Behin-behineko zazpi iturri jarriko dituzte Bilbon tenperatura altuei aurre egiteko
Iragarri eta iragarri ari dira egunotan bero handia egingo duela Hego Euskal Herriko barnealdean, baita Bilbon ere. Bero-bolada hori eramangarriagoa izan dadin, Bilboko Udalak behin-behineko zazpi iturri jarriko ditu gaur arratsaldetik aurrera hirian mugimendu handieneko eremuetan.
Ondorengo lekuetan jarriko dira: Agirre Lehendakaria, 162; Blas de Otero, 36; Kale Nagusia, 63; Kale Nagusia, 25; Areilza Doktorea, 32. zenbakiaren aurrean; Etxaniz suhiltzailearen plaza, 4, eta San Jose plaza.
Hala, behin-behineko iturri horiek indartu egingo dute hiribilduak duen 419 iturri publikoko sarea. Udalak adierazi duenez, beharrezkoa balitz, iturri gehiago jarriko lirateke hirian zehar.
Datozen eguneratarako tenperatura altuengatiko alerta horia iragarri ondotik, Udalak herritarrei, baina batik bat haurrei, adinekoei edo osasun-arazoak dituztenei, hainbat gomendio luzatu dizkie, tartean eguzkipean ez ibiltzea, likido gehiago edatea eta tenperatura altueneko orduetan kirolik edo esfortzurik ez egitea.
Albiste gehiago gizartea
EHUk irudi berria aurkeztu du Chillida-Lekun
Chillidak bere garaian egin zuen "kontzeptu unibertsala"ri eutsi dio EHUk, baina marka sinplifikatu du "argiagoa eta gogoratzeko errazagoa egiteko, eta komunikazio inguru berrietara egokitzeko". Horrez gainera, EHUren ereserkia izango den abestia ere aurkeztu dute. Luca Fanelli eta Jone Uria irakasleek egin dute eta Leire Berasaluzek abestu du.
Min kronikoa duten pertsonen kopurua igo egin da Euskadin, eta, horrekin batera, opioideen erabilera
Euskadin, 370.000 pertsonak pairatzen dute egunero min kronikoa, eta opioideen erabilera bikoiztu egin da sei urtean. Gorakada horrek alarma guztiak piztu ditu, eta botika horien abusua osasun publikoko arazo bihurtzen ari da. Adituek ohartarazi dute premiazkoa dela paradigma aldatzea min iraunkorra mendekotasunean erori gabe tratatzeko.
Osakidetzak 67 lagun artatu ditu azken 10 egunetan, tenperatura altuen ondorioz
Osasun Sailak jakitera eman duenez, 55 pertsona horietatik 37 ospitaleetara nahiz osasun zentroetara eraman behar izan dituzte. Gipuzkoan jazo dira kasu gehienak (40), eta ekainaren 24, 28 eta 29an izan dira beroarekin lotutako intzidentzia kasu kopururik handienak.
Bidaiari bat atxilotu dute Loiun, kontrabandoagatik
Atxilotuak 2.550 tabako-pakete zeramatzan fakturatutako ekipajean.
Uztailaren 7an zezenketen aurkako kalejiran parte hartzeko gonbita egin die Iruñea Antitaurina taldeak herritarrei
Txupinazo egunean Udaletxe Plazatik abiatuko den kalejiraren aurkezpena egin du elkarteak astelehen honetan, Iruñean. "Animaliei tratu txarrak ematea" festaren parte izatearen kontra agertu da taldea, eta "herritar gehienak zezenketen aurka" daudela gaineratu du.
Pablo Ibarren senideak "itxaropentsu, baina zuhur", agertu baita Floridako krimenak nork egin zituen dakien lekukoa
Pablo Ibarren senideak "itxaropentsu, baina zuhur" daude, Floridako krimenen benetako egileak ezagutzen dituen lekuko bat agertu berritan.
Alarde zatitua beste urte batez Irunen, San Martzial egunarekin batera
7:40an atera da Alarde Tradizionala, eta 10:20ean hasi du ibilbidea Parekideak.
Gizon bat hil da Donostian, istripuz, patinetean zebilela
55 urteko gizaseme bat hil da Altza auzoan, istripuz. Familiak salatu duenez, patinetearen kontrola galdu zuen txarto zegoen estolda batetik pasatzean, eta ingurua konpontzeko eskatu diote Udalari.
Beroak ez du etenik Euskal Herrian
Asteburuko bero-boladak jarraipena izango du astean zehar, eta 30 ºC-tik gorako tenperaturak neurtuko dira berriro hiriburuetan.
Garbitzaile bat hil da bero-bolada betean, Bartzelonan
Bartzelonako Udalak baieztatu egin du gertakaria, baina oraindik ezin da ziurtatu beroak eragin izana heriotza.