Zer da kukutxeztula?
Gipuzkoan azken bi asteetan izandako kukutxeztul agerraldiaren ondoren, 45 kasurekin, gaixotasunari buruz sor daitezkeen zalantza nagusiak jorratuko ditugu.
- Zer da kukutxeztula?
Kukutxeztula goiko arnasbideetako bakterio gaixotasun bat da, batez ere haurrei eragiten diena, baina helduetan ere gerta daiteke. Kasu gehienak arinak izaten dira, baina sei hilabete baino gutxiagoko haurtxoetan konplikazioak arriskutsuak izan daitezke, ospitaleratzeak eraginez, eta baita heriotza ere.
- Zer sintoma sortzen ditu?
Lehen etapetan, hotzeria arrunt baten sintomak ditu. Gaixotasunaren ezaugarri nagusia eztul bortitza da, baina sukar baxua eta apnea ere eragin ditzake.
- Zerk eragiten ditu agerraldiak? Ohikoak al dira?
Eusko Jaurlaritzako Osasun Sailak gogorarazi duenez, kukutxeztul agerraldiak "ziklikoak" eta "ohikoak" izaten dira, baina azken bi urteetan beste birus eta bakterio batzuen lekua hartu du covidak, eta beste gorabehera batzuk "estali" ditu. Hala, pandemiaren ostean, "normaltasunera" itzuli gara beste gaixotasun batzuen agerraldiei dagokienez.
- Zer txerto daude gaixotasunaren aurka?
Kukutxeztularen aurkako txertoa, autonomia erkidego guztien txerto egutegiaren parte dena, lau dositan ematen da, sei urte bete baino lehen.
Bestalde, azken urteotan, Osakidetzak haurdunentzako txertaketari buruzko gidan gomendatzen du dosi berri bat jasotzea haurdunaldiaren 27. eta 36. asteen artean, txertaketa estaldura handia duten herrialdeetan ere intzidentziak gora egin duelako.
- Zergatik da garrantzitsua haurdunaldi bakoitzean txertoa hartzea?
Haurtzaroan txertoa hartu dugun arren, kukutxeztularen aurkako antigorputzak denborarekin galtzen dira eta ez dira nahikoa jaioberria babesteko. Horregatik, beharrezkoa da haurdunaldi bakoitzean txertoa hartzea, antigorputzen mailak ez baitira behar bezain altuak izango hurrengo haurdunaldietarako.
Zure interesekoa izan daiteke
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Hantabirusaren agerraldia "kontrolatuta " dagoela uste du Rafael Bengoak: "Orain kasu positiboen jarraipena egin behar da"
Radio Euskadiko Boulevard saioan egin dioten elkarrizketan Rafael Bengoa Osasun Publikoko adituak azaldu duenez, hantabirusak sortutako egoera "kontrolpean" dago, eta, horren esanetan, kasu positiboen jarraipen zuzena egitea da orain garrantzitsuena. Bestalde, hantabirusaren infekzio ahalmena txikia dela eta sintomak dituztenek kutsatzen dutela azpimarratu du.
Lekukoen deklarazioen txanda, Lukas Agirreren heriotzaren epaiketan
Fiskalak 22 urteko kartzela-zigorra eskatu du 2022ko Gabonetan gaztea labankadaz hiltzeagatik akusatutako hiru lagunetako birentzat.
Kamioi batek istripua izan du eta bi errei itxi dituzte AP-68 autobidean, Zuia parean, Gasteizerako noranzkoan
Istripuaren ondorioz, kamioiak zama galdu du, eta gidaria Txagorritxu Ospitalera eraman dute. Errei bakarra dago irekita, eta, ondorioz, auto-ilarak sortu dira.
Albiste izango dira: hantabirusaren azken ordua, AEBk errefusatu egin du Iranen erantzuna eta Alejandro Gonzalez-Iñarritu Bilbon
Gaurkoan Orain-en albiste izango direnen laburpena, bi hitzetan.
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.