Prezipitazioengatik ezarritako abisu horiak indarrean egongo dira astelehenera arte
Eusko Jaurlaritzaren Segurtasun Sailak zenbait abisu hori ezarri ditu igande honetarako eta astelehenerako izan daitezkeen prezipitazio handiengatik.
Gaurko abisua 15:00etatik 23:59ra egongo da indarrean, eta 15 litro bota ditzake metro koadroko. Mendebaldean espero dira eurite handienak, kasu batzuetan kazkabarrarekin, eta 60 eta 80 km/h abiadurako haizearekin batera.
Egoera errepika liteke asteleheneko 00:00etatik 03:00etara eta 15:00etatik 21:00etara.
Nafarroako Aemetek alerta egoera ezarri du prezipitazioengatik eta ekaintzengatik gaurko ordu bietatik gauerdira. Kazkabarra eta haize bolada gogorrak espero dira kasu honetan ere.
Gaur, igandea, ildo beretik jarraituko du eguraldiak. Tenperaturari dagokionez, uda beteko balioekin jarraituko dugu, baina Kantauri isurialdean zertxobait jaitsiko dira, batez ere kostaldean eta bertan 30 ºC-ren azpitik geldituko dira maximoak. Urdinguneak nagusituko dira eguneko momentu askotan, baina ezegonkortasuna dela eta edonon eta edonoiz trumoi-zaparradaren bat bota dezake, batez ere goizaldean eta arratsaldetik aurrera; baliteke zenbait lekutan zaparradak handiak izatea.
Astelehenean ezegonkortasuna areagotu egingo da. Egunean zehar zaparrada trumoitsuak bota ditzake han eta hemen, eta zenbait lekutan zaparradak handiak izan daitezke. Haizea ahul eta aldakor ibiliko da, Ebro ibarrean hego-ekialdekoa nagusituz; Kantauri isurialdean, berriz, ipar ukitukoa ibiliko da. Tenperatura minimoak zertxobait jaitsiko diren bitartean, maximoak, modu orokorragoan eta nabarmenagoan jaitsiko dira.
Kontsulta ezazu eguraldiaren iragarpena eitb.eus-en, eta bidali zure argazkiak eta bideoak.
Zure interesekoa izan daiteke
Denboraldiko lehen itsas txakur grisak ikusi dituzte euskal kostaldean
Adituek gomendatu dute behatzeko gunea ez argitaratzea, animalia horiengana ez hurbiltzea hamar metro baino gutxiagora, "estresatu egin daitezkeelako", eta jatekorik ez ematea.
Olentzerok eta Mari Domingik magiaz eta ilusioz bete dituzte Bilboko kaleak
Euria eta eguraldi makurra izan bada ere, ez dira falta izan pertsonaia mitologikoak, musika eta dantza. Etxeko txikienek ikazkina aurrez aurre ikusi eta agurtzeko aukera ere izan dute.
Indarkeria matxista egiturazkotzat jo du Argitanek, Barakaldon gertatutako hilketaren ostean
Azken hilketa matxista salatzeko eta emakumeen aurkako indarkeria gaitzesteko, elkarretaratzea egin du elkarte feministak.
Pertsona bat hil da Cabanillasen, Errege Bardean, quad batekin istripua izanda
64 urteko gizonezkoa da hildakoa. Gidatzen ari zen quad-a irauli da, ikertzen ari diren arrazoiengatik, eta azpian harrapatuta geldiut da.
Auzitegi Konstituzionalak erabakiko du EAEko enplegu publikoko hizkuntza-eskakizunei buruz
EAEko Auzitegi Nagusiak Konstituzio Auzitegiari galdetu dio ea konstituzionala den edo ez EAEko lanpostu publiko guztiek hizkuntza-eskakizun bat ezarrita izatea. Epaileetako batek boto partikularra igorri du; bere ustez, zalantzan dagoen legeak ez du "inolako desorekarik eragiten". Eusko Jaurlaritzak "oso larritzat" jo du erabakia.
Gipuzkoak alzheimerraren arreta goiztiarrerako zerbitzu aitzindaria izango du 2026an
Donostian egongo da, eta Europako erreferente bihurtu nahi da bere ikuspegi berritzaile, prebentibo eta komunitarioagatik.
Emakume bat hil da trenak harrapatuta, Gasteizko geltokiaren inguruan
Ezbeharra 14:30ak aldera gertatu da, eta, ondorioz, ordu eta erdiz trenbideko zirkulazioa eten behar izan dute.
Barakaldoko Udalak elkarretaratzea egin du udalerriko emakume baten hilketa matxista salatzeko
Barakaldoko Udalak elkarretaratzea egin du Herriko Plazan 54 urteko emakume baten hilketa matxista salatzeko. Miren Elgarrestak, Emakunderen zuzendariak, irmo gaitzetsi du hilketa, eta errua "desberdintasun sozialei" egotzi die "matxismo soziala" areagotzearen eragile nagusi gisa.
Gripe kasuek behera egin dute bigarren astez jarraian EAEn
Gripearen eraginak behera egin duen arren, Gabonetan jarduera sozialak gora egingo duela-eta kontuz ibiltzeko deia egin dute Osasun Sailak eta Osakidetzak.
325 milioi euro gastu sozialera beharrean erabilera militarrera bideratu daitezkeela salatu dute Eusko Legebiltzarraren aurrean
Euskadiko GKEen Koordinakundeak eta Zehar-Errefuxiatuekin deitutako protesta batek astearte honetan Eusko Legebiltzarrean salatu duenez, Eusko Jaurlaritzaren 2026rako aurrekontu proiektuak atea irekitzen dio erabilera militarrera bideratzea inbertsio industrialerako ziren 325 milioi euro. Azaldu dutenez, gobernu-taldeek (EAJ eta PSE) zuzenketa bat aurkeztu dute Lankidetza eta Elkartasunaren Euskal Legearen 10. artikulua aldatzeko eta "armamentuen industriarekin ekonomikoki elkarlanean aritzeko, betiere Europakoa bada".