Animalien ongizatearen legea behin betiko onartu du Kongresuak
Diputatuen Kongresuak behin betiko onartu du animalien eskubideak eta ongizatea babesteko legea. Senatuan erantsitako zuzenketak eztabaidatu eta horien inguruan erabaki du Kongresuak, 10 bat onartuta. Hori horrela, behin betiko testua Estatuko Aldizkari Ofizialean argitaratzeko prest geratu da. Okerrik ezean, sei hilabete barru sartuko da indarrean.
Senatuan erantsitako zuzenketa partzialak ez ezik, animalien kontrako tratu txarren inguruan Zigor Kodean jasotakoen erreforma ere eztabaidatu dute Kongresuan, baina oraindik ez dute bozkatu.
Aldaketa garrantzitsuenak
Zehazki, Senatuko 15 zuzenketatik 10 onartu ditu Behe Ganberak. Besteak beste, jatorrizko proiektuaren hainbat artikulu kendu dituzte (II. atala, esaterako, guztiz ezabatu dute) eta bere horretan utzi dute animalien babeserako elkarteetan laguntza eta boluntariotza programak edukitzeko betebeharra.
Bestalde, etxerik gabeko pertsonek animaliak edukitzen jarraitu ahalko dute, horregatik isuna jaso gabe (proiektuaren aurreneko testuak hala zuen jasoa, baina Senatuko zuzenketetan aldatu zuten).
Halaber, jabeek eta txakurrek ez dute sozializazioaren inguruko azterketa bat gainditu beharko, eta erakunde publikoak ez dira derrigortuta egongo kaleko katuak esterilizatu eta mikrotxipa jartzera.
EAJk salatu duenez (Ganberak ez ditu jeltzaleek Senatuan aurkeztutako zuzenketak onartu), legeak EAEko eskumenak urratzen ditu eta "zentralizatzailea" da oso.
Bestalde, eztabaidatzeko dagoen beste lege proiektuari —Zigor Kodearen erreforma— dagokionez, 10 bat zuzenketa aurkeztu dituzte taldeek. Kasu horretan, baina, gehiengo osoaren (176 boto) babesa behar da zuzenketak aurrera ateratzeko.
Lege proiektua etxeko animaliei eta aske ez dauden espezie basatiei dago zuzenduta, eta bazter uzten ditu ehizarako, artzaintzarako eta kirola egiteko erabiltzen diren txakurrak, baita polizienak ere. Halaber, etxebizitzetan onartutako animalien zerrenda jasotzen du, 200.000 eurora arteko zigorrak aurreikusten ditu eta animalien dendetan txakurren salmenta debekatzen du.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.