Hemen da udako lehen beroaldia
Eguzkia eta beroa izango dira aste honetako protagonistak; izan ere, iragarpenaren arabera, Euskal Herriko txoko askotan 35 graduak gaindituko dira datozen egunotan, eta, zenbait tokitan, gainera, 40 graduren bueltan ibiliko dira termometroak. Alerta laranja ezarri dute biharko Nafarroa hegoaldean eta, asteazkenerako, ia Araba osoan.
Gaur, dagoeneko, hasi gara beroaldiaren zantzuak nabaritzen, goiza ohi baino epelago hasi baita zenbait tokitan. Euskalmetek abisu horia ezarri du gaurko, astelehena, 14:00etatik 20:00etara Arabako lautadan eta hegoaldean; izan ere, inguru horretan, 35 gradutik gorako tenperaturak izango dituzte.
Halaber, Euskal Meteorologiaren Agentziak zehaztu du barnealdean ere bero egingo duela eta 30 graduak gaindituko direla. Kostaldean, baina, tenperatura freskoagoak izango dira, 27 gradu ingurukoak. Nafarroa hegoaldean ere bero egingo du gaur eta 35 graduak gaindituko dira. Ondorioz, abisu horia ezarri du gaurko Aemetek.
Asteak aurrera egin hala bero handiagoa egingo du, eta, astearterako, tenperaturak bizpahiru gradu igotzea espero da. Abisu horia indarrean egongo da Araba ia osoan, bero handia izango baita. EAEko barnealdean 35 gradutara iritsiko da termometroa. Nafarroa hegoaldean, aldiz, alerta laranja ezarri dute biharko, 40 graduak gaindituko direlako.
Asteazkenerako, bero handia espero da, batez ere Araban. Gauzak horrela, alerta laranja ezarri du Euskalmetek 13:00etatik 21:00ak arte, 40 graduen bueltan ibiliko baitira. Nafarroan ere bero handia egingo du, eta alerta laranja izango da indarrean Nafarroa erdialdean, ia 40 gradutara helduko baitira termometroak. Barnealdean ere abisu horia ezarriko dute, iragarpenak baitio litekeena dela 35 graduak gainditzea. Kostan, baina, tenperatura ez da 30 gradutara iritsiko.
Bero egingo duenez, sute arrisku handia dagoela iragarri dute, bai Euskalmetek, bai Aemetek, eta abisu horia ezartzeaz gain, tentuz ibiltzeko dei egin dute.
Albiste gehiago gizartea
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.
Euskadin ematen diren 10 gorroto-delitutik sei arrazistak edo xenofoboak dira
2024ko Gorroto Istiluen azken Txostenak egiaztatzen du kasuen kopuruak behera egin duela oro har, baina baieztatzen du arrazakeriak eta xenofobiak eragindako erasoak oraindik ere argi eta garbi nagusitzen direla gorrotoaren mapan Euskadin.
Andre Maria Zuriaren jaiek badute kartela
2025eko Andre Maria Zuriaren Jaiak Arabako hiriburuan ospatuko dira, abuztuaren 4tik 9ra.
Abisu horia ezarri dute Euskadin ostiralera arte, tenperaturak 35 gradura iritsiko baitira
Tenperaturak oso altuak izango dira, 27 eta 35 gradu artekoak, gunearen arabera.
Bilbo eta Arrigorriaga arteko RENFEren zerbitzua berrezarri dute, Alvia batek matxura izan ostean
Ezbeharra 07:20 aldera jazo da, Bilbotik ateratzen ari zen Alvia bat Ollarganen geldirik geratu denean, eta ezin izan du zirkulatzen jarraitu.