Macronek osasun egitasmo berri bat iragarri du ospitaleetako egoerari aurre egiteko

Emmanuel Macron Frantziako presidenteak hitzeman du soldata igoko diela guardiak egiten dituzten eta gaixo gehiago artatzen dituzten medikuei, larrialdietako saturazioari eta familia medikuen faltari aurre egiteko neurri gisa.

Macronek agerraldia egin du Corbeil Ssonneseko ospitalean, Parisko eskualdeko ospitale handienean, eta aitortu du osasun sisteman dituen arazoak oso sakonak direla, urte asko beharko dituztela konpontzeko, eta arriskua dagoela epe laburrean egoeran okerrera egitea.

Azpimarratu duenez, "gure epe motzeko erronka medikuek gaixoekin egoteko denbora gehiago izatea da", eta horretarako beharrezkotzat jo du administrazioko langileek eta lanbide logistikokoek elkarlana areagotzea, osasun langileek ez dezaten sendatzeaz haragoko lanik izan.

Horren harira, gaur egun dauden 4.000 mediku laguntzaileetatik urte amaieran 10.000ra iristea jarri du helburu gisa.

Frantziako presidenteak uste du osasun lanbideek "erakarpen arazo bat" dutela lan karga handiagatik, edo ez delako aintzat hartzen gaueko edo guardietako lanaren izaera gogorra; baina baita hiri handietako langileen kasuan erosteko ahalmena asko murrizten delako etxebizitza edo garraioa garestiengatik.

Horregatik, iragarri du soldata igoko diela guardiak egiten dituzten eta gaixo gehiago artatzen dituzten medikuei, larrialdietako saturazioari eta familia medikuen faltari aurre egiteko neurri gisa.

Era berean, hiri handietan osasun langileentzako etxebizitzak jarriko omen dituzte,

Presidenteak nabarmendu du osasun sistemaren krisia ez dagoela baliabideekin bakarrik lotuta, baizik eta "askoz ere konplexuagoa" dela. Zentzu horretan, Frantziako Estatuaren aurrekontuan orain hiru urte baino 50.000 milioi euro gehiago daudela eta berrantolaketa bat egin beharra dagoela aipatu du.

Hala, ospitaleei eta klinika pribatuei diru publikoa emateko sistema aldatuko dute, tarifa komuna baitago denentzat eta mediku ekintzen arabera ordaintzen baita.

Hain zuzen ere, "osasun publikoaren helburuek" zehaztuko dute zenbatekoa, tartean guardiek, "lan kolektiboa gaixoaren mesedetan jartzea" delako asmoa.

Bestalde, "antolatzeko askatasuna" emango zaie ospitaleei, eta "administrazio eta medikuntza arloko talde batek zuzenduko ditu".

Herritarren artean ezinegona eta protestak nagusitu direnean iritsi da Macronen agerraldia. Mediku liberalen kolektibo bat greban dago, eta kontsulten prezioa 25 eurotik 50era igotzea eskatzen du.