Albiste dira

Motor gidari bat larri zauritu da Orion izandako trafiko istripu batean

Ondorioz, N-634 errepidea itxi dute puntu horretan, bi noranzkoetan. 14:20an berriro zabaldu da errepidea, behin laguntza- eta garbiketa-lanak amaituta.

EITB Media

2023/05/06 - 14:11

Azken eguneratzea

2023/05/06 - 19:24

Motor gidari bat larri zauritu da Orion larunbat honetan, auto baten aurka talka egin ostean, Eusko Jaurlaritzako Segurtasun Sailak jakinarazi duenez.

Goizeko 11:00ak aldera gertatu da istripua, N-634 errepideko 11. puntu kilometrikoan, Orio parean eta Zarautzerako noranzkoan.

Ertzaintza eta Osakidetza bertaratu dira istripuan inplikatutakoei laguntzeko. Osasun-langileek motorraren gidaria artatu dute, eta anbulantzian eraman dute Donostia Ospitalera, zauri larriekin.

Errepidea itxita egon da bi noranzkoetan 14:20ak arte; orduan, behin laguntza-lanak eta bidea garbitzeko lanak amaituta, errepidea zabaldu eta zirkulazioa bere onera itzulo da. Ertzaintzak ikerketa abiatu du istripuaren nondik norakoak argitzeko.