21 urteko gazte bat espetxeratu dute, maiatzaren 28an Irunen egindako sexu-erasoa leporatuta
Ertzaintzak 21 urteko gazte bat atxilotu du maiatzaren 28an emakume bati egindako sexu-erasoa egotzita, Segurtasun Sailak jakitera eman duenez.
Atxiloketa joan den ostiralean egin zuten, eta atxilotua epaitegiaren esku utzi dute gaur. Epaileak espetxeratzeko agindua eman du.
Maiatzaren 28ko goizaldean, emakume bat bere etxeko atarian sartu zen, Irunen (Gipuzkoa), eta gizon batek eraso egin zion.
Emakumeak erasotzaileari "aurre egin" zion, Ertzaintzaren arabera, eta ihes egin ondoren, bere etxebizitzara igo eta poliziari jakinarazi zion.
Irungo ertzain-etxeko agenteek, Gipuzkoako ikerketa kriminaleko zerbitzuaren eta Udaltzaingoaren laguntzarekin, ikerketa aurrera eraman dute erasotzailea identifikatzeko. Horretarako, Ertzaintzaren polizia zientifikoaren laguntza izan dute, egilearen profil genetikoa lortzeko.
Ikerketa joan den ostiralean amaitu zen, ustezko erasotzailea atxilotu zutenean. Ondoren, agenteek haren etxebizitza miatu zuten Irungo Instrukzioko 5 zenbakiko Epaitegiaren baimenarekin, eta gertakariaren egunean ustez erabilitako arropak atzeman zituzten.
Erasoaren berri izan ondoren, Irungo Udalak adierazpen bat onartu du sexu-erasoa gaitzesteko eta biktimari babesteko, eta behar dituen udal-baliabideak eskaini dizkio.
Udalak elkarretaratzea deitu du astearterako 19:00etan, San Juan plazan sexu-erasoa gaitzesteko.
Zure interesekoa izan daiteke
44 urteko garraiolari bat hil da Murchanten, beste kamioi batekin izandako istripu batean
Ezbeharra AP-68an gertatu da. Bertaratu diren langileek ezin izan dute ezer egin hildakoaren bizia salbatzeko. Istripuan 41 urteko beste garraiolari bat zauritu da.
Eusko Jaurlaritzak EHUri eskatu dio euskara azterketetako zeroen auziko "balizko gorabeherak" aztertzeko
Unibertsitate eta Hezkuntza sailburuek eta errektoreak urgentziazko bilera bat egin dute, giro adeitsuan. Aurretik, Jaurlaritzako bozeramaileak azkartasuna eskatu du zuzenketetan, eta zuzenketa horiek unibertsitatearen esku daudela esan du. EHUk erantzun du "prozesu guztia" Eusko Jaurlaritzarekin batera egiten dela.
Bi pertsona atxilotu dituzte Bizkaian, Hezbollahrekin zerikusia dutelakoan
Operazioa sekretupean dago, eta ez dute xehetasun gehiagorik zabaldu. Libanoko taldearen beso armatua Europar Batasuneko erakunde terroristen zerrendan dago; ez, ordea, alderdi osoa.
Lau segurtasun kamera suntsitu dituzte Gasteizko Alde Zaharrean
Gasteizko Udalak adierazi duenez, erasoak ostiralean hasi ziren eta astelehen gauean jarraitu dute, eta milaka euroko kalteak eragin dituzte.
Honelakoa da USaPeko azterketak berrikusteko prozesua
Gauerdian amaitu da unibertsitatera sartzeko proba berrikustea eskatzeko epea, eta behin betiko kalifikazioak ekainaren 22an argitaratuko dira.
Taxien Gasteizko ordenantza berriak sektorearen gehiengoaren babesa jaso du eta onartzeko bidean da
Profesionalen segurtasuna eta gauerako gutxieneko zerbitzuak dira hobetu daitezkeen alderdietako batzuk. Zerbitzu horietarako, 50 taxiko partidari eutsiko dio Udalak.
Errenteriako Bertso Eskolako erasoen auzia artxibatu dute, salaketarik ez dagoelako
Ez dago inolako salaketarik, eta Fiskaltzak ezin du ofizioz jardun salaketarik ez dagoenean.
Hiru etxebizitza hustu behar izan dituzte Gazolazen, Oltza zendean piztutako sute batengatik
Sutea piztu da arratsaldean Oltza zendean, Nafarroan. Zereal soro batean piztu da sua, eta Gazolazko hiru etxebizitza hustu behar izan dituzte, badaezpada. Pinudi bat ere harrapatu dute sugarrek. 20:30 aldera lortu dute sutea kontrolpean hartzea. Gauean, sua erabat itzaltzen eta ingurua freskatzen arituko da suhiltzaile talde handi bat.
USaPeko euskarazko azterketan zerokoa duten ikasleek protesta egin dute Bilbon
Dozenaka ikasle ez daude konforme USaPeko euskarazko azterketan lortutako emaitzarekin, eta, irakasleekin batera, egoera argitu dadin eskatzeko elkarretatzea egin dute Bilboko Ingenieritza Fakultate kanpoan.
Zortzi urte eta erdiko kartzela-zigorra ezarri diote Rafa Mir futbolariari, sexu-erasoagatik eta lesioengatik
Bigarren akusatu bati 2 urteko kartzela-zigorra ezarri diote, sexu-eraso delituengatik.