Albiste izango dira: Euskara Kongresuan eta EBn, sagardoaren uzta berria eta NBEren bilera

Honako gai hauek hartuko dituzte gaur, irailak 19, hedabideetako lerroburu nagusiak:

- Euskara Kongresuan eta EBn: Madrilgo Diputatuen Kongresuan Estatuko hizkuntza koofizialetan hitz egiteko aukera izango da gaurtik aurrera. Hain zuzen ere, aukera hori legezkoa izan dadin, arautegia aldatu beharra dago eta gaur, 12:00etan hasiko da araudia aldatzeko eztabaida hori. Bestalde, euskara, katalana eta galegoa Europar Batasunean ofizial egiteko Espainiako Gobernuak egindako eskaria aztertuko dute EBko Gai Orokorren Kontseiluan.

- Sagardoaren uzta berria: Villabonan aurkeztuko dute sagardoaren uzta berria.

- NBEren bilera: Ukrainak bizi duen egoeraz arituko dira gaurko biltzarrean. Bestalde, fentaniloaren kontrako borrokan egindako ahaleginen berri emango du AEBk.