Espainiako Gobernuak dekretu bidez onartu ditu bertan behera geratu ziren familia-legearen baimenak
Espainiako Gobernuko Ministroen Kontseiluak zaintzarako hiru baimen onartu ditu astearte honetan senideak eta seme-alabak zaintzeko. Gizarte Eskubideen Ministerioak bultzatutako Familien Legean jasota zeuden, eta hauteskunde orokorrak aurreratu zirenez, Kongresuan izapidetzea bertan behera geratu zen.
Baimen horien artean dago, esaterako, senideren bat edo bizikideren bat zaintzeko bost egun ordainduko baimena, istripu, gaixotasun larri, erietxeratze eta etxean zaintza behar duten kirurgia kasuetarako.
Gainera, urtean lau egunez baimen bat hartzeko aukera egongo da "ezinbesteko kasuetan". Baimen hau ere ordaindua izango da eta gurasoek, premiazko familia-arrazoiak dituztenean hartu ahal izango dute.
Hirugarrenik, zortzi asteko baimen ordaindu gabekorako eskubidea ere aitortzen die 8 urte baino gutxiago dituzten umeen gurasoei.
Ione Belarrak zuzentzen duen departamentuko iturriek azaldu dutenez, neurri horiek dekretu baten bidez onartzea erabaki da.
Egoera hori aprobetxatuz, gainera, dekretuak Belarraren taldearen beste proposamen bat ere jasotzen du, Familien Legearen baitan; horren arabera, izatezko bikoteek erregistro bakoitzeko 15 eguneko baimena izateko eskubidea izangi dute, gainerako ezkonkideek bezalaxe.
Albiste gehiago gizartea
Herriak eta hiriburuak prestatzen ari dira San Juan bezpera ospatzeko, urteko gau magikoena
Suak izango diren lekuak atontzen ibili dira egunean zehar. Eguraldiaren iragarpenaren arabera, litekeena da egunaren amaieran trumoi-zaparradak botatzea. Iruditan, Donostiako prestaketak.
Beroa eta prezipitazioak direla eta, abisu horia ezarri dute astearterako EAEn
Beroagatik ezarritako abisua 12:00etatik 18:00etara egongo da indarrean. Euriagatiko abisua, berriz, 15:00etan aktibatuko da eta gauerdira arte egongo da indarrean.
Motorzale bat larri zauritu da Bidankozen, auto batekin talka egin eta aldapa batetik behera erorita
Ezbeharra igandean jazo zen, 19:45ean, NA-2130 errepideko 8,9 kilometroan. Zauritua Nafarroako Unibertsitate Ospitalera eraman zuten, femurra hautsita zuela.
Zerura begira, San Joan bezperan
Iparraldean ostarteak zabalduko dira, baina adi hegoaldean, iluntzean trumoi-zaparradak botako ditu eta.
Bederatzi pertsona zauritu dira Galdakaon, auto batek harrapatuta
Auto erakusketa bateko hainbat ikusle zauritu dira Galdakaon (Bizkaia), parte hartzen ari zen autoetako batek harrapatuta. Zaurituak ospitalera eraman dituzte. Motor Show ikuskizunean gertatu da ezbeharra, Urreta auzoko San Joan jaietan. Dirudienez, ibilgailua kontrola galdu du, biribilgune batean irrist egin duelako, eta hesiaren atzean zeuden ikusleak aurretik eraman ditu.
Hainbat zauritu Galdakaon, auto-erakusketa batean
Ezbeharra Urreta auzoko San Joan jaietan gertatu da. Zaurituak Galdakaoko Ospitalera eraman dituzte; hala ere, gehienek ez dute zauri larririk, lehen informazioaren arabera.
Oraindik ere ikusten da ostiraleko sutearen ke arrastoa Gasteizko LEA-Lascaray enpresan
Gasteizko LEA-Lascaray enpresaren atarian hau da gaurko irudia. Oraindik ke arrastoa ikus daiteke, ostiraleko zoritxarreko sutearen ondorioz. Sugarrak kontrolpean dituzte, baina guztiz amatatu gabe daude oraindik. Enpresa erabat suntsituta geratu da, baina jabeek berreraiki egingo dutela jakinarazi dute.
Nico Williamsen irudia ezabatu dute ezezagunek, Barakaldon margotu zieten muraletik
Pintaketa bat agertu da Athleticeko jokalaria agertzen zen espazioaren gainean: "Joan edo geratu, errespetua galdu duzu". Bartzelona Futbol Klubaren balizko fitxaketarekin lotuta egon daiteke erasoa. Muralaren egilea oso haserre agertu da eta Athleticetik adierazi dute "Carlos Lopezen muraletik Nico Williamsen irudia ezabatu dutenek" ez dutela "Athletic ordezkatzen".
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.