Gurutzetako Ospitaleko medikuek "gezurretan" aritzea egotzi diete Donostialdeko ESIko zerbitzuburuei
Lasaitze bidean zen giroa gaiztotu egin da berriro Osakidetzan. Gurutzetako Ospitaleko bost medikuk "gezurretan eta asmo txarrez" aritzea egotzi diete Donostialdeko ESIko zerbitzuburuei eta dimisioa eman duten bertako arduradun batzuei, eta Osakidetzako zuzendaritzak "adiskidekeriaz" jokatzen duenik gezurtatu dute.
Kolon minbizia tratatzeko HIPEC teknika Gurutzetako Ospitalean —orain arte Donostiako erietxean bakarrik erabiltzen zuten— baimendu izanak trakestu du giroa, baina batez ere Adolfo Beguiristain Donostia Ospitaleko medikuen zuzendariordeak egunkari batean kaleratutako gutunak. Beguiristainek gogor jo zuen Osakidetzako zuzendaritzaren aurka (Sagarduiren dimisioa ere eskatu zuen) eta Gurutzetako Ospitaleko medikuek HIPEC teknika erabiltzeko behar den formazio eta eskarmentua ez zutela erantsi zuen. Horren arabera, azken 10 urteotan Donostiako Ospitaleak bakarrik erabili du teknika hori.
Beguiristainenek euren izen ona eta profesionaltasunaren kontra egin duela iritzita, beste eskutitz bat kaleratu dute gaur Gurutzetako Ospitaleko mediku arduradunek. EITB Mediak eskuratutako dokumentuan irakur daitekeenez, honako hauek sinatu dute agiria: Aitor de la Quintana Kirurgia Orokorreko arduraduna, Alberto Muñoz Onkologia Medikoko atalburua, Gaizka Mallabiabarrena Ginekologia Onkologiko zerbitzuburua, Andres Valdivieso Kirurgia Hepatobiliar eta Gibeletako Transplanteko Unitateko burua eta Txanton Martinez-Artorguiza Ginekologiako zerbitzuburua.
Gurutzetako profesionalek gutunean diotenez, orain arte isilik egon dira arazoa gehiago ez "nahaspilatzeko", baina Beguiristainek egindako "aieruen" aurrean "gauzak argi" utzi behar zituztela ebatzi dute.
Euren hitzetan, 1996tik egiten da Gurutzetako Ospitalean kartzinomatosi peritonealaren kirurgia. "Aurten, 43 ebakuntza egin ditugu, eta 2016tik, 130 baino gehiago", zehaztu dute. Hala, gaineratu dute, "ez da egia kirurgia mota hori Donostiako Ospitalean bakarrik egiten denik".
Aitortu dute ez dutela eskarmenturik HIPEC teknikan, baina gogorarazi dutenez, behin kirurgia eginda, "sabelaldean sartu beharreko minbiziaren kontrako botika berotzeko makina baino ez da". Euren hitzetan, ebakuntzen arrakasta "kirurgilariaren eskarmentuarekin dago lotua, ez bakarrik erabilitako makinarekin", eta horien kontura, "nola dabiltzan ikasi baino" ez dela egin behar.
Horren ildoan, HIPEC teknika erabiltzen hasteko baimena jaso berri dutela eta, Osakidetzako zuzendaritzak "adiskidekeriaz" aritu izana ezeztatu dute, eta 2016tik eskatzen ari direla jakinarazi.
"Argi utzi nahi dugu tratamendu hori erabiliko dugunok, hartu-eman profesionalaz harago, ez dugula inolako harremanik Osakidetzako zuzendariekin", azpimarratu dute.
Azkenik, gatazkan "nahastu" dituztela deitoratu dute, eta salatu dute ez dela "onargarria norberaren interesak oinarririk gabeko salaketen bidez defendatzea".
Zure interesekoa izan daiteke
Ratioak jaistea eskatzen duen herri-ekimen legegilea iragarri dute Nafarroako eskola publikoaren aldeko plataformek
Nafarroako eskola publikoaren aldeko plataformen iritzian, ikasgeletan haur kopurua txikitzea ezinbestekoa da arreta hobetzeko, eskola porrota murrizteko eta aniztasunari arreta hobea ziurtatzeko. Hori dela eta, herri-ekimen legegilea aurkeztu nahi dute Nafarroako Foru Parlamentuan, ratioak jaisteko eskatuz. Hezkuntza komunitate osoari lankidetzarako deia egin diote. Hasteko, 7.000 sinadura behar dituzte ekimena ganberara eraman ahal izateko.
EAEk hamar aldiz handitu du gaitasun handiko ikasleen detekzioa azken bost urteotan
2019an 747 ikasle zeuden identifikatuta eta gaur egun 7.327 dira; igoera nabarmen hori eskola publiko zein itunpekoetan ezarritako detekzio goiztiarrerako ereduari esker lortu da.
Nelson David Morenok ukatu egin du Bilbon 73 urteko gizon bat hil izana
Asteazken honetan hasi da Bilbon 2021eko urriaren 5ean zendu zen gizon baten heriotza argitzeko epaiketa. Akusatua 37ko kartzela-zigorra betetzen ari da dagoeneko, beste krimen batzuengatik. Bost gizonen hilketekin lotu dute, baina, ikertzaileen aburuz, 7 krimenen ardura izan dezake.
Maialen Mazonen ustezko hiltzaileak “barkamena” eskatu du epaiketako azken unean
Arabako Lurralde Auzitegian egin duten epaiketa epai zain gelditu da asteazken honetan, aldeek euren ondorioak aurkeztu ondoren. Fiskaltzak eta akusazioek 45 urteko zigorrak eskatzen dituzte, hilketagatik, bi abortu deliturengatik eta adin txikiko bat abandonatzeagatik, akusatuak “nahita” hil zuela emakumea eta egoeraz “jakitun” zegoela uste dutelako. Defentsak absoluzioa eskatu du, hilketaren unean, “errealitatetik erabat deskonektatuta” zegoela argudiatuta.
Medikuen grebari amaiera emateko eskatu dio Alberto Martinezek Osasun Ministerioari
Estatutu markoari buruzko akordiorik ezean, datorren astelehenean laugarren greba astea hasiko dute medikuek. Alberto Martinez Osasun sailburuak azpimarratu duenez, Osakidetza ahaleginak egiten ari da arazoa bideratzeko, baina gatazkari amaiera emateko giltza Osasun Ministerioak dauka.
Altza eta Galtzaraborda arteko Topo zatia uztailaren 18an jarriko da martxan
Zati hori zabaltzeak, batetik, Altzako geltokian trenak nahitaez errebotatzea saihestuko du, eta bestetik, Pasai Antxoko lurpeko geltoki berria estreinatzea ekarriko du, terminal zaharra desegin eta biaduktua, eraikin artean sartuta dagoen trenbide-hesia, kenduta.
Nafarroako Ospitaleko jazarpen kasu batean "delitu zantzuak" ikusita, Fiskaltzara bidali du salaketa Osasun Departamentuak
Nafarroako Unibertsitate Ospitaleko zerbitzuburu baten aurka jazarpenagatiko salaketa jarri zen, modu anonimoan, joan den abenduan. Sare sozial bateko kontuan argitaratu zen gero, eta horren berri zabaldu zen. Bertan, Nafarroako ospitale publiko horretako emakumezko mediku batek salatu zuen zerbitzuburu horren hizkerak eta jokabideak "emakumeak gutxiesten, umiliatzen eta gauzatzat jotzen" zituela, eta zuzendaritzari "ezer ez egitea" leporatzen zion, "jakitun egon arren".
Osakidetzak ia 60.000 euroko soldata eskaini die barneko mediku egoiliarrei
Bigarren urtez jarraian Gaztetzeko eta Fidelizatzeko Programa abiatu du Osakidetzak, azken urteko egoiliarrak bertan geratzeko eta talentua erakartzeko asmoz. Hortaz, lehen edizioan baino 2.500 euro gehiago irabaziko dute erresidentzia amaitu eta Osakidetzan lan egiten duten medikuek.
Abian da Nelson David Moreno Bolañosen aurkako beste epaiketa bat: 73 urteko gizon bat hiltzea egozten zaio, app baten bidez zita bat izan ondoren
Akusatuari 37 urteko kondena ezarri zaio, beste hiru epaiketatan; gutxienez bost gizonezko homosexualen heriotzarekin lotu dute ikertzaileek, baina zazpi ere izan litezke.
Adimen gaitasun handiko helduak eta arrakastaren mitoa
Adimen handiko helduek benetan al dute bizimodu errazagoa? Asier Arrieta psikologoak eta heldutan diagnostikatutako Haizea Lopez idazleak ikuspegi anitzeko errealitatea deskribatu dute. Izan ere, potentzial handiarekin bizitzeak ez du derrigor bizitza errazago bihurtzen, diagnostiko berantiarra, autoexijentzia, antsietatea eta ingurukoen espektatibak tartean daude eta.