Lau atxilotu, Artxanda mendiko eraikin batean abuztuan aurkitu zituzten gorpuzkiekin zerikusia dutelakoan
Ertzaintzak lau pertsona atxilotu ditu, Bilboko Artxanda mendiko eraikin batean abuztuaren 19an aurkitu zituzten gorpuzki erreekin zerikusia dutelakoan, Ertzaintzako iturriek eitb.eus-i baieztatu diotenez.
Gainera, bosgarren pertsona bat ikertzen ari dira. Auziak sumario-sekretupean jarraitzen du. Atxiloketak Bilbon, Barakaldon eta Zaldibarren (Bizkaia) egin dituzte.
Abuztuaren 19an, larrialdietako zerbitzuek indarkeria zantzuak zituzten hainbat gorpuzki aurkitu zituzten Artxandako eraikin abandonatu batean, Miramar jatetxean. Erretako maleta baten barruan zeuden hondakinak.
Gorpuzkiok 05:00ak aldera aurkitu zituzte. Jatetxea 2019an itxi zuten, eta ordutik erabat abandonatuta dago.
Gorpuzkiak gizon batenak dira. Josu Erkoreka Segurtasun sailburuak orduan aitortu zuen "ikerketa bereziki konplexua" dela, baina aurreratu zuen "eskura zegoen material urriarekin aurrera egiten" ari zirela.
Erkorekak azaldu zuenez, biktima identifikatzeko lanean ari ziren, "maletan dauden elementu fisiko eta anatomikoen bidez". Zehazki, hainbat hatz aurkitu zituztela zehaztu zuen, eta "behar bezala birhidratatuta, hatz-markak identifikatzeko eta biktimaren nortasuna aurkitzeko" oinarri izan daitezkeela. Hala ere, "ez da erraza", onartu du, "tratu txarrak jasan dituen gorputza" baita.
Zure interesekoa izan daiteke
EAEn 13.297 haur jaio ziren 2025ean, 2024an baino %2,8 gehiago
2025eko azken hiruhilekoan, 3.438 jaiotza izan ziren Euskal Autonomia Erkidegoan, hau da, iazko aldi berean baino % 6,1 gehiago, Eustaten datuen arabera.
Pertsona bat zauritu da Donostiako Herrera auzoko pabiloi batean, ustez eragindako sute batean
Beste hiru lagun tokian bertan artatu dituzte, kea arnasteagatik. Lehen ikerketen arabera, itxuraz, sutea nahita piztu dute. Udaltzainek hainbat pertsona atxilotu dituzte, eta ez dute baztertu gehiago atxilotzea, ikerketa oraindik irekita baitago.
Leioak gauerdira arte luzatu du TAOaren ordutegia
Udalbatzak erabaki hori hartu du arratsalde-gauean Leioako hiru TAO guneetan (Pinueta, Lamiako eta Ibaiondo) aparkatzeko arazoak izaten direlako, Getxoko bizilagun askok hor uzten dutelako autoa.
Auto-ilarak AP-8 autobidean, Basaurin, Donostiarako noranzkoan, istripu baten ondorioz
Ezbeharrak trafiko-arazoak sortu ditu AP-8ko hainbat puntutan, bereziki Malmasingo tuneletan.
Albiste izango dira: Maialen Mazonen ustezko hiltzailearen aurkako epaiketa, Zubietako espetxearen gaineko eskumena aldatzea eta Ekain Ricori elkarrizketa Radio Euskadin
Gaurkoan Orain-en albiste izango direnen laburpena, bi hitzetan.
Maialen Mazonen hilketaren epaiketa martxan da, herri-epaimahaiaren hautaketarekin
Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena. Zehazki, 25 urte azpikeriaz eta ankerkeriaz egindako hilketagatik, 8 urte bi abortu delituengatik eta 4 urte adingabea abandonatzeagatik.
Gorpu bat agertu da Zaratamoko Arkotxa auzoan, errepide ondoan
Igande arratsaldean aurkitu dute gorpua, abandonatutako hainbat industria-pabiloiren ondoan. Ertzaintzak ikerketa abiatu du gertatutakoa argitzeko.
Israelek "nazioarteko zuzenbidea urratu" duela salatu dute Iruñean
Elkarretaratzean, atxilotutako bi ekintzaileak askatzeko eta ontziei Gazara iristen eta laguntza humanitarioa ematen uzteko eskatu dute, besteak beste.
Putzu handiak egin dira Jundizko industrialdean euriteen ondorioz eta urak trenbidea zein errepideak hartu ditu
Iluntzean Gasteizen bota duen erauntsiak putzu ikaragarriak sortu ditu Jundizko industrialdean. Irun eta Madril lotzen dituen trenbideko zati bat urak hartu du. Industrialdeko errepideak ere hartu ditu urak, eta ibilgailuak kontu handiz igaro behar izan dute bertatik.
1.500 emakumek erasoak jasan dituzte Euskadin martxora arte, % 69,4k bikotekideek edo bikotekide ohiek eragindakoak
Delitu motaren arabera sailkatuta, ugaritu egin da familia barruko indarkeria —ez ditu bikotekideak edo bikotekide ohiak kontuan hartzen—. Guztira, 298 biktima izan dira martxora arte, hau da, aurreko urtean baino % 11,6 gehiago, Emakumearen Euskal Erakundeak (Emakunde) bildutako datuen arabera.