Eguzki-eklipse anular batek Amerika zeharkatuko du ipar-mendebaldetik hego-ekialdera
Gaur, urriaren 14a, larunbata, eguzki-eklipse anular bat izango da. AEBko mendebaldean, Erdialdeko Amerika eta Hego Amerikako zenbait tokitan ikusi ahalko da fenomenoa, eta ozta-ozta, mendebaldeko kanariar uharteetan eta Cabo Verden. Guztira, eklipseak 351 minutu iraungo du (6 ordu eskas). Puntu gorena 17:59an izango da (ordu unibertsala) Karibe itsasoan, Punta Gorda (Nikaragua) parean; une horretan, eklipsearen magnitudea (Ilargiak ezkutatzen duen eguzki-diametroaren frakzioa) 0,95 izango da.
Eraztun-eklipsea Amerikan ikusiko da ondoen, ipar-mendebaldetik hego-ekialdera, Mexiko, Belize, Honduras, Nikaragua, Panama, Kolonbia eta Brasil aldean, eta Cabo Verden eta Afrikako mendebaldeko muturrean ere ikusiko da, oso ahul bada ere. Behatoki Astronomiko Nazionalaren arabera, Espainiako Estatuan, ikustekotan, Hierron, La Palman, Gomeran, Tenerifen eta Kanaria Handian ikusi ahalko da, baina fenomenoa ia ez da hautemango, eguzkia sartzearekin batera gertatuko baita.
Eklipse bat gertatzen da objektu astronomiko batek beste bat erabat edo partzialki ezkutatzen duenean. Lurretik, eguzki- eta ilargi-eklipseak ikus ditzakegu. Lehenengo kasuan, Ilargiak eguzki-diskoa ezkutatzen du, eta bigarrenean, Ilargia Lurrak espazioan proiektatzen duen itzalean jartzen da. Honen moduko eklipse batean, Ilargiak ez du Eguzkiaren diskoa estaltzen, nahiz eta bere erdiguneak ondo lerrokatuta egon, eta Ilargiaren diskoa inguratzen duen eraztun laranja distiratsua da horren emaitza.
1912tik ez da eguzki-eklipserik ikusi Iberiar penintsulan. Eklipse eskasia, ordea, laster amaituko da, 2026a eta 2028a bitartean bi eklipse oso eta anular bat izango baitira, eta Iberiar penintsulako lekuren batetik ikusi ahalko dira.
Zure interesekoa izan daiteke
Borondatezko abortuak Osakidetzan egiteko proiektu pilotu bat abiatuko du urrian Eusko Jaurlaritzak
Gaur egun, osasun arrazoiengatik egiten diren abortuez bakarrik arduratzen da Osakidetza, eta zentro pribatuetara bideratzen ditu beren borondatez haurdunaldia eten nahi duten emakumeak.
Trafiko murrizketa handiak izango dira Bilbon EHUren graduazio ekitaldiak eta Iberdrolaren urteurrenak eraginda
Murrizketa handienak 20:00etatik aurrera izango dira, orduan hainbat kale eta Salbeko eta Deustuko zubiak itxiko baitituzte.
EHUk graduazio ekitaldi handia egingo du gaur San Mamesen
Lehen aldiz, Euskal Herriko unibertsitate publikoan ikasketak amaitzen dituzten gradu eta graduondoko azken urteko 4.000 ikasle baino gehiago bilduko dira ekitaldi bakarrean. Jaia 18:30ean hasiko da, eta, besteak beste, Nogen eta Janus Lester taldeak eta Maialen Lujanbio eta Amets Arzallus bertsolariak arituko dira bertan.
Oztopoen aurrean 'sare sendo bat' osatzen dutela adierazi dute 115 zentroetako lehendakariek
Euskal Herriko 115 ikastoletako lehendakariek agerraldi jendetsua egin dute gaur arratsaldean Hernanin (Gipuzkoa). Azken boladan izandako auzien balorazioa egiteko eta emandako erantzun kolektiboaren balioa goratzeko agerraldia izan da. Ekitaldian, Oier Sanjurjo Nafarroako Ikastolen Elkarteko lehendakariak, Erik Etxart Seaskako lehendakaritzako kideak eta Nekane Artola Ikastolen Elkarteko lehendakariak hartu dute hitza. Azkenaldiko oztopoen aurrean ere 'indartsu eta gogotsu' arituko direla 'euskarazko hezkuntza baten alde' adierazi dute. Bi kasu aipatu dituzte bereziki: Lodosako kasua: Nafarroako Gobernuak Ibaialde ikastolari Haur Hezkuntzako ituna kentzeko egindako saiakera eta eskualdeak emandako babesa. Baxoaren borroka: Ipar Euskal Herrian azterketak euskaraz egin ahal izateko ikasle zein eragileek erakutsitako konpromisoa.
Leon XIV.a Kanaria Handian: "Giza duintasunak ez du pasaporterik"
Espainiara egindako bisitan, Aita Santuak Arguineguin herriko kaia bisitatu du, Kanaria Handiaren hegoaldean. Bertara iristen dira Afrikako migratzaileak dakartzaten txalupetako asko. Ekitaldian, testigantza oso gogorrak entzun dira, eta Leon XIV.ak gizakiaren duintasuna defendatu du.
Gorpu bat topatu dute Iruñean, kale erdian, indarkeria zantzuekin
Gorpua 16:30 aldera topatu dute, Etxabakoitzeko igogailuaren ondoan dagoen lorategi batean, Iruñeko Remiro de Goñi kalean, eta "lehen zantzuen arabera, indarkeriazko heriotza izan da".
"0" kalifikazioa jarri diete zortzi ikasleri USaPeko euskara azterketan, EHUren akats informatiko baten ondorioz
Bizkaiko epaimahai batean izan da akatsa, eta "0" batekin ez aurkeztutako gisa gaizki kalifikatu ziren notak. Unibertsitateak akatsa atzeman du, aktak berrikusi ditu eta nota errealak sartu ditu sisteman, eta dagozkien zentroei jakinarazi die.
Eusko Jaurlaritzak abian jarri du tigre eltxoaren aurkako plana, EAEko 72 udalerritan atzeman ostean
Zaintza ekainaren 15ean hasiko da, eta udazkenaren erdialdera arte iraungo du, tigre eltxoaren jarduera handieneko aldia. Gutxienez 72 udalerritan detektatu da dagoeneko, EAEko biztanleriaren zati handi bat hartzen duten udalerrietan. Horregatik, espezie inbaditzaile horren aurkako prebentzioa areagotu egin da, udalerriekin lankidetzan batez ere.
Baskoniak eta bere zaleek botako dute Gasteizko jaietako txupinazoa
Aurten irabazitako Errege Kopako tituluagatik eta "Baskoniak eta bere zaletuek ordezkatzen duten guztiagatik" hiriak aitortza egingo dio.
8 urtez azpiko haurrek ezingo dute adingabeentzako zezenketetan parte hartu
Zezen-jaietan haurren parte-hartzea erregulatzeko EAJk eta PSEk bultzatutako lege proposamenak PPren aldeko botoa jaso du; EH Bildu abstenitu egin da, gutxieneko adinak 12 urtekoa izan beharko lukeela uste baitu. Araudia osoko bilkuran onartu beharko da, eta zenbait berritasun jasotzen ditu, hala nola abelburuen gutxieneko adina, eta gurasoen baimenen beharra kentzea.