Pornografia indarkeria matxistaren "eskola bat" da gazteentzat, EAEko erakundeek ohartarazi dutenez
Gazte-gazte direla, batez beste 12 urterekin, hasten dira nerabeak pornografia ikusten, eta indarkeria matxistaren "eskola bat" bilakatzen da eurentzat. Hortaz, behar-beharrezkoa da gazteen heziketa sexuala horren bitartez ez egitea. Hori guztia ohartarazteko kanpaina abiatuko dute EAEko erakundeek A25ra begira —Emakumeen kontrako indarkeria desagerrarazteko nazioarteko eguna—.
Eusko Jaurlaritzako Berdintasun, Justizia eta Gizarte Politiketako Sailak, Emakunderen bitartez, Arabako, Bizkaiko eta Gipuzkoako foru-aldundiek eta Eudelek gaur aurkeztu dute kanpaina, "Pornoa emakumeen aurkako indarkeriaren eskola bat da" lelopean. Honakoak izan dira ekitaldian: Nerea Melgosa sailburua, Miren Elgarresta Emakunderen zuzendaria, Nerea Isasi, Jone Berriozabal eta Patricia Campelo foru ordezkariak, eta Esther Apraiz Eudelen presidentea.
Ordezkariok azaldu dutenez, teknologiaren aurrerapenak eta interneten nonahikotasunak eragin dute "pornografia masiboki hedatzea gure gizartean, aurrekaririk gabeko testuinguruan, dohainik eta 24 orduko eskaintzarekin". Arazoa ez da gazteek eszena sexualak ikustea, indarkeriazkoak baizik. Izan ere, eszena pornografikoen % 88,2k emakumeen aurkako indarkeria fisikoa edo hitzezkoa dute.
Gainera, nerabeen % 33,4k uste dute pornoak "eragin handia" duela euren sexu harremanetan. Pornografiaren bitartez, "menderatzen ikasten dute gizonek, men egiten eta umiliatuak izaten emakumeek", azaldu dute. Bestela esanda, pornoaren bidez indartu egiten dira "maskulinitate bortitza eta menderatzailea eta feminitate atsegingarria, emakumea kosifikatzen duena, betiere gizonezkoen gozamenaren aginduetara".
Ohartarazi dutenez, "pornografia indarkeria eskola bihurtzen ari da, sexu harremanetan egin behar dutenari buruzko argibide liburu moduko bat. Pornografia hori imajinario erotiko kolektibo bat eraikitzen ari da, non emakumeen aurkako indarkeriazko jarreren normalizazioa ematen den; imajinario bat, non beste pertsonarekiko enpatia desagertzen den eta botere harremanekin ordezkatzen den".
Kanpaina bihartik, azaroaren 10etik, 25era egingo dute sare sozialetan, telebistan, irratietan eta kartelen bitartez.
Zure interesekoa izan daiteke
Bideo hunkigarria argitaratu du Lara Tacorontek, Mexikora ikastera joan eta hil duten gaztearen ahizpak
Lara Tacorontek, asteburuan Mexikon labankadaz hil zuten Claudiaren ahizpak, salatu duenez, inork ez zion bere familiari jakinarazi “duela oso gutxi” beste bi emakume hil zituztela unibertsitate berean, Moreloseko Autonomoan. "Zergatik ez du inork ezer egiten?", galdetu eta deitoratu du "gutako bakoitza, pertsona gisa, gizarte gisa, aldatzen ez garen arte, horrelakoek gertatzen jarraituko dute".
Gasteizek gogortu egingo du animalien ordenantza: 200 euro pixa eta gorozkiak ez garbitzeagatik, nahitaezko asegurua eta 100.000 eurorainoko isunak
Ordenantzaren eguneraketak arau-hauste arinak gogortuko ditu: egun 750 eurotik beherakoak eta 3.000 eurora iritsiko dira orain. Berritasunen artean, animalien pixa urez garbitzeko betebeharra dago, eta hori ez betetzeak 200 euroko isuna izango du.
Trafikoa bere onera etorri da N-634an, Galdakao parean, istripu baten ondorioz ia bi orduz itxita egon ondoren
Ezbeharra 14:45ean gertatu da Kortederrako gasolindegitik gertu, 96. kilometroan. Auto batek eta kamioi batek elkarren kontra jo dute, eta pertsona bat zauritu da.
Sua berriro piztu da Derion, goizaldean itzali eta ordu gutxira
Sua asteleheneko 20:30ak aldera piztu zen San Isidro auzoko baso-eremu batean, Loiuko aireportutik gertu. Suhiltzaileek sugarrak erabat itzaltzea lortu zuten arren goizaldeko 05:30ak aldera, sua berriro piztu da eta lanean ari dira une honetan, sugarrak itzaltzen.
Zestoako jaietan pertsona bati egindako eraso "bortitza" salatu dute
Udalak ohar baten bidez jakinarazi duenez, lagun bat "bortizki" kolpatu zuten, eta erasoaren ondorioz, hezur haustura eta buruan zauriak izan zituen. Hori dela eta, ospitalera eraman zuten, eta Neurologia Zerbitzuan dago ingresatuta. Bestalde, Segurtasun Sailak zehaztu du irailaren 9ko gauerdian gertatu zela erasoa, eta biktima 40 bat urteko gizonezko bat dela.
Sexu-askatasunaren aurkako delituak batez beste % 8 hazi dira Euskadin
2025ean 2.200 kasu salatu ziren. Fiskaltzaren memoriak ohartarazi duenez, adingabeei zuzendutako prebentzio eta kontzientziazio lanak "ez dira funtzionatzen ari".
Justizia Anderrentzat plataformak gezurretan aritzea leporatu die Santurtziko Udalari eta poliziari
Ander S. T. poliziaren indarkeriak hil zuela frogatuko omen dute prozesu judizialean, eta frogetako bat aurkeztu dute: atxiloketaren bideoa. Plataformak manifestazioa deitu du urriaren 3an.
Ikasle-egoitza ala partekatutako pisua? Unibertsitateetako egoitzen eskariak gora, alokairuen garestitzeagatik
Etxebizitza partekatua aurkitzea gero eta zailagoa da, eta egoitza eta pisuaren arteko prezio-aldea txikitu egin da. Ikasle-egoitza batzuk %100eko okupaziotik gertu daude: erosotasunak, zerbitzuek eta banakako gelek gero eta ikasle gehiago erakartzen dituzte.
Espetxera eraman dute motozerra batekin hainbat gazte mehatxatu zituen gizona
Leporatzen dizkioten gertakariak irailaren 12ko goizaldean jazo ziren. Aurrekari polizialak zituen gizon hori hainbat pertsonari segika ibili zen Algortan, motozerra bat eskuetan zuela.
Eguraldi aldaketa gaurtik aurrera, eta euria asteazkenerako zein ostegunerako
Goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.