urteurrenaren desfile ofiziala ez dute egingo. Bestalde, Gogorak bertan behera utzi du Artxandan egin behar zuen gudari eta milizianoen omenaldia. Sopelan, Kosta Trail mendi lasterketa bertan behera geratu da, eta Barakaldon hainbat ekitaldi moldatu dituzte.
Osakidetza kontaktuak bilatzen ari da Trapagarango klub batean tuberkulosi kasu bat antzeman ondoren
Euskal Osasun Zerbitzua proba diagnostikoak zabaltzea eta establezimenduko langileak banan-banan deitzea aztertzen ari da, miaketa osatzeko eta kutsatze berriak baztertzeko.
Basauriko banketxe batean lapurreta egin zuen gizonaren bila ari da Ertzaintza
Lapurreta ostegunean gertatu zen, 14:45 aldera, eta gizonak dirua hartu eta ihes egitea lortu zuen. Ertzaintzak ikerketa abiatu du, eta oraingoz ez du lapurretaren inguruko datu gehiagorik zabaldu.
Landa eremuetako mugikortasuna aztertuta, EAEko herriguneetako 3 kotxeko 2 daude hiriguneetan
Saretzen txostenean aztertu dituzten Trafiko Zuzendaritza Nagusiaren azken erregistro ofizialen arabera, Hego Euskal Herriko landa eremuetan metropolietan baino % 55 auto gehiago daude biztanleko, eta toki batzuetan bizilagunak baino gehiago dira kotxeak.
Gero eta emakume gidari gehiago dago Hego Euskal Herrian: gizonena halako bi baino gehiago hazi da kopurua azken hamarkadan
2014tik 2024ra, gidabaimena duten emakumeen kopurua % 14raino igo da Nafarroan, gizonen % 6,6ren aurretik; EAEn, aldea hirukoiztu ere egin da ia. Genero-arrakala estutzen ari da horretan, nahiz eta oraindik gizonak gehiago diren errepideetan.
Saretzen txostenaren bitxikeriak: bizilagun baino auto gehiago dituzten herriak eta emakumezko gidaririk gabeko udalerriak
Hegoaldeko mugikortasunaren berezitasunak azaleratu ditu Saretzen txostenak, besteak beste, Bizkaia motorren kopuruaren hazkundean nagusi dela, eta Nafarroak Hegoaldeko autorik zaharrenak dituela.
Genero-arrakala, Euskadiko mugikortasunean: Gizonezkoen joan-etorrien % 46k autoa erabiltzen dute eta emakumezkoen % 50 oinez
Eguneroko joan-etorrien % 40 autoz egiten dira. 19 urtetik beherakoak mugikortasun jasangarriaren buru dira, haiek baitira bizikleta eta garraio publikoa gehien erabiltzen dituztenak.
Autoa, Hegoaldean: gero eta zaharragoa, dieselak nagusi jarraitzen du eta elektrikoen presentzia oso txikia da
Euskadiko eta Nafarroako turismoen batez besteko adinak bi urte baino gehiago egin du gora (ibilgailuek 12 urte dituzte, batez beste). Errekuntzakoak (diesela eta gasolina) nagusitzen dira, eta ibilgailu elektrikoen kopurua oso txikia da (% 2tik beherakoa).