Turismoa iazko datuen azpitik egon da aurten Aste Santuan
Aste Santua bukatzear dela, bost opor egun hauek turismoan izan duten eraginari buruzko lehen balantzea egin du sektoreak. Euskadi Irratiak bildutako datuen arabera, Euskal Autonomia Erkidegoko (EAE) hoteletako eta nekazal turismoko etxeetako okupazioa % 80-90ekoa izan den arren, beherakada sumatu dute iazkoarekin alderatuta.
Joseba Goirigolzarri Destino Bilbaoko bozeramaileak azaldu duenez, Bizkaiko hiriburuko hotelen okupazioa % 90ekoa izan da Aste Santuan, eta % 60-65eko espero dute Pazko Asterako, azken orduko erreserbei esker. Datuok iazko kopuruak baino eskasagoak direla azpimarratu du, pandemiaren aurretik izandakoetatik urrun oraindik. "Pandemia aurretik, 2018 eta 2019 urteetan, emandako datuetara ez gara heldu eta ez dugu espero heltzea datozen bi urteetan", azaldu du.
Goirigolzarriren hitzetan, nabarmena izan da atzerriko turismoaren pisua, bereziki bisitari frantsesena.
EAEko nekazal turismoko etxeei dagokienez, % 80 inguruko okupazioa izan dute Aste Santuan, iazko baino apur bat apalagoa. Azken orduko erreserben zain, Pazko Asterako % 26ko okupazioa dute bermatuta, iazkoa baino sei puntu txikiagoa. Halere, iazko Aste Santua berezia izan zela gogorarazi du Idoia Ezkurdia Nekaturreko gerenteak, pandemia ostean jende oldea jaso zutelako.
Turistaren profilari dagokionez, bertakoak nagusi izan direla argitu du Ezkurdiak eta Araban izan dituztela datu onenak. Aurten, gainera, beste joera bat igarri dute: "Iaz, orokorrean, lau gaueko egonaldiak izan genituen batik bat, aurten hiru gau izan dira gehientsuenak".
Donostiako hoteletako okupazio datuen faltan, Aquariumak jakinarazi du 11.822 bisitari jaso dituztela ostegun eta igandea bitarte (astelehen honetako datuak zenbatzeke dituzte), eta Aste Santuko oporretan 14.000 bisitarira, iazko datuetara, heltzea aurreikusi dute.
Azken datu bat: Euskal Herriko aireportuetan (Bilbo, Hondarribia, Foronda, Noain eta Biarritz) 170 hegaldi baino gehiago dira gaur programatuta, hots, hegaldi gehien izango duen opor eguna izan da gaurkoa.
Zure interesekoa izan daiteke
Amaia Galindez, portugaletetarra Granadan: "Urduritasuna eta beldurra nagusitu da hemen"
Granadako bizilagunen artean urduritasuna pil-pilean dago lurrikarak direla eta. Horixe kontatu digu Amaia Galindez portugaletetarrak, bertan bidaian dagoenak.
Eusko Jaurlaritzak ez ditu trafiko kontrolak egingo Oiartzunen, Irunek eskatu duen arren
Cristina Laborda Irungo alkateak "salbuespenezko neurriak" eskatu ditu, oporretatik itzuleran auto-ilarak errepikatuko direla aurreikusita. Hala ere, Ertzaintzak uste du kontrolak jartzeak auto-ilara gehiago eragin eta agenteak eta erabiltzaileak arriskuan jarriko lituzkeela.
Portu Zaharreko jaietan gutxienez hiru sexu-eraso salatu direla jakinarazi du Algortako Mugimendu Feministak
Uztailaren amaieran ospatu ziren San Inazio jaietan ere beste eraso bat izan zela gogoratu dute Getxoko feministek ohar batean.
ENBAk plan bat eskatu du baserri guztiak urez hornitu ahal izateko
Xabier Iraola nekazarien sindikatuko bozeramaileak zehaztu duenez, 5.000 baserri inguru daude Araban, Bizkaian eta Gipuzkoan ur-hornidurako sare publikotik kanpo. Udako lehorteen ondorioz, gero eta gehiago pairatzen dute ur-falta.
4,7ko beste lurrikara batek Granada astindu du, hiru zauritu eta Alhambra itxita utzita
Granadan 4,7ko indarreko beste lurrikara bat izan dute, eta hiru pertsona arin zauritu dira, tartean adin txikiko bat. Granadako Gojar herrian egon da epizentroa, baina Andaluziako beste lurraldeetan ere igarri da. Granadako monumentuak itxi egin behar izan dituzte badaezpada, Alhambra bera ere bai.
Epaileak 24 urteko espetxe-zigorra ezarri dio Nelson David Morenori, Bilbon 73 urteko gizon bat hiltzeagatik
Epaileak 22 urteko zigorra ezarri dio hilketa astunduagatik, eta beste bi urtekoa iruzur informatikoagatik. Laugarren kondena du, eta ikertzaileek uste dute 2021eko udazkenean hildako zazpi gizon homosexualen heriotzekin zerikusia duela.
Suhiltzaileak Urzainkin piztutako baso-sutea itzaltzeko lanean ari dira
Baso suteetarako Babes Zibileko Plan Bereziaren bigarren egoera operatiboa aktibatu du Nafarroako Gobernuak, ostiralean piztu zen sutea berpiztu ostean.
Llantenoko sutea egonkortuta dute eta zaintza- eta hozte-lanetan ari dira suhiltzaileak
Egoerak onera egin duen arren, puntu beroak daude oraindik eta lanean jarraitzen dute Gasteizko eta Espejoko suhiltzaileek. Aiarako Udalak herritarrei eskatu die ez gerturatzeko sute-eremura, suhiltzaileen lana ez oztopatzeko.
Eguzki eklipsearen ondoren, beste bat dator: ilargiarena, partziala, hilaren 28an
Joan den abuztuaren 12ko eguzki-eklipse osoaren ondoren, zeruak fenomeno astronomiko berri bat eskainiko du: abuztuaren 28ko gauean ilargiaren eklipse partziala ikusiko da, eta ilargiaren diskoaren % 93 estaliko du, gutxi gorabehera. Begi hutsez ikusi ahal izango da, instrumentazio berezirik gabe.
Jacan oporretan dauden euskaldunak boluntarioen taldeetan antolatu dira sua herrira irits ez dadin
Huescako sutea itzaltzen saiatzeko boluntaro taldeak antolatu dira. Horietako asko, euskaldunak dira. Jakan etxebizitza duten gipuzkoar eta nafarrak. Sugarrak kontrolatzeko bidean dira suhiltzaileak, baina beraiek ere bere aletxoa jarri nahi dute. Sasi, zuhaitz eta adar; sua indartu dezakeen erregaia kentzen.