Osakidetzak pediatra guztiak prestatuko ditu haurren zainketa aringarrietarako
Euskal Osasun Zerbitzuak haurren zainketa aringarriei buruzko prestakuntza emango die sare publikoko pediatra guztiei haurren bizitzaren azken zatirako, eta dagoeneko lanean ari da hiru lurraldeetako ospitale eta Lehen Mailako Atentzioko zentroetan txikienentzako zerbitzu hori antzera emateko protokolo bateratu bat prestatzen.
Berrikuntza horiek Euskadiko Zainketa Aringarrien 2023-2027 Plan Estrategikoan sartu dira. Plan hori apirilean aurkeztu zuten, eta Gotzone Sagardui Osasun sailburuak eta Jose Luis Quintas sailburuordeak astelehen honetan azaldu diete Legebiltzarreko taldeei.
Aurrekoaren edukiekin alderatuta, berrikuntza nagusietako bat da zainketa aringarrietako pediatriako unitate espezifiko bat abian jarriko dutela, adingabe horiei arreta emango diena bai ospitaleetan bai haien etxeetan, eta Bizkaiko Gurutzetako ospitalea izango duena erreferente.
Eredu bateratu batekin funtzionatuko dute hiru lurraldeetan, eta protokolo komunekin. Hala, erreferentziazko talde gisa hartuko dira Gurutzetako Unibertsitate Ospitaleko Pediatriako Etxeko Ospitalizazio Unitatea eta Arabako, Bilbo-Basurtoko eta Donostialdeko osasun eskualdeetako taldeak, eta probintzia bakoitzean erabilgarri dauden baliabideekin koordinatuta egongo dira beti.
Era berean, planak biztanleriaren estaldura handitzeko neurriak jasotzen ditu, aringarriak gutxienez biztanleriaren % 1era irits daitezen, nazioarteko erakundeek gomendatzen duten bezala. Une honetan ehuneko horren % 55era iristen da estaldura. 2024an % 70 gainditu nahi dute, eta, 2025etik aurrera, % 90.
Albiste gehiago gizartea
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.