NBEko Local 2030 Koalizioaren Idazkaritzaren egoitza Bilbon kokatzeko hautagaitza aurkeztu dute
Nazio Batuen Erakundeko High Level Political Forumean, New Yorken, Local 2030 Koalizioaren Idazkaritza Bilbon kokatzea defendatu du Eusko Jaurlaritzak astelehen honetan.
Hautagaitzaren aurkezpena bideo baten bidez egin dute Iñigo Urkullu lehendakariak, Juan Mari Aburto Bilboko alkateak, Jose Manuel Albares Atzerri ministroak eta Ione Belarra Giza Eskubide eta 2030 Agenda ministroak. Gainera, Unai Telleria Euskadik AEBetan duen ordezkaria ekitaldia izan da, Jaurlaritzak jakitera eman duenez.
Lehendakariaren ahotan, Giza Garapen Jasangarrian Euskadiren eskarmentuak eta ibilbideak, 2030 Agenda erakunde guztiek partekatutako herri helburua izateak, enpresek eta gizarte zibilak, eta auzolan kulturak Bilbo "apaltasun osoz, baina uste sendoarekin, egoitza hartzeko aukerarik onena bihurtzen dute".
Euskara "bizirik dirauen Europako hizkuntza zaharrena" dela gogorarazi ondoren, Euskadi "euskararen herria" dela nabarmendu du Urkulluk. 2030 Agenda "herri xede" bat dela erantsi du.
Bestalde, Juan Mari Aburto alkateak azpimarratu duenez, Bilbo "funtsezko ardatza izan da Euskadiren eta Estatuaren garapenean, mendeetan zehar". Hiriak "industria, kultura, gastronomia eta turismo aberastasun handia du, baita indar ekonomiko eta finantzieroa ere", gaineratu du.
Bilbo "hirigintza, ekonomia eta gizarte birmoldaketaren adibide argi bat da", berretsi du alkateak. Aburtoren esanetan, nazioarteko erreferente bihurtu da, "ikuskizun, biltzar eta azoka garrantzitsuen egoitza izateko interesa piztuz". Azkenik, "Bilbo munduarekin lotzeko azpiegitura garrantzitsuak ditugu", adierazi du.
Zure interesekoa izan daiteke
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako ospitalera. Atxilotuak komisaldegian jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean ustez bere bikotekideak hil zuen Basaurin, baina sortzez Berangokoa zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.