Indarkeria matxistaren 5.107 biktima daude aitortuta EAEn, eta 10etik 7k babes neurriak dituzte
Euskal Autonomia Erkidegoan (EAE) 5.107 emakumek salatu dute euren bikotekidea, bikotekide ohia edo gizonezko senitartekoa indarkeria matxista egotzita, eta hortaz, biktima gisa daude aitortuta, ekainera arteko datuak bilduta emandako kopuruaren arabera. Horietatik % 68k (3.502) babes neurriak dituzte.
Datuok gaur eman dituzte jakitera EAEko Segurtasun Batzordearen bileraren ondotik. Batzordeak Bilbon egin du bilera, Josu Erkoreka Jaurlaritzako Segurtasun sailburua eta Fernando Grande-Marlaska Espainiako Gobernuko Barne ministroa buru zirela. Segurtasun alorrean bi administrazioen arteko koordinazioa hobetzeko helburua du Batzordeak, eta 2021ean bildu zen. Gaurko agerraldian Erkorekak zein Grande-Marlaskak nabarmendu dutenez, bi gobernuen asmoa da indarkeria matxistaren kontrako borrokan lankidetza indartzen jarraitzea, lehentasunezko gaitzat baitute biek.
Izan ere, genero indarkeriaren delituak emakumeen kontra egiten diren delitu guztien % 91 dira. Dena dela, jakina da biktima askok ez dutela euren erasotzailea salatzen, beraz, datuok izozmendiaren punta baino ez dira.
"Zifra erabat onartezinak dira euskal gizartea bezalako gizarte aurreratu eta garatu batentzat", esan du Erkorekak. Hala, iragarri du indarkeria mota horren kontrako borrokan aritzen diren Ertzaintzaren unitateak indartuko dituztela. "Jakin badakigu euren lan karga handia dela. Asmoa da artatzen dituzten emakumeen kopurua jaistea, biktimei eskaintzen zaien arreta hobea izateko", erantsi du.
427 biktima babes neurri handienekin
5.107 biktima horietatik ia erdia (2.497) Bizkaian bizi da, ia herena (1.902) Gipuzkoan, eta gainerakoa (708) Araban. 10 biktimetatik ia 7k babes neurriren bat du ezarrita (epaitegiek erabakitzen dituzte). Oso kasu banaketan ezartzen zaizkie kontrol neurriak gizon matxistei; hala, 78 gizasemek bakarrik dute kontrol telematikorako eskumuturrekoa.
Epaitegiak dira biktimak duen arrisku maila ezartzen dutenak, eta horren arabera, dagozkion babes neurriak jartzen ditu Ertzaintzak. Lau maila daude: oinarrizkoa, ertaina, altua eta berezia. EAEko 42 emakumek dute babes neurri altuena: bizkartzain zerbitzua. Gehientsuenak (30) bizkaitarrak dira, sei gipuzkoarrak eta beste hainbeste arabarrak. Halaber, 187 emakumeri kontrazaintza zerbitzua ematen zaie ( % 60 Bizkaian, heren bat Gipuzkoan eta % 6 Araban). Azkenik, 198 biktimak babeserako gailu teknologikoa dute (97, Bizkaian; 52, Araban eta 49, Gipuzkoan). Ertzaintzak emakumeen sakelakoan instalatzen duen app-a da, eta larrialdi kasuetarako botoi bat du, biktimaren kokapen zehatza ematen duena.
Babes eta kontrolerako neurriak. Grafikoa: EITB Media
Indarkeria matxistaren beste aurpegietako baten datuak ere eman dituzte EAEko Segurtasun Batzordearen agerraldian: emakumeen sexu askatasunaren kontrako delituena, kasu honetan, 2023ko lehen hiruhileko zifrekin. Urtarriletik martxora, mota horretako 153 delitu erregistratu ziren EAEn (beste behin, kopuruak poliziaren aurrean aurkeztutako salaketei egiten die erreferentzia). Gehienak sexu erasoak izan ziren: 143. Aipagarria da, gizartean dagoen iruditeriaren kontrara, eraso gehienak (% 53) etxeetan eta inguruetan gertatzen dira; % 35 espazio publikoan, eta 10etik 1en aisialdi lokaletan.
Grafikoa: EITB Media
Azkenik, nabarmentzekoa da ziberdelitu sexualek azken urtean izan duten gorakada: % 108 hazi dira (25, guztira).
Horren ildoan, Segurtasun sailburuak iragarri du "Sexu Indarkeriak Prebenitzeko Lehen Plan Estrategikoa" (2023-2027) onartu ostean, gaur erabaki dutela Ertzaintzak plan horren jarraipen batzordea parte hartuko dutela.
Zure interesekoa izan daiteke
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Etxebizitzak gero eta gehiago kezkatzen du euskal gizartea, eta Osakidetzarekiko eta Ertzaintzarekiko konfiantza hobetzen ari da
Etxebizitza eskuratzea da euskal gizartearen arazo nagusia, azken Deustobarometroaren arabera; bitartean, osasunaren, segurtasunaren eta migrazioaren inguruko kezkak behera egin du, eta zerbitzu publikoekiko konfiantza berreskuratu da.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.