60ko hamarkadan Elgoibarko apaiza zenak sexu abusuak egin zizkiola salatu du emakume batek
1966an, artean Elgoibarko (Gipuzkoa) apaiz zenak, Don Andoni izenekoak, sexu abusuak egin zizkiola salatu du Isabel Barrutia elgoibartarrak, Berria egunkarian. Erasoak gertatu eta 60 urtera salatu ditu abusuok publikoki emakumeak, "beste biktima batzuei lagunduko" dielakoan, eta "horrelakorik berriro ez gertatzeko Elizak eta instituzioek baliabideak" jar ditzaten.
EITB Mediak Bermeoko Jose Done ikastetxeko zuzendari ohiak eskola horretan zein Bilboko Berri-Otxoa ikastetxean egindako erasoak kaleratu berritan, beste pederastia kasu bat atera du argitara testigantza horrek.
Egunkariari egindako kontakizunean, Barrutiak azaldu du 12 urte zituenean egin ziola eraso latin eskolak ematen zituen elizgizonak. Nonbait, ikasgelan lezioa ez jakiteagatik igande batez haren etxera joateko esan zion gizonak. Bere gainean jesarrarazi, eta ukituak egin zizkion neskatoari.
Barrutiak ez zion inori kontatu gertatutakoa, eta apaizak beste zenbaitetan zigor bera ezarri bazion ere, ez zen berriro bere etxera joan. Handik gutxira, baina, Don Andoni herritik joan zela jakinarazi zioten Barrutiari. Aitortu duenez, 40 urte bete arte, ezin izan zuen pairatutakoari buruz hitz egin.
Zure interesekoa izan daiteke
Sei kilometrorainoko auto-ilarak sortu dira Barakaldorako noranzkoan, Avanzadan eta Txorierrin
Ezbeharraren ondorioz 3 pertsona artatu behar izan dituzte.
40 urteko gizon bat atxilotu dute bikotekideari eta Gasteizko taberna bateko arduradunari erasotzeagatik
Gertaera joan den larunbat gauean izan zen, Oto etorbideko ostalaritza-establezimendu batean.
Donejakue Bideak erromesen arretarako bulego bat ireki du Iruñean
Orreaga eta Donibane Garaziren ostean, Donejakue Bideko lehen hiria da Iruñea, eta bertako Kale Nagusiko 6. zenbakian erromesentzako arreta bulego bat zabaldu dute. Bakarra da Estatu osoan (Santiago de Compostelakoaz gain).
AAk emozioak interpretatzen ditu dagoeneko, baina legea ez da egokitu oraindik, EHUren ikerketa batek ohartarazi duenez
Sistema horiek modu jarraituan funtzionatzen dute egiten duguna etengabe aztertzen eta gure portaerari buruzko ondorioak ateratzen, eta horrek zaildu egiten du gaur egungo kategorien arabera sailkatzea. Datuak Babesteko Espainiako Agentziaren saria jaso du ikerketak, eta Leire Escajedo EHUko Konstituzio Zuzenbideko irakasle eta ikertzaileak "teknologiak aurrera egiten duen azkartasunaren eta Zuzenbideak horretara egokitzeko duen gaitasunaren arteko desfasea" daogela azpimarratu du.
Pertsona bat hil da Guardian, trafiko istripuz
Ezbeharra A-124 errepidean gertatu da. Oraindik argitzeke dauden arrazoien ondorioz, Gasteizerako noranzkoan zihoan furgoneta bat errepidetik irten eta irauli egin da.
Eusko Jaurlaritzak informazio-kanpaina bat jarri du abian Euskadiko Etxebizitza Plan Integralaren neurri nagusiak azaltzeko
Kanal anitzeko estrategia da, eta Eusko Jaurlaritzak bizitegi-larrialdiari aurre egiteko abian jarritako neurri nagusiak herritarrei azaltzera bideratuta dago. Aurkezpena bat dator bihar, maiatzak 12, indarrean sartuko den etxebizitzaren arloko Premiazko Neurriei buruzko Dekretua argitaratu izanarekin.
Lukas Aguirre kasuko fiskalak esan du labankadak "hiltzeko asmoz" hil zituztela
Eskatu 22 urteko kartzela-zigorra bai labankaden ustezko egile materialarentzat, bai ustez labana eman zion gizonarentzat, gogorarazi du biktimak ez zuela ebakirik eskuetan, ezta "defentsa-zauririk" ere.
Maialen Mazonen senarra espetxean artatu zuen medikuak esan du ez zuela buru nahasmendu zantzurik
Azaldu duenez, atxilotu zuten delituaren ezaugarriengatik sartu zuten Jaime Roca auzipetua suzidioak prebenitzeko programan, ez bere buruaz beste egiteko arriskua zegoenik detektatu zutelako. Epaiketaren seigarren saioa hartu du gaur Arabako Lurralde Auzitegiak.
Iran eta sarreren prezioa polemikaren erdigunean, Munduko Futbol Txapelketa hasteko hilabete falta denean
Irango selekzioak parte hartuko duen baieztatu gabe dago oraindik. Bestalde, sarreren "prezio aldakorrak" salatu dituzte; hori ohikoa da NBA eta NFL ligetan.
