"Ospitale barruan nahiko tentsioa dago egoera askoren inguruan", diote Donostia Ospitaleko langileek
Urak arre datoz Donostiako Ospitalean. Langileak kezkatuta eta harrituta daude gertatzen ari denarekin, azken egunetan bi kargugabetze eta bi dimisio izan ondoren. Gainera, dimisio gehiago ere izan dira goi karguetan azken hilabetean.
"Ospitale barruan nahiko tentsioa dago egoera askoren inguruan", "gertatzen ari denaren baitan, gertakari bat gehiago da", "egoera beltza da", "polemika handia sortu da eta oso nabarmea da zerbitzuburu guztiak elkarrekin atera izana kargugabetzeen aurka"... horiek gaur Donostia Ospitaleko langileek Euskadi Irratiko mikrofono aurrean adierazitakoak.
Donostia Ospitaleko ESIan piztutako krisiak fokupean jarri du Gotzone Sagardui Osasun sailburuaren jarduna. Erabakiak, irizpide mediku edo profesionalak lehenetsi gabe, lagunkeriaz hartzen dituela salatu du, adibidez, Adolfo Begiristain Donostialdeko ESIko kirurgia arloko zuzendariorde medikoak.
Larria da egoera, eta une honetan, Donostialdea ESIko zuzendaritzan pertsona bakarra dago karguan. Hau da, 6 lanpostutatik bat bakarra dago une honetan:
Itziar Perez zuzendari-gerentea kargugabetu egin zuen Osasun Sailak.
Idoia Gurrutxaga zuzendari medikua kargugabetu egin zuen Osasun Sailak.
Ester Litiago Langileen Zuzendariak dimititu egin zuen azaroan.
Carlos Barruso Arreta Integratuaren zuzendariak dimititu egin zuen azaroan.
Ekonomiako eta Finantzako Zuzendaritza hutsik dago.
Ondorengo egunetan, gainera, zuzendariorde gehiagoren dimisioa etor daiteke. Azken kargugabetzeen aurrean, protesta elkarretaratzea egin zuten Ospitaleko zerbitzuburuek eta abenduaren 13an prentsaurrekoa emango dute gertatzen ari denaz duten iritzia publiko egiteko.
Donostialdeko ESIan urte luzetako lanari esker lortutako talde eta protokoloak desegiten ari dela Osasun Saila esan diote ospitaleko iturriek Euskadi Irratiari eta hartu dituzten erabakiak ez direla osasun irizpideen araberakoak salatu dute, baizik eta ikuspegi pertsonal batetik egindakoak.
"Jakinarazi nahi dizuet atzo Rosa Perez Osakidetzako zuzendari nagusiak, Donostialdeko ESIko zuzendari kudeatzaile izateari uzteko agindua jakinarazi zidala, uste duelako ez nagoela lerrokatuta Osakidetzako Zuzendaritza Nagusiarekin eta Sailarekin", idatzi zuen Itziar Perez zuzendari-gerente kargugabetuak langile guztiei bidalitako mezu batean.
Eusko Jaurlaritzako Osasun Sailak, bere aldetik, "konfiantzazko karguak" zirela eta "eurengan konfiantza galdu dutelako" kargugabetu dituztela defendatzen jarraitzen du.
Zure interesekoa izan daiteke
Ospakizuna lehertu da Orion eta Donostian, Kontxako bandera irabazita
Ospakizunetan dira igande osoan Orion, herriko arraunlariek Kontxako Bandera eraman ostean: 34. astindu dute gaur. Herritarren babesa jaso dute beste behin ere arraunlariek. Eguneko beste txapeldunak Arraun lagunakekoak izan dira. Eguerdian hasi dute ospakizuna zaleekin, Kontxako bandera preziatua bosgarrenez irabazi ondoren.
Lurraldebusek Donostiatik Eskuzaitzeta industrialdera eta Zubietara doan linea berria estreinatuko du irailaren 21ean
Linea berriak industrialdeko langileei emango die zerbitzua, baita Zubietako espetxera joaten direnei eta Zubietara joaten diren Realeko zaleei ere.
Giro aparta Kontxako Banderaren bigarren jardunaldian
Kontxako Banderaren bigarren jardunaldiak jai giroz bete du Donostia, kolore ugariz. Familiek, gazteek eta beteranoek traineruen emozioa partekatu dute, eta ertzetatik animatu dituzte euren taldeak. Poza bereziki nabaria izan da Arraun Lagunak eta Orio taldeen zaleen artean, euren traineruen garaipena ospatu baitute.
Imsersoren bidaiak bihartik aurrera egongo dira eskuragarri Hego Euskal Herriko pentsiodunentzat
Nafarrentzat astelehenean abiatuko da plaza eskuratzeko epea, eta EAEko pentsiodunentzat, asteazkenean. Guztira, ia 900.000 plaza eskainiko dira penintsulako kostaldera eta uharteetara joateko edo bospasei eguneko bidaiatxoak egiteko.
Elon Musk bat dator Anthropic eta OpenAI lehiakideekin, adimen artifiziala moteldu behar dela
Anthropiceko Dario Amodeik adimen artifizialaren (AA) garapena moteltzeko eskatu zuen ostiralean, segurtasun arriskuengatik, eta eskaera horren alde egin dute lehiakideek, OpenAIko Sam Altmanek eta xAIren sortzaile Muskek. OpenAIko eta Anthropiceko liderrek iragarri dute ebaluatzaile independenteei beren sistemak ikuskatzea ahalbidetuko dietela, baina Muskek ez du hori argitu.
Ceutako 860 migratzaile baino gehiago aldi baterako instalazio egokitu berri batera eraman dituzte
Jaurlaritzak 4.300 plaza inguru izango ditu aldi baterako, eta datozen egunetan 6.000 plaza baino gehiago izango direla aurreikusi du.
AEBk Kuban ezarritako "setioa" salatu dute Bilbon, Silvio Rodriguezen kontzertuaren aurretik
Manifestariek Kubako eta hainbat herri zapalduren banderak eraman dituzte. "Nazio Batuetan urtero giza eskubideen urraketa masiboa gaitzesten den arren, gobernu gehienak geldi daude", salatu dute. "Argia eta Indarra Kubarentzat. Blokeoaren aurka, Energia Kubarentzat" kanpaina solidarioa babesteko ere balio izan du protestak.
Oihane Mateos Oria, duela gutxi hildako lankide eta laguna, gogoan izan du Dani Alvarezek Gasteizko FesTVal jaialdian
Aste gogorrak izan dira azken hauek Orain eta EITBko Albistegietako lantalde guztiarentzat. Dani Alvarez lankideak Gasteizko FesTVal jaialdian esan duen bezala, "bizitzako injustizia bategatik goizegi joan berri da Oihane Mateos Oria". Bere irribarrea, energia eta lanerako grina beti izango dira gure artean, ordea. Hemen Daniren hitzak gaur iluntzean, sari bat banatu aurretik.
Zarrakazteluko baso sutea eragindakoa ote den ikertzen ari dira
Garrak atzo piztu ziren Corral Nuevo inguruan, eta gaur arratsaldean egonkortu dituzte. Eremuan ez zegoen nekazaririk lanean, eta, hori dela eta, Foruzaingoak susmoa du nahita piztutakoa izan zela.
Bost gasolindegi Margaritan, 30 laguneko herrian, bizilagunen desesperaziorako
Gasteizko Margarita kontzejuan, bizilagunak kexu dira beste gasolindegi bat jarri nahi dietelako, bosgarrena bailitzateke. 30 bat biztanle diren herrixka honetarako sarbideak dagoeneko kolapsatuta daudela diote, eta gainera salatzen dute, kamioi gidariek ez dutela askotan oso gizalegez jokatzen.